» kusruthytintu™

ഒരു അവിഞ്ഞ ഓണത്തിന്‍റെ ഓര്‍മ്മക്ക്...

2011-10-20T00:54:00.000-07:00

പണ്ട് എഴുതി തുടങ്ങിയതും ഒരു ഓണത്തിനെ കുറിച്ചായിരുന്നു... എന്തായാലും എന്‍റെ ഈ ഓണവും അതിന്‍റെ ഒരു xerox കോപ്പി കണക്ക്‌ കടന്നു പോയി( അത് കൈയ്യിലിരിപ്പ് കൊണ്ടാന്നു ചിലര് മനസ്സില്‍ പറയും.... ങാ ഫ്രാണ്ട്സായ ശുഷ്കാന്തി വേണം ശുഷ്കാന്തി... :-/ )... എന്നാ പിന്നെ അങ്ങ് എഴുതി പിടിപ്പിച്ചേക്കാം എന്നു വെച്ചു...

ഇടക്ക്‌ ഒരു ഒന്നരവര്‍ഷം Gap Year :P... ജീവിതത്തിനു ആകെ ഒരു വ്യത്യാസം എന്നൊക്കെ പറയാന്‍, പപ്പൂസും ജെറിയും ഏന്‍റെ ജീവിതത്തിലേക്ക് വന്നു എന്നത് മാത്രമാണ്.പപ്പൂസ് എന്‍റെ കെട്ടിയോനും ജെറി ഞമ്മടെ മോനും............ അല്ല!! 'എന്നെ ഞാന്‍ വിളികുന്നത് വിമല്‍കുമാറെന്നാ' ന്നു പറഞ്ഞ കണക്ക്‌, ന്‍റെ സന്തതസഹചാരിയും ആത്മമിത്രവുമായ ലാപ്പിടോപ്പിയെ ഞാന്‍ വിളിക്കുന്ന പേരാ 'പപ്പൂസ്' ! പപ്പൂസ് വന്നപോ ഒരു ബഡാ സര്‍പ്രിയിസായി എന്‍റെ ക്ലോസസ്റ്റ്‌ ഫ്രണ്ട്‌ രഞ്ജി തന്നതാ വാലില്ലാത്ത ഈ ജെറിയെ (മൌസ്, മൌസ്..)...

ങാ... അപ്പോ ഞാന്‍ പറയാന്‍ വന്നത്... ങാ....ഓണാഘോഷം..!! കഴിഞ്ഞ ഓണത്തിന് ഒരു ദിവസം മൂന്നു സദ്യയൊക്കെ വെച്ച് മാരത്തോണ്‍ ഓണസദ്യ ഉണ്ട് അഹങ്കരിച്ചത് കൊണ്ടാവും, ഇത്തവണ നമ്മുക്ക് ഓണം വെറും ടീവി കാണല്‍ മാത്രമായി കര്‍ത്താവ് വെട്ടി ചുരുക്കിയത്. ഈ ഓണം കെങ്കേമമാക്കണം എന്നൊക്കെ കരുതിയെങ്കിലും തിരുവോണം പിറന്നപോ As Usual നമ്മള് ശശിയായി ... ങാ പിന്നെ സൊര്‍ഗ്ഗത്തിലേക്കുള്ള വഴി വര്‍ഷമിത്രേം ആയിട്ടും ഒരു സര്‍ക്കാരും നാലുവരി പാതയാക്കി Tarറിട്ടിട്ടില്ലല്ലോ... അതുകൊണ്ട് ഞാനങ്ങ് ക്ഷമിച്ച് :-/

അങ്ങനെ... ബോറടിച്ച്...ചുമ്മാ ഇരുന്ന ഫ്രഫ്രുലിനോട് പോയി വഴകിട്ട് ഇരികുമ്പോഴുണ്ട്... നമ്മള്‍ടെ റസിഡന്‍സ് അസോസിയേഷന്‍ ഭാരവാഹികളും ഈ നാട്ടിലെ പ്രമാണികളുമായ ഒരു പറ്റം retired teamസ് ഓണാഘോഷം നേട്ടീസുമായി വന്നത്...സദ്യ അല്ലാതെ വേറെ കലാപരിപാടികളോന്നുമില്ല. പതിവ് പോലെ ചിങ്ങം അതിന്‍റെ പാട്ടിനു പോയി പിന്നെ കന്നിയും തുലാം ഒക്കെ എത്തിയാലെ ഞങ്ങള് ഓണം ആഘോഷിക്കൂ... കാരണം ഉണ്ട് ...ആറ്റുകാല്‍ പൊങ്കാലക്ക് അടുപ്പ് കൂട്ടിയത്‌ കണക്കാ ഇവിടെ വീടുകള്‍, ഒരു പത്തിരുപത്‌ റസിഡന്‍സ് അസോസിയേഷന്‍സും എല്ലാവര്‍ക്കും കൂടി ആറ്റു നോറ്റുണ്ടായത് കണക്ക്‌ ഒരു കരയോഗം ഹാളും, അതില് ഡിസംബര്‍ വരെ ഓരോരുത്തരായി ഓണം ആഘോഷിക്കും.. അങ്ങനെ ഞങ്ങളുടെ ഓണഘോഷാണ് വിജയദശമി അവധിക്ക് ... കുറേ കാലമായി സ്വദേശവാസം തന്നെയാണെങ്കിലും ( ഓ.. പണ്ട് ഈസ്റ്റാഫ്രിക്കയിലായിരുന്ന കണക്ക്‌ ) ജാടക്ക് നമ്മള്‍ ഒരു പോറലും ഏല്‍പ്പിച്ചിട്ടില്ല. അതുകൊണ്ട് തന്നെ ചുമ്മാ വീടിന്‍റെ പുറത്തിറങ്ങിയും നാട്ടുകാരെ നോക്കി ചിരിച്ചും Star valueവിനു മങ്ങലേല്‍പ്പിക്കാതെ നുമ്മ പരമാവധി ശ്രദ്ധിച്ചു. എന്നാലും പണ്ട് നമ്മടെ കൂടെ നാടുറോഡില്‍ ക്രിക്കറ്റൊക്കെ കളിച്ച പിള്ളേരൊക്കെ ഏതുവരെ ആയെന്നറിയാനുള്ള ഒരു ത്വര കാരണം പൊയ്ക്കളയാം എന്ന് തിരുമാനിച്ചു.

അങ്ങനെ ആ ദിവസം പൊട്ടി വിരിഞ്ഞു ...മോങ്ങാനിരുന്ന നായിന്‍റെ തലേ തേങ്ങ വീണു!! എന്നൊരു അവസ്ഥയിലാണ് ഞങ്ങള് താമസ്സക്കരെല്ലാം, കാരണം Corporation വെള്ളം മുടങ്ങീട്ട് അന്ന് നാലാം ദിവസം. എല്ലാവര്‍ക്കും മൂന്നും നാലും സെന്‍റ് സ്ഥലം ഒക്കെ ഉള്ളു, അതില് മാക്സിമം നിറഞ്ഞു നില്‍ക്കണ ഒരു ബംഗ്ലാവ് വെക്കും, പിന്നെ എവിടെ കൊണ്ടിട്ടു കിണറു കുത്താനാ???? കുറച്ചുകാലം ആയിട്ട് അരുവിക്കര ഡാമില്‍ നിന്ന് വരുന്ന ക്ലോറിന്‍ വെള്ളത്തിന്‌ ഫോഴ്സ്‌ ഇല്ലാത്തത് കൊണ്ട് എല്ലാവരുടെയും വാട്ടര്‍ ടാങ്ക് പൂച്ചകളുടെ പ്രസവ വര്‍ഡായി പ്രഘ്യാപിക്കാന്‍ പറ്റിയ കണ്ടീഷനില്‍ കിടക്കുന്നു. അപ്പോഴുണ്ട് എവിടാണ്ടോ പൈപ്പും പൊട്ടി ഒരു മുന്നറിയിപ്പും കൂടാതെ വെള്ളം പോയത്‌ കാരണം എല്ലാവരും കൂടി ഒരു തുള്ളി വെള്ളമില്ലാതെ ബ്ലിങ്കസ്യാ ഇരിക്കുന്ന സമയം.. നാട്ടപാതിരാത്രി നൂലുപോലെ വരുന്ന വെള്ളം കുപ്പിയിലാക്കി അതും കുടിച്ച്, വെപ്പും കുടിയും കുളിയും നനയും ഒന്നും ഇല്ലാതെ ജീവിക്കുന്ന ഒരു വേദനിക്കുന്ന ജനസമൂഹം...

നട്ടുച്ച പന്ത്രണ്ടു മണി ആയപ്പോ അപ്പറത്തെ വീട്ടിലെ Aunty .. "മോനേ..." ... ന്നു അങ്കമാലി സ്റ്റൈലില്‍ വിളി തുടങ്ങി... അങ്ങോട്ട്‌ തലയിട്ട് എന്താന്നു പറഞ്ഞു നോക്കിയപ്പോ ... “മോനേനേ.. പോകുമ്പോ വിളിക്കണോട്ടാ..” ന്നു... ങാ അല്ലങ്കിലും ഇവിടെ വല്ലോ അടിയന്തരമോ കല്യാണമോ ഉണ്ടായാലും എല്ലാവരും കൂടി നിയമസഭ വളയാന്‍ സമരക്കാര് പോകുന്നത് പോലെ കൂട്ടമായിട്ടേ പോക്കു(അന്നേരം ഞാന്‍ വിദക്തമായി മുങ്ങും :-|)... അങ്ങനെ അലക്കി തേച്ചു മടക്കി അലമാരിയില്‍ വെച്ചിരുന്ന കുപ്പായം എടുത്ത്‌ കട്ടിലില്‍ എടുത്ത്‌ വെച്ചിട്ട്, നാല് ദിവസമായി വെള്ളം കണ്ടിട്ടില്ലാത്ത എന്‍റെ പൂമേനിയിലേക്ക് നോക്കി നെടുവീര്‍പ്പെട്ടു ... ഹോ വെള്ളമുണ്ടായിരുന്ന കാലത്ത്‌ അമ്മ ഒരു കൊലപാതാകാന്തരീക്ഷം സൃഷ്ടിച്ച്, അനിയത്തി എന്ന് പറയുന്ന ജന്മശത്രുവിന്‍റെ സഹായത്തോടെ എത്ര തവണയാ എന്നെ പൊക്കി ബാത്രൂമിലാക്കി പുറത്തൂന്ന് പൂട്ടിയേക്കുന്നത്... അന്നൊക്കെ മേത്ത് വെള്ളം വീഴുന്നത് പോലെ ഒരു ‘yuck ’ ഏര്‍പ്പാപട് എനിക്ക് വേറെയില്ലായിരുന്നു, ആ ഞാനാ ഇന്ന് കുളിക്കാന്‍ വേണ്ടി വെമ്പല്‍ കൊള്ളുന്നതെന്നോര്‍ത്തപോള്‍ തന്നെ... ശ്യോ രോമാഞ്ചം വന്നു...

Salt & Pepperല്‍ "അമ്മായമ്മയില്ല! അതാണ് ഹൈലൈറ്റ്" ന്നു പറഞ്ഞകണക്ക്‌ നാല് ദിവസമായി മിക്കവാറും ഒരു വീട്ടിലും കഞ്ഞി വെച്ചിട്ടില്ല അതാ ഞങ്ങളുടെ ഈ ഓണാഘോഷത്തിന്‍റെ ഹൈലൈറ്റ്‌... ബ്രഡും പഴവും ഒക്കെയാണ് ആഹാരം.. അപ്പൊ ചുമ്മാ ഒരു സദ്യ, കുളിച്ചില്ല ഫ്രാഷായില്ലന്നും പറഞ്ഞു കളയാന്‍ പറ്റുവോ? നമ്മളോടാ കളി, കുപ്പായം വലിച്ചു കേറ്റി, jonhnsons baby powder എടുത്ത്‌ ഉള്ളിലേക്ക് ഒരു 100gm തട്ടി,( ബാക്കി എല്ലാ powderറും Tin2 നു അലര്‍ജിയാ) നാല് ദിവസമായി വെള്ളം കാണാത്ത മുഖത്തും ഒരു ലെയര്‍ ഇട്ട്, സുന്ദരിയായി ഇറങ്ങി.

ഒരു പ്രകടത്തിനുള്ള ആളുകള്‍ നമ്മടെ gateനു മുന്നില്‍ നില്‍പ്പുണ്ട്...പിന്നിലെ വീട്ടിലെ ആന്‍റിയും മോളും മോള്‍ടെ മക്കളും, വലത്തെ സൈഡിലെ’ വീട്ടിലെ ദീപ ചേച്ചിയും ചെര്‍ക്കിനും ..... മുന്നിലെ വീട്ടിലെ ശ്രീക്കുട്ടനും അമ്മേം ചേച്ചിയും പിന്നെ എന്‍റെ. അമ്മേം അനിയത്തീം... ഹോ ഞാന്‍ പൊക്കി കൊണ്ട് നടന്ന പിള്ളേരൊക്കെ വലുതായിരിക്കുന്നു ...

നമ്മടെ ശ്രീക്കുട്ടന്‍ ഒരു ഒന്നൊന്നരയാ... പണ്ട് ഞാന്‍ അന്തര്‍സംസ്ഥാന പഠിപ്പ് മുടിച്ച് നാട്ടിലെത്തിയ ദിവസം, രാവിലത്തെ വണ്ടിക്കാ എത്തിയത് ഒരു ഏഴ് മണി ഒക്കെയാകും നോക്കിയപ്പോഴുണ്ട് മുറ്റത്തെ മാവ് നിറച്ചു മാങ്ങ...!! എന്‍റെ ദൈവമേ... ഞാന്‍ breakfast ഒക്കെ കഴിച്ചു പതിയെ ടെറസില്‍ കയറി... മാങ്ങാ ഒക്കെ കയ്യെത്തണ പൊക്കത്തില്‍ നില്‍ക്കാ.... ഞാന്‍ ഒരു മാങ്ങാ പറിച്ചതും ഒപ്പോസിറ്റ്‌ വീട്ടീന്നു ഒരു നിലവിളി... “അച്ഛച്ചാച്ചാച്ചാച്ചാച്ചാച്ചാച്ചാച്ചാച്ചാ.. ...” നമ്മടെ ചീകുട്ടനാ(അന്നവനു മൂന്ന്‍ വയസ്‌ !) .. വിളികേണ്ട താമസം അവന്‍റെ അച്ഛന്‍ പാഞ്ഞു വന്നു(അവര് അടയും ചക്കരേം കണക്കാ, ഫീകര സ്നേഹമാണ് രണ്ടും!!)... ഇവന്‍ ഓടി അച്ഛന്‍റെടുത്ത് പോയി എന്നെ ചൂണ്ടി കാണിച്ച് അച്ഛനോട്.. “അച്ഛാ അച്ഛാ നോക്ക്..”(ശ്യോ.. കൊച്ചിന്‍റെ ഒരു സ്നേഹം...!!)... അവന്‍റെ അച്ഛന്‍ എന്നെ നോക്കിയിട്ട് അവനെ വലിച്ചു അകത്തേക്ക് കൊണ്ട് പോകാന്‍ നോക്കുന്നു(പുള്ളിക്ക് അല്ലെങ്കിലും വല്യ നാണാ)... ചെര്‍ക്കന്‍ അച്ഛന്‍റെ കൈയൊക്കെ തട്ടി മാറ്റി ഓടി വന്നു ഞങ്ങളുടെ gateല്‍ വന്നു മുട്ടി Aunty....Aunty... ന്നു വിളിക്യാ .. ഞാന്‍ ഇങ്ങനെ അന്തം വിട്ടു നിപ്പോഴുണ്ട് നമ്മടെ അമ്മച്ചി ഉള്ളില്‍ നിന്നിറങ്ങി വരുന്നത് കണ്ടതും ലവന്‍.... വിളിച്ചു പറയാ .. “Aunty....Aunty ദേറ്റെ ഒരു പെന്ന്‍ വന്നു നമ്മടെ മാങ്ങ പരിക്കന്” ന്നു .. ഹോ ഒരു നിമിഷം എന്‍റെ ചങ്ക് തകര്‍ന്നു പോയി ...എന്‍റെ വീട്ടിലെ എന്‍റെ അമ്മ നട്ട മാവിലെ മാങ്ങ ഞാന്‍ പാറിച്ചതിനു പരാതീം കൊണ്ട് വന്നേക്കണ് നരുന്ത് ചെര്‍ക്കന്‍!! "അയ്യോ അതിവിടത്തെ ചേച്ചിയാ മോനേ..." ന്നും പറഞ്ഞു നമ്മടെ അമ്മ അടുക്കളയിലേക്ക് കൊണ്ട് പോയി ആശാനെ.. ഇവനെ പ്രസവിച്ചു വീട്ടില്‍ കൊണ്ട് വന്നു കുറച്ചു ദിവസം കഴിഞ്ഞപോ ഞാന്‍ പിജി ചെയ്യാന്‍ നാടുവിട്ടതാ, ഇടക്ക്‌ വല്ലോപോഴും നാട്ടില്‍ വന്നാലും ഫുഡടിയും ഉറക്കവും ആയിട്ടു വീട്ടില്‍ തന്നെ കുത്തിയിരിക്കും..... സോ ചെര്‍ക്കനെന്ന ആദ്യായിട്ട് കണ്ടതായിരുന്നു :-/ അതാണ്‌ മൊതല്...

ദീപ ചേച്ചിയുടെ ചെര്‍ക്കനെ എന്നും രാവിലെ ഒരു അരഞ്ഞാണം മാത്രം ആയിട്ട് കാണാറുണ്ട്‌... ഒരു കുട്ടി ബ്രഷും പിടിച്ചു അവരുടെ Altoയുടെ മുകളില്‍ ഇരുത്തി ഒരു കൈകൊണ്ടു അവനേം പിടിച്ചു മറ്റേ കൈയിലെ പത്രോം വായിച്ചു നില്‍കണ അവന്‍റെ അച്ഛനേം കാണാം...അവനറിയാം 9 മണിക്ക് അവന്‍റെ അമ്മക്ക് ഓഫീസില്‍ പോണമെന്ന്... അമ്മ പോയാല്‍ ആശാനും അമ്മുമ്മയും ഒറ്റക്കാ.. അമ്മോമ്മയാണേല്‍ കട്ട strictറ്റ്!! അതുകൊണ്ട് മിനിറ്റ്‌ സൂചിയേതാ മണികൂര്‍ സൂചിയേതാ ക്ലോക്കേതാ ടൈമ്പീസ്‌ ഏതാന്നു അറിഞ്ഞൂടാത്ത ചെര്‍ക്കന്‍ ഇടക്കിടക്ക്‌ ഒരു ഭീതിയോടെ .. അമ്മേ മണീത്രായീ??” ന്നു ചോദിക്കണ കേള്‍കുമ്പോ തോന്നും ഹോ ഇവനൊക്കെ വളരുമ്പോ എന്തായിരിക്കും എന്‍റെ ദൈവമേ ന്നു. ഇടക്കിടക്ക്‌ ഇവനെ വീട്ടീന്നു മിസ്സാകുമ്പോ അവന്‍റെ അമ്മ "മുത്തേ :O......മുത്തേ :( ......മുത്തേത്തേത്തേത്തേ :'( ......മുത്തേത്തേത്തേത്തേ :'( :'( :'(...... മുത്തേ നീ എവിടെയാ" ന്നു വിളിക്കുന്നതും ഇവന്‍ sunshadeലും മതിലിന്‍റെ മുകളില്‍ ഒക്കെ ഇരുന്നു .. "ഇബിടെ ഇജിക്കണുണുണുണുണു" ന്നു വിളിച്ചു പറയുന്നതും കേള്‍ക്കാമായിരുന്നു... ...എപ്പോഴോ എന്‍റെ അമ്മയോട് മുത്തിന്‍റെ ശരിക്കും പേരെന്താ ന്നു ചോദിച്ചപോ പറയാ, "SunRays" ന്നു... ഹോ ഇടിവെട്ടു പേരാണല്ലോ കര്‍ത്താവേ...!! സായിപ്പന്മാര് Fox, Wolf, ChurchHill, MayFlower, LittleFlower, Blossom എന്നൊക്കെ ഇടുന്നപോലെ... ശോ...

ഞാങ്ങുടെ ജാഥ ലക്ഷ്യ സ്ഥാനത്തെത്തി... ഹോ നാട്ടുകാര് മൊത്തം ഉണ്ട്. ഈശ്വരാരാരാരാരാരാരാ.... രാവിലെ ബസ്സിലും ഓഫീസ്‌ പരിസരത്തും cafeteriaലും ഒക്കെ കാണുന്ന അതേ മുഖങ്ങള്‍... Oh I C...ഇതുങ്ങളൊക്കെ ഇവിടെ ഉള്ളതായിരുന്നോ?? ഇനി ഞാന്‍ അവിടെ നില്‍ക്കുന്നത് കണ്ട് ആരെങ്കിലും വന്ന്, ഉത്തരം മുട്ടിക്കുന്ന ചോദ്യങ്ങള്‍ ചോദിച്ചലോന്നു പേടിച്ചു ഞാന്‍ അമ്മയുടെ പിന്നില്‍ നിലയുറപ്പിച്ചു, ഇത്തിരി നേരം കഴിഞ്ഞപോ ദീപചേച്ചിയും ചെര്‍ക്കനും കൂടി ഞങ്ങളുടെ അടുത്ത് വന്നു നിന്നു... ഉള്ളില്‍ വിളമ്പുന്നതേയുള്ളൂ എല്ലാവരും പുറത്ത് കാത്തിരിക്യാ..."വരൂ" ന്നു പറയുന്നതും ഡാം തുറന്നു വിട്ടത് കണക്ക്‌ തള്ളി കേറാന്‍(മലയാളി ഇന്നും നന്നാവാത്ത ഒരു മേഖലയാണത് !! സദ്യ കഴിക്കാനുള്ള ആക്രാന്തം..പ്രതേകിച്ച് കല്യാണ സദ്യ !!)....ഏതോ വെള്ളമുള്ള ഭാഗത്തെ കേറ്ററിംഗ് ടീംസ് കുക്ക് ചെയിതു കൊണ്ട് വന്നതാ സദ്യാ.. കുറേ ബല്യാ പ്ലസ്ടിക് ക്യാനസില്‍ കുടിക്കാനുള്ള വെള്ളവും... ഞാന്‍ ദീപചേച്ചീടെ മുത്തിന്‍റെ കൈയ്യില്‍ പിടിച്ചു ..”മോന്‍റെപേരെന്താ??” ന്നു ചോദിച്ചു... ചുമ്മാ അവന്‍റെ വായില്‍ നിന്ന് പേര് കേള്‍ക്കാന്‍ വേണ്ടീ... ആള് സ്മാര്‍ട്ടാ.. അടുത്ത Second ഉത്തരം വന്നു...

ചെര്‍ക്കന്‍ : “രവികിരണ്‍” !! ഞാന്‍ ഒരു ഞെട്ടലോടെ “ഇതാണോന്‍റെമ്മച്ചീ “Sunrays !!”.. ന്നും പറഞ്ഞു അമ്മയെ നോക്കി... അമ്മാ ആരാ സംഭവം...”ഞാന്‍ പറഞ്ഞില്ലേ “രവികിരണ്‍”? ന്നു... അമ്മ അല്ലെങ്കിലും ഇങ്ങനാ.. ഓര്‍ത്ത് വെക്കാന്‍ വേണ്ടി രൂപാന്തരം വരുത്തികളയും... ഒരൂസം കടയില്‍ പോയപ്പോ...നമ്മടെ സാധാരണ പലവ്യഞ്ജനകട!.. ഞാന്‍ പറഞ്ഞു "അമ്മ എനിക്ക് Noodles വേണം..."( എനിക്കിപ്പഴും അമ്മയുടെ കൂടെ കടയില്‍ പോകുമ്പോ..അമ്മേടെ പിന്നില്‍ നിന്ന്...” അമ്മ... ചിപ്പ്സ്.. കടലമൊട്ടായി...ദോ അത്... ഇതു... ജീരകമൊട്ടായി..” എന്നൊക്കെ അമ്മക്ക് മാത്രം കേള്‍ക്കുന്ന ഒച്ചയില്‍ പറയുന്ന ഒരസുഖോണ്ട്.. അതിനു.. അവിടെ നിക്കുന്നവരൊക്കെ കേള്‍ക്കുന്ന വോളിയത്തില്‍...” മിണ്ടാതെ നിക്ക് കൊച്ചേ അതൊന്നും വേണ്ടാ x-( !!” ന്നു പറഞ്ഞമ്മ മരുന്ന് തരും, അമ്മ Pure Veg !! and വന്‍ ആഹാരവിരോദിയാ... പ്രത്യേകിച്ച് എനികിഷ്ടമുള്ളതൊക്കെ അമ്മക്ക് കണ്ണിനു നേരെ കണ്ടൂടാ...അതിനോടൊക്കെ വന്‍ പുച്ഛമാണ്...) ങാ പറഞ്ഞു വന്നത്... ങാ ന്യൂഡില്‍... അന്ന് ഞാന്‍ അമ്മയുടെ ചെവിയില്‍ പറഞ്ഞു "അമ്മ Top raman (Masala) Double pack … അമ്മ മൈന്‍റ് ചെയിതില്ല.. പാവം ഞാന്‍... അമ്മ ബാക്കി സാധനങ്ങള്‍ ഒക്കെ വാങ്ങി, മൊതലാളി ചേട്ടന്‍ കണക്ക്‌ കുട്ടന്‍ തുടങ്ങിയതും... അമ്മ ... “ഒരു രാമചന്ദ്രനും” !! ഞാന്‍ ഞെട്ടി വായും പൊളിച്ചു നോക്കി...'രാമചന്ദ്രനെ' ഒക്കെ ഇപ്പോ പലവ്യഞ്ജനകടയില്‍ വാങ്ങിക്കാന്‍ കിട്ടുവോ?? ആ മൊതലാളി ചേട്ടനും എന്‍റെ അതെ കണ്ടീഷന്‍...

അമ്മ ഉടനെ : "എന്താടീ ആ Noodlesന്‍റെ പേര് പറഞ്ഞത്‌???"

ഹോ TopRamen ആയിരുന്നോ? എന്നെ അങ്ങ് കൊല്ല് !! ചുമ്മാതാണോ എനിക്ക് Dyslexia വന്നത്?...x-( അതാണ്‌ എന്‍റെ സ്വീറ്റ്‌ അമ്മ... :P

അങ്ങനെ അവിടെ സദ്യയും കാത്ത്‌ നിന്നപ്പോ നാട്ടുകാര് ഓരോരുതരോരുത്തരായി വന്നു ഞാന്‍ ജില്ല നിറഞ്ഞു നില്‍ക്കുന്നതില്‍ അനുശോചനം അറിയിച്ചു, അമ്മയുടെ നെഞ്ചത്ത്‌ കുറച്ചു തീ വാരി ഇട്ടിട്ടു പോയി... നമ്മടെ നാട്ടില്‍ വെല്ലോന്‍റെയും കാര്യത്തില്‍ നാട്ടുകാര് കാണിക്കുന്ന ഈ ശുഷ്കാന്തി സൊന്തം കാര്യത്തില്‍ കാണിച്ചിരുന്നെങ്കില്‍ നമ്മുടെ രാജ്യം പുരോഗമിച്ച് പണ്ടാറടങ്ങി, ഇതിന്‍റെ പേര് വല്ലോ Unites Stated of India (USI) എന്നെങ്ങാനും ഇട്ട്, ബ്രിട്ടീഷുകാരും അറബികളും ജപ്പാങ്കാരും അമേരിക്കകാരും ഇവിടെ കെട്ടടംപണിക്കും, കപ്പലണ്ടികച്ചോടത്തിനും ആക്രിപെറുക്കാനും വന്നേനേ :-/ അല്ല പിന്നെ.. x-(

അപ്പോഴുണ്ട് അസോസിയേഷന്‍ സെക്രടറി വന്നു ...”എല്ലാവരും കയറി വരൂ” ന്നു ക്ഷണിച്ചതും ദുരിദാശ്വാസ ക്യാമ്പില്‍ കഞ്ഞി കുടിക്കാന്‍ പോണ ആക്രാന്തത്തില്‍ എല്ലാം കൂടി തള്ളി കയറി... (കൂടെ ഞ്യാനും :P) ചോറ് കണ്ടിട്ട് അന്ന് അഞ്ചാം ദിവസമാണ് !! തെക്കോട്ടുള്ള സദ്യ അറിയാമല്ലോ.. ആദ്യം പരിപ്പ് കൂട്ടി... പിന്നെ സാമ്പാര്‍ കൂട്ടി.. പിന്നെ രസം കൂട്ടി .. പിന്നെ മോര് കൂട്ടി ഉണ്ണും... ഈ നാല് തവണയും ചോറ് കൊണ്ട് തരും... സാമ്പാറും കൂട്ടി ചോറ് ഉണ്ട് കഴിയുമ്പോ സാധാരണ ...അട പ്രഥമന്‍... കടല പ്രഥമന്‍...സേമിയപായസം + ബൂന്തി/ബോളി ഇങ്ങനെ വരി വരിയായി വരും... പിന്നെയാണ് ചോറും രസവും.. ചോറും മോരും.... ഇലയുടെ മേളിലത്തെ പകുതിയില്‍ ഒരു പത്തിരുപതഞ്ചു കറികള്‍ already കാണും.. പിന്നെ വലത്തും ഇടത്തും ഒക്കെ ചിപസും ശരകരവരട്ടിയും whole fresh ചെറുനാരങ്ങയും പഴോം പപ്പടോം ഉപ്പും... അങ്ങനെ ഒരു കൊലാഹലമാണ്... എനിക്കൊക്കെ സാമ്പാറും കൂട്ടി ഉണ്ണുമ്പോഴേ കഴുത്ത് വരെ നിറയും ... ഇതിപ്പോ എല്ലാവരും പരിപ്പും കൂട്ടി കഴിച്ചു.. നെക്സ്റ്റ് ചോറും സാമ്പാറും വന്നപോ എല്ലാവരും ട്രാഫിക്‌പോലീന്‍റെ കണക്ക്‌ മാമാണ്ടാ! ന്നു കൈ കാണിച്ചു.... !! പായസം വന്നപോ ... ഇത്തിരി "ഇത്തിരി മതി" ന്നു പറഞ്ഞു ഇത്തിരി മേടിച്ചു ഒന്ന് നാക്കില് തൊട്ടു... വേഗം തന്നെ ഇല മടക്കി.. കൈ കഴുകാന്‍ എഴുനേറ്റു.....

കാരണമുണ്ട്... എല്ലാം കൂടി വാരി വലിച്ചു വിഴുങ്ങിയാല്‍...നാളെ രാവിലെ മൂട്ടില്‍ തീ പിടിച്ച് ഇതു മൊത്തം ഇറക്കുമതി ചെയ്യാന്നേരം വെള്ളം വരും എന്ന് ഒരു വ്യാമോഹവും ആര്‍ക്കുമില്ല! അത് തന്നെ...

സദ്യ ഒന്നും ആസ്വദിക്കാന്‍ പറ്റിയില്ലെങ്കിലും.... എല്ലാവരെയും കണ്ടത്തില്‍ ഇത്തിരി സന്തോഷം ഒക്കെ തോന്നി... പണ്ട് ഒരുമിച്ചു കളിച്ചു നടന്നവരൊക്കെ വല്യ വല്യ സംഭവങ്ങള്‍ ആയി... ഇനി എല്ലാവരേയും കാണുന്നത് അടുത്ത വര്‍ഷത്തെ സദ്യക്കാണ്...

എന്തായാലും അന്ന് സന്ധ്യക്ക് വെള്ളം വന്നു... ഞാനൊന്നും ഈ ജന്മത്തില്‍ ഇത്രയും ആക്രാന്തം പിടിച്ച് കുളിച്ചിട്ടില്ല... ഹോ എന്തോരാശ്വാസമായിരുന്നെന്നോ..? ഹോ...

ഇതൊക്കെയാണ് വിശേഷങ്ങള്‍... എനിക്ക് വല്ലോ മാറ്റോം വന്നിട്ടുണ്ടോ കൂട്ടാരേ ?? ഇല്ലല്ലോ? :P

ഇടക്ക്‌ ഒരു ജ്യപ്പ്‌ വന്നു... എനിക്കിവിടെ നിറയെ ഫ്രണ്ട്സ്‌ ഉണ്ടായിരുന്നു... പഴയ ഫ്രണ്ട്സ്‌ ആരെങ്കിലും ഇത് വായിക്കുവാണെങ്കില്‍ എനിക്കൊരു ഒരു മെയില്‍ വിട്ടേക്കാമോ??? കുഞ്ഞികിളി, പ്രസീജ, പ്രദീപ്‌, മത്താപ്പ്, കാര്‍ത്യായണി....... വര്‍ഷം ഒന്നന്നരയായില്ലേ... വയസായില്ലേ...ഇത്തിരി മറവിയോക്കെയായി തിന്റുന് :P ... ക്ഷെമി ... അയച്ചേക്കണേ പ്ലീസ്‌...

ZOO സന്ദര്‍ശനം !!

2009-10-12T00:17:00.000-07:00

വന്നു വന്ന്....'തല്ലുകൊള്ളിയുടെ അത്മകഥ ഡിലീറ്റ്‌ ചെയ്യുകയോ blogging മതിയക്കുകയോ ചെയിതാല്‍ അമ്മച്ചിയാണേ നിന്നെ തട്ടാന്‍ ക്വട്ടേഷന്‍ കൊടുക്കും മോളേ'...എന്നാണു എനിക്കിപ്പോ വരുന്ന മെയിലുകളുടെ ഒരു പോക്ക്‌...സത്യം പറയാമല്ലോ... ഞാന്‍ കരുതിയത്‌ ആണ്‍ വര്‍ഗത്തില്‍പെട്ടവരു മാത്രമാണു എന്റെ ബ്ലോഗ്‌ വായിച്ചിട്ടിരുന്നതെന്നാ... കാരണം കമന്റ്‌ പേജ്‌ നോക്കിയാല്‍ ശ്യോ..! എനിക്കു തന്നെ നാണം! വരും ;) ... മരുന്നിനു പോലും ഒരു പെണ്‍ കമന്റില്ല... ഛേ ലജ്ജാവഹം !! പക്ഷേ സംഗതി അങ്ങനൊന്നുമല്ല... എന്റെ അതേ ഫ്രീക്വന്‍സിയിലും wavelength ലും Amplitude ലും ചിന്തിക്കുന്ന കുറേ കുട്ടുകാരികളും ചേച്ചിമാരുമാണു തല്ലുവിന്റെ വായനകാരിലധികവും എന്നതെന്ന് എന്നെ ഞെട്ടിച്ച ഒരു കാര്യമാണ്‌...[Ladies please come forward from kitchen to stage... ഞാന്‍ ഇത്രയും പറഞ്ഞതല്ലേ ... വന്ന് ഞമ്മടെ കമന്റ്‌ പേജില്‍ ഒരു smiley എങ്കിലും ഇട്ട്‌ എന്റെ മാനം രക്ഷിക്ക്‌...] ചേട്ടന്മാരു മുഖം വീര്‍പ്പികണ്ട... നിങ്ങളില്ലാതെ എനിക്കെന്താഘോഷം??? ങേ?? അല്ല പിന്നെ... :D

എന്നെ പറ്റി എല്ലാ കാര്യങ്ങളും ഞാന്‍ ഈ ബ്ലോഗില്‍ പച്ചക്ക്‌ എഴുതി പിടിപ്പിച്ചിട്ടുണ്ടെങ്കിലും... എന്റെ സ്വഭാവത്തിനെ പറ്റി കാര്യമായി പറഞ്ഞിട്ടില്ല... 'ഒന്നുകില്‍ ആശാന്റെ നെഞ്ചത്ത്‌ അല്ലെങ്കില്‍ കളരിക്ക്‌ പുറത്ത്‌' എന്ന് സിമ്പിള്‍ ആയി പറയാമെങ്കിലും അതൊന്നും പോര ഉപമിക്കാന്‍...ഇപ്പോ ഞാന്‍ Indian Ocean ആണെന്ന് വച്ചോ, അപ്പോ മൂഡ്‌ ഓഫ്‌ വരുമ്പോള്‍ ഒരു വേലിയിറക്കം ആണേ... കടലു ഇറങ്ങി ഇറങ്ങി അങ്ങു Maldives....Seychelles നു parallel ആയി ഇറങ്ങി പോകും... എന്നിട്ട്‌ കുറച്ച്‌ ദിവസം കഴിഞ്ഞു Atlantic Ocean ലെ വെള്ളം കൂടി എടുത്തിട്ട്‌ ഒരു 'റ്റി.സുനാമി' യായിട്ട്‌ തിരോന്തരത്തോട്ട്‌ ഒരു വരവ്‌ വരും... ഇതാണു എപ്പോഴും സംഭവിക്കാറുള്ളത്‌...പിന്നെ കര്‍ത്താവ്‌ എന്റെ തലയില്‍ ഇന്‍സ്റ്റാള്‍ ചെയിതേക്കണത്‌ അത്ര user friendly OS അല്ലാത്തു കൊണ്ട്‌ തന്നെ ഈ "extremist" നെ മാനേജ്‌ ചെയ്യാന്‍ പറ്റുന്ന എട്ട്‌ പത്ത്‌ പേരേ എന്റെ അറിവില്‍ ഈ ലോകത്തുള്ളു... അതിലൊന്നാണു ഞമ്മടെ പുന്നാര സൂസമ്മ !! വഴക്ക്‌ പോയിട്ട്‌ അഭിപ്രായവ്യത്യാസം പോലും ഉണ്ടായിട്ടില്ല ഈ 17 വര്‍ഷത്തിനുള്ളില്‍...അല്ലെങ്കിലും "Opposite Poles Attract" എന്നല്ലേ...എന്നെ വെല്ലോ കാട്ടാന, കണ്ടാമൃഗം, കാട്ടുപോത്ത്‌ റെയ്ഞ്ചില്‍ ഉപമിച്ചാല്‍ കൊച്ചിനെ വെല്ലോ മാടപ്രാവ്‌,കുഞ്ഞാട്‌ അങ്ങനെ ഉപമിക്കാം അതാണു സൂസമ്മ...

അങ്ങനെ ഈവര്‍ഷത്തെ 'ഗ്രേയ്റ്റ്‌ മൂഡ്‌ ഓഫ്‌ ദ്‌ ഇയര്‍' അഘോഷിക്കാന്‍ സുസമ്മയുടെ ഫ്ലാറ്റിലേക്ക്‌ തന്നെ പതിവു പോലെ വച്ചു പിടിച്ചു... IAS കിട്ടിയില്ലെങ്കില്‍ ജീവിച്ചിരുന്നിട്ട്‌ കാര്യമില്ലന്നും പറഞ്ഞ്‌ നടക്കുന്ന കൊച്ചാണു, അതു കാരണം അവളുടെ റൂമില്‍ കയറി ചെന്നു വെല്ലോ ബുക്ക്‌ കുമ്പാരത്തിനുള്ളില്‍ നിന്നു ഖാനനം ചെയിതെടുക്കണം പുള്ളികാരിയെ :-/ .. പക്ഷേ തല സമ്മതിക്കണം ഒരു Wikipedia !! :-/ ...(മനുഷ്യനു കോമ്പ്ലക്‌സ്‌ വരുത്താന്‍ വേണ്ടി ഒരോന്നിനെ പടച്ചു വിട്ടോളും :-/ )... കൊച്ചണെകില്‍ ആമകുട്ടന്‍ 'മിട്ടു' നാടുവിട്ട്‌ പോയത്തിന്റെ വിഷമത്തില്‍ ആയിരുന്നു...അതിനെ എന്നും പുറത്ത്‌ നടക്കാന്‍ വിടുന്ന ഒരു പതിവുണ്ടായിരുന്നു... ഒരു ദിവസം evening walk നു വിട്ടപോ അതു എങ്ങോട്ടോ പോയി... അങ്ങനെ ആ കഥയും പറഞ്ഞ്‌, നാട്ടില്‍ നിന്ന് അമ്മച്ചി കൊടുത്തയച്ച goodies ഒക്കെ ചവച്ച്‌ ചവച്ച്‌ ഇരുന്നപോഴാണ്‌ കൊച്ചിനൊരു പൂതി!

"എടാ നമുക്ക്‌ ZOOല്‍ പോകാം.."

"നാളെയാകട്ടെ"
.. ങാ ശരി പോകാം എന്നു പറഞ്ഞാല്‍ കൊച്ചിപ്പോള്‍ കാറിന്റെ കീയും എടുത്തിട്ട്‌ വരും...എന്റമ്മോ.... അവടെ ഫ്ലാറ്റിലേക്ക്‌ കയറി പോകുന്ന വഴിക്ക്‌, വാങ്ങിയിട്ട്‌ 2 മാസം പോലും ആകാത്ത്‌ കാറു ചളുങ്ങിയ ആക്രിപാട്ട കണക്ക്‌ കിടക്കണത്‌ കണ്ടതേയുള്ളു.. :( .. എന്തിനു ... ഇപ്പോ കൂടി പുതിയ ഡ്രൈവിംഗ്‌ വിശേഷങ്ങള്‍ പറഞ്ഞ്‌ എന്റെ കൊച്ച്‌ നാക്ക്‌ വായിലേക്കിട്ടതേയുള്ളു... നമ്മുടെ വെഞ്ഞാറമൂട്‌ വരെ തനിയെ ഓടിച്ചു പോയെന്ന്... എന്നിട്ട്‌ ഏതോ ചെറിയ റോഡില്‍ ചെന്ന് കയറി... അപ്പോഴുണ്ട്‌ ഒരു ലോറി ഇങ്ങോട്ട്‌ വരുന്നു... കൊച്ച്‌ അന്തസായിട്ട്‌ സൈഡ്‌ കൊടൂത്തു...എന്നിട്ടെന്താ കാറിന്റെ മറ്റേ സൈഡിനെ അവിടെ നിന്ന KSEB യുടെ കോണ്‍ക്രീറ്റ്‌ പോസ്റ്റ്‌ അങ്ങോട്ട്‌ കയറി "ക്രീീീീ" ന്ന് തലോടി, കൂടുതലോന്നും പറയണ്ട... മാരുതി സുസുക്കി ഈ അടുത്തകാലത്ത്‌ ഇറക്കിയ Blue Blaze കളര്‍ അദ്യമായി ചുരണ്ടി ഇളക്കിയ ക്രഡിറ്റ്‌ KSEBക്ക്‌ സ്വന്തം ! എന്തിനു?!! അങ്ങനെ ഒടിച്ചു പോകുമ്പോള്‍ റോഡിന്റെ നടുവില്‍ നില്‍കണ പട്ടിയെ കണ്ട്‌ ഹോണടിക്കാതെ .." ശൂ ശൂ.. ഓട്‌ പട്ടീീ" ന്ന് പറയുന്നവള്‍ടെ കൂടെ എന്തു ധൈര്യത്തില്‍ പോകും???... ഒറ്റമോളാണേ.. ഇതോന്ന് ചളുക്കി ലെവലക്കിയിട്ട്‌ വേണം പുതിയത്‌ വാങ്ങി കൊടുക്കാന്‍ എന്നും പറഞ്ഞിരിക്കുവാ കൊച്ചിന്റെ അപ്പനും അമ്മയും... ഇടക്കിടക്ക്‌ മൂഡ്‌ ഓഫാകുമെന്നേയുള്ളൂ ജീവിക്കാന്‍ അത്യാഗ്രഹം ഉള്ള ഒരു മനുഷ്യജീവിയായി പോയില്ലേ ഈ ഞാന്‍...

അങ്ങനെ ആ സുപ്രഭാതവും പൊട്ടിവിടര്‍ന്നു... ഈ ZOO ന്ന് പറയുന്നത്‌ ഒരിക്കലും ഒരു വല്യ കാര്യമായി തോന്നിയിട്ടില്ല... കാരണമെതാന്ന് വെച്ചാല്‍... ഉച്ചക്ക്‌ ഒരു രണ്ടര - മുന്നു മണിയാകുമ്പോള്‍ വീട്ടിലിരുന്നു ഒന്ന് ശ്രദ്ധിച്ചാല്‍ ഒരു വൃത്തികെട്ട ശബ്ദം കേള്‍കാം...അതുണു 'സുംഹത്തിന്റെ ഗര്‍ജനമെന്ന്' പറഞ്ഞ്‌ കേട്ടിട്ടുണ്ട്‌... പക്ഷേ ഇതിനു മുമ്പു രണ്ട്‌ മുന്ന് തവണ ZOOല്‍ പോയപോഴും ഇത്രയും ദൂരം കേള്‍കാന്‍ പകത്തിനു ഗര്‍ജിക്കാന്‍ അരോഗ്യമുള്ള ഒരു മോതലിനേയും ഞാന്‍ അവിടെ കണ്ടിട്ടില്ല.. കാട്ടിലെ രാജാവാണു പോലും കുട്ടില്‍ കിടക്കുന്നത്‌..."വിശന്നിട്ട്‌ പാടില്ലാ ... ഇത്തിരി കഞ്ഞിന്റെ വെള്ളമെങ്കിലും തരോ" ന്ന് പറഞ്ഞു ദയനീയമായി നോക്കണത്‌ കണ്ടാല്‍ ദൈവം പോലും സഹിക്കൂല, ആ തോണ്ടയില്‍ നിന്നാണോ ഈ DTS ഒച്ച? അസംഭവ്യം!!! പിന്നെ ഇടക്കിടക്ക്‌ രമണി പ്രസവിച്ചു രാധക്ക്‌ 3 കുട്ടികള്‍... ഗോപലന്റെ കാലൊടിഞ്ഞു എന്നൊക്കെ പറഞ്ഞു പത്രത്തില്‍ ന്യുസു വരും... ഈ രമണിയും രാധയും ഗോപലുമൊക്കെ വല്ലോ കണ്ടാമൃഗമോ , കട്ടുപോത്തോ വല്ലതുമോക്കെ ആയിരിക്കുമെന്നെയുള്ളു... :-/ ... പിന്നെ അതിന്റെ പിന്നിലെ റസിഡന്‍ഷ്യല്‍ കോളാനിയായ കനക നഗറില്‍ കുറേ തെണ്ടി നടന്നിട്ടുള്ളതു കാരണമൊക്കെ ..'Oh.. എന്തോന്ന് മൃഗശാലാ???' :-/ എന്ന് ഒരു ചിന്തയായിരുന്നു... പിന്നെ കൊച്ചിന്റെ ഒരു ആഗ്രഹമല്ലേ...

അങ്ങനെ ഞങ്ങളു നടന്നു... നമ്മുടെ ഫുട്ട്‌പാത്തുകളോക്കെ കിടിലനാണു.. വായിനോക്കി വായിനോക്കി നടനാല്‍ അടുത്ത്‌ കാലെടുത്ത്‌ വെക്കണത്‌ വല്ലോ ഓടയിലേക്കുമായിരിക്കും.. എവിടെയാണു എപ്പോഴാണു കോണ്‍ക്രീറ്റ്‌ സ്ലാബ്‌ മാറ്റിയിട്ടേക്കണതെന്നറിയാന്‍ പറ്റില്ല...അങ്ങനെ നടന്ന് നടന്ന് മ്യുസിയം Cmpd ല്‍ എത്തി, റ്റിക്കറ്റെടുത്ത്‌ ഉള്ളില്‍ കയറി... ഞാന്‍ ഒരു പത്ത്‌ പന്ത്രണ്ട്‌ വര്‍ഷത്തിനു ശേഷമാണു അതിനുള്ളില്‍ കയറണത്‌... പണ്ടത്തേത്‌ പോലെയേ അല്ല...അധികം കുടുകള്‍ ഒന്നുമില്ല... നമ്മുടെ അപ്പുപ്പന്‍ കുരങ്ങനും അമ്മൂമ്മ കുരങ്ങിയും മരത്തിന്റെ മേലെ ഇരുന്നു പേനിനെ കൊല്ലുന്നു...ചുമ്മാ തുറന്ന് വിട്ടേക്കുവാ...അതിനു ഒന്നു ശ്രമിച്ചാല്‍ ചാടി പോകാവുന്നതേയുള്ളു, എന്നെയാണു അവിടെ കൊണ്ട്‌ ഇട്ടിരുന്നെങ്കില്‍ ഞാന്‍ ചാടി വരുമായിരുന്നു...എന്തു കൊണ്ടാ ഇതുങ്ങളു ചാടി പോകാത്തത്‌? ഇനി വെല്ലോ അംഗവൈകല്യവും ആയിരിക്കുമോ? മിക്കവാറും ചാടി പോയിട്ട്‌ സിറ്റിയെ കാട്ടിലും ഭേദം ഈ ZOO setup ആണെന്ന് കരുതി തിരിച്ചു വന്നിരിക്കുന്നതാകാനാ ചാന്‍സ്‌...
അതിന്റെ എതിര്‍വശത്ത്‌ വശത്ത്‌ കുഴിയിലേക്ക്‌ ഒരു ബോര്‍ഡ്‌...രാജവെമ്പാല!!... ഹോ ആ രാജവെമ്പാലയുടെ ഒരു കിടപ്പ്‌ കാണണം...പെറ്റ തള്ള സഹിക്കൂല!! ഒരു മൂന്ന് ലെയര്‍ കമ്പി വലയെങ്കിലും ഉണ്ട്‌ ആ ഇരുട്ട്‌ പിടിച്ച്‌ കൂടിനു... കണ്ണിന്റെ ഫൂസടിച്ച്‌ പോണവരെ സൂക്ഷിച്ച്‌ നോക്കിയാല്‍...ഒരു നിഴലു പോലെ അവിടെ ഒരു പാമ്പു പോലെ ഒരു 'വള്ളി' കിടക്കണ കാണാം,ആളുകളാണെങ്കില്‍ പല ആങ്കിളില്‍ അതിനെ തന്നെ നോക്കുന്നു...അതാനെങ്കില്‍ പാവം, നോട്ടം കണ്ടിട്ട്‌....'ഈശ്വരാ...ഇവനോന്നും അമ്മയും പെങ്ങളും ഇല്ലേ??? ഹോ മോട്ടന്‍ ചേരയേയും പിടിച്ച്‌ തിന്നു ബാക്കി പാമ്പുകളെയും പേടിപ്പിച്ച്‌, കീരിക്കാടന്‍ ജോസിനെ പോലെ ജീവിച്ച ഞാനാ, എനിക്കീ ഗതി വന്നല്ലോ" ന്നും പറഞ്ഞു കിടക്കണു... :(
പിന്നെ അങ്ങോട്ട്‌... ആല്‍ബിനോ മയില്‍,തത്തകള്‍.. പരുന്ത്‌, കഴുകന്‍...diff types of കൊക്കുകള്‍...next പച്ച പെയിന്റടിച്ച കൂട്‌... ഒന്നും കാണുന്നില്ല!!! ഇല്ലാ ഉണ്ട്‌.....എന്റമ്മേ.... ഒരു മയിലു പീലികളൊക്കെ കൂടി എടുത്ത്‌ പിടിച്ച്‌ നില്‍കുന്നു... എന്നിട്ട്‌ ഒക്കെ കൂടി വിടര്‍ത്തി അങ്ങോട്ട്‌ തിരിഞ്ഞ്‌ ഒറ്റ നില്‍പ്പ്‌.... നമ്മളു വൈകിയില്ല.... എവിടെ ഞമ്മടെ മൊഫീല്‍??...ബാഗിനുള്ളില്‍ നിന്ന് അതു തപ്പി എടുത്തിട്ടും പുള്ളികാരന്‍ ഇങ്ങോട്ട്‌ തിരിയുന്നില്ല...'ചേട്ടാ ഇങ്ങോട്ട്‌ ഒന്ന് നോക്കിക്കേ ഞാന്‍ ഒരു പടം പിടിച്ചോട്ടെ'...പുള്ളി ഇങ്ങോട്ടോന്ന് ചെരിഞ്ഞു ഒരു നോട്ടം... ഞാന്‍ എന്റെ Samsung M620 എടുത്ത്‌ ശരിയാക്കി, അതില്‍ കൂടി നോക്കിയിട്ട്‌ കൂടേതാ മയിലേതാന്ന് തിരിച്ചറിയാന്‍ വയ്യ..! പസ്റ്റ്‌ ക്യാമറ !! മയില്‍ എന്നെ ഒരു നോട്ടം 'ഇവിടെ പിച്ചക്കാരനു വരെ iPhone 3GS ഉള്ള കാലത്ത്‌ എന്നെ കൂടി അപമനിക്കാനായിട്ട്‌ ഒരു ഓട്ട മൊഫീലും കൊണ്ട്‌ വന്നേക്കണു പടം പിടിക്കാന്‍... ദാരിദ്രവാസി, എടുത്തോണ്ട്‌ പോടി' ന്ന് പറഞ്ഞ്‌ മയിലുചേട്ടന്‍ തുറുപ്പുഗുലാനില്‍ മമ്മൂട്ടി ഇട്ടത്‌ കണക്ക്‌ ഡിക്കിയിളക്കി ഒരു സ്റ്റെപ്പിട്ട്‌ അങ്ങ്‌ തിരിഞ്ഞു നിന്നു... :( അഹങ്കാരി :-/

പിന്നെ അങ്ങോട്ട്‌ ചെന്നപോഴുണ്ട്‌ 6-7 hippopotamus സുകള്‍ 'ഇതാടാ കണ്ട്‌ പണ്ടാറടങ്ങ്‌" ന്നും പറഞ്ഞ്‌ അങ്ങനെ അനങ്ങാതെ നില്‍കുന്നു... നമ്മളു വീണ്ടും മൊഫീല്‍ തപ്പി എടുത്തു...അതുവരെ മര്യാതക്ക്‌ നിന്നതുങ്ങളു 'Change Position' ന്ന് നിര്‍ദേശം കിട്ടിയ കണക്ക്‌ റ്റീമായിട്ട്‌ തിരിഞ്ഞു ഡിക്കിയും കാണിച്ച്‌ ഒറ്റ നില്‍പ്പ്‌ ...:-/ പിന്നേയും നടന്നു... ഒരു കാടിന്റെ അന്തരീക്ഷം ഒക്കെ ബേബിചേട്ടനും റ്റീമും അവിടെ create ചെയിതിട്ടുണ്ട്‌.. നല്ല വൃത്തിയും... പറയാതിരിക്കാന്‍ വയ്യ...സിറ്റിയുടെ നടുവിലാണു നില്‍കണതെന്ന് തോന്നുകയേ ഇല്ല...ക്വള്ളാം!! :D

പിന്നെ അങ്ങോട്ട്‌ ചെന്നപോള്‍ 2 പുള്ളിപുലി.. രണ്ട്‌ പേരും തമ്മില്‍ പിണക്കമാണെന്ന് തോന്നി.. രണ്ടും രണ്ട്‌ മൂലക്കിരിക്കുന്നു... പുതിയ കൂടാന്ന് തോന്നുന്നു...ഒരു iron barrier നുള്ളില്‍ hemisphere shape കൂട്‌... അതിനു മനുഷ്യരെ കണ്ട്‌ കണ്ട്‌ ഒരു വികാരവും ഇല്ലാത്തകണക്ക്‌...'എല്ലവര്‍ക്കും സുഖങ്ങളൊക്കെ തന്നേ?' ന്ന ചോദ്യം മുഖത്ത്‌ വച്ച്‌ ഇവിടെ അടുത്ത്‌ വന്ന് നില്‍കുണു... പാവം... എങ്ങനെ ജീവിക്കേണ്ടതാ?
കുറച്ച്‌ ദൂരെ ഒരു കൂട്ടില്‍ സിഹം കിടപ്പുണ്ട്‌.. അതും അതുപോലെ തന്നെ... പക്ഷേ ഞാന്‍ പ്രതീഷിച്ചത്ര പോര..സടക്ക്‌ തിക്ക്‌നസ്സ്‌ കുറവ്‌!! ഡാന്‍ഡ്രഫ്‌ പ്രശനമാന്ന് തോന്നുന്നു എല്ല്ലാം കൊഴിഞ്ഞു തുടങ്ങി...ആരോഗ്യം ഒക്കെ ഉണ്ട്‌... കൊള്ളാം... എല്ലാവരും കൂടെ അതിന്റെ കൂടിനു മുന്നില്‍ കൂടി നില്‍കുവാ... പാവത്തിനു ആകെ ഒരു മൂഡ്‌ ഒഫ്‌ !! 'ങാ റ്റിന്റുവോ?... കണ്ടില്ലേ രാജാവിന്റെ ഒരു കിടപ്പ്‌... കാട്ടിലു ഒരു whole മാനിനേയും കാട്ടുപോത്തിനേയും തിന്നു ആര്‍മാദിച്ച്‌ നടന്ന ഞാനാ,ഇപ്പോ ഇവിടെ ഇവന്മരു തരുന്ന മുന്നുകിലോ ബീഫ്‌ എനിക്കൊന്ന് മണക്കാന്‍ പോലും തികയുന്നില്ലന്റെ റ്റിന്റു' ന്നും പറഞ്ഞു ഒരു ദയനീയമായ നോട്ടം...'നാട്ടിലെ ബീഫിന്റെ വിലയും സര്‍ക്കാരിന്റെ ഖജനാവിന്റെ കണ്ടീഷന്‍ വച്ച്‌ ഇത്രയും എങ്കിലും കിട്ടണല്ലോന്ന് ആശ്വസികെന്റെ ലയണ്‍ചേട്ടാ' ന്നും പറഞ്ഞു ഒരു മറുപടി നോട്ടം കൊടുത്തു.... ആളുകളൊക്കെ കോറസായിട്ട്‌ സഹതപിച്ചു നോക്കാന്‍ തുടങ്ങിയതും, സഹികെട്ട്‌ ആശാന്‍ ചാടി എണീട്ട്‌..."കണ്ടു തീര്‍ന്നെങ്കില്‍ ഒന്നു പൊയ്കൂടേടാ???" ന്ന് ഒറ്റ അലര്‍ച്ച!!.. ചെവിയുടെ മറ്റേ ഡ്രം! പൊട്ടി ഒരു 'ക്യൂൂൂൂൂ' ശബ്ദം മാത്രമായതു പോലെ തോന്നി...
രണ്ട്‌ മൂന്ന് ഒഴിഞ്ഞ കൂടിന്റെ അപ്പുറത്ത്‌ കിടക്കണു നമ്മുടെ സാക്ഷാല്‍ 'കടുവ'...പ്രലോഭനം,മാനസികപീഡനം എന്നോക്കെ പറയൂലേ അതാണു അവിടെ കണ്ടത്‌...പുള്ളിയുടെ കുടിന്റെ പുറത്ത്‌ ഒരു ചേട്ടന്‍, വല്യ പ്ലസ്റ്റിക്‌ ബോക്സില്‍ fresh പച്ച ഇറച്ചി കൊണ്ട്‌ വെച്ചേക്കണു... കടുവ അണെങ്കില്‍ കൊതിമൂത്ത്‌ വായിലു ഒരു കപ്പലോടിക്കാനുള്ള വെള്ളവുമായി അങ്ങൊട്ടും ഇങ്ങൊട്ടും വട്ട്‌ പിടിച്ച്‌ നടക്കുന്നു.. "ഒന്നുകില്‍ ഇങ്ങോട്ട്‌ എടുത്ത്‌ താടാ പണ്ടാറകാലാ.. അല്ലെങ്കില്‍ കോതിപിടിപ്പിക്കാതെ എടുത്തോണ്ട്‌ പോടാാാാ..... %&%#@#%$!!" ന്ന് പറഞ്ഞു ചേട്ടനെ നോക്കി കണ്ണൂരുട്ടുന്നു...എന്തിനു കടുവ യെ പറയുന്നു... ഹല്‍വ പീസ്‌ കണക്ക്‌ ബീഫ്‌ ഇരിക്കണ കണ്ടപോ എനുക്കു പോലും നല്ല ചൂട്‌ പറോട്ടയും ബീഫ്‌ ഫ്രയും അടിക്കാന്‍ കോതിയായി... ഹോ ആ കടുവക്ക്‌ വയറ്റിനു സുഖം ഒന്നു വരുത്തരുതേ കര്‍ത്താവേ... :B

പിന്നെ... നമ്മുടെ കണ്ടാമൃഗം കട്ടുപോത്ത്‌ .. പലതരം പിന്റു മാനുകള്‍... മുള്ളന്‍പന്നി...മലയണ്ണാന്‍...ഒരു എട്ട്‌ പത്ത്‌ മയില്‍, കുറുക്കാന്‍... ഒട്ടകപക്ഷി...മുതലകള്‍.... അവിടെ ആകെ പ്രശനം കൂടുകളാണു... കൂടിനു തുരുമ്പ്‌ പിടിക്കുമ്പോള്‍ അതിന്റെ മേലെ ഒരു കമ്പി വല വെല്‍ഡ്‌ ചെയിതു വക്കും, അതിനും തുരുമ്പ്‌ വരുമ്പോള്‍ അതിന്റെ മേലെ അടുത്ത നെറ്റ്‌ വെല്‍ഡിംഗ്‌... ചുരുക്കി പറഞ്ഞാല്‍... കൂട്ടില്‍ കിടക്കണ മലയണ്ണനെയോക്കെ ഒരു നിഴലു പോലെയേ കാണാന്‍ പറ്റു... പാവം ജീവികള്‍ക്ക്‌ ശ്വാസം മുട്ടുകയേ ഉള്ളു...

പിന്നെ എന്തോന്നാ?....ങാ പാമ്പിന്റെ ഏര്യ...കുറച്ച്‌ മാസങ്ങള്‍ മുന്നെ.. മറ്റേ തലയിലും വാലിലും തലയുള്ള red sand boa പമ്പിനെ കള്ളന്‍ കൊണ്ട്‌ പോയ സ്ഥലം...കുറച്ച്‌ പെരുമ്പാമ്പ്‌...അണലി.. മുര്‍ഖന്‍....അടുത്ത കൂടില്‍ കിടകണ സാധനതിനെ കണ്ട്‌ ആയ്യേന്നായി പോയി.. ഒരു നീര്‍കോലി :-/ ഹോ അതിന്റെ ഒരു യോഗം എന്നല്ലതെ എന്തു പറയാന്‍... രാജകീയാമായ ആ കിടപ്പു കണ്ടിട്ട്‌ നീര്‍കോലിയായി ജനിച്ചാല്‍ മതിയാര്‍ന്നെന്ന് തോന്നി പോയി...ആ കൂട്‌ പാമ്പുകള്‍ ഒരു resort ആണെന്ന് പറയാം.. ഒരു hi5 setup!!!(പാമ്പിനു, പഴയ കൂടിനെ വെച്ച്‌ compare ചെയിതാല്‍).. അതിന്റെ അടുത്ത കൂടു കണ്ടിട്ട്‌ ഓക്കാനം വന്നു...കേരളത്തിന്റെ സ്വന്തം 'ചേര'!.. ഒന്നല്ല ഒരു പത്തു പന്ത്രണ്ടണ്ണം ഇങ്ങനെ, Spaghetti വേവിച്ച്‌ plate ല്‍ വെച്ചേകണ കണക്ക്‌ എല്ലാം കൂടി ഒരിടത്ത്‌ ചുറ്റി പിണഞ്ഞ്‌ ഇരിക്കുന്നു ഞൊളയണു...വ്വ്യാാാാാാാാാാാാാാാാാ :( ... കൊച്ചാണെകില്‍ അതു കണ്ടിട്ട്‌ വായും പൊത്തി പുറത്തേക്ക്‌ പോയി...

അങ്ങനെ അവിടന്നിറങ്ങി... പുറത്തു വന്ന് KTDC Restaurantല്‍ കയറി... വിലവിവരപട്ടിക കണ്ട്‌ കിടുങ്ങി പോയി... 2 മീറ്റ്‌ കട്ട്‌ലറ്റിനു 31 രൂപ സംതിംഗ്‌ പൈസ...!! ഇതാണു വിലയെങ്കില്‍ ലഞ്ച്‌ കഴിക്കാന്‍ ഇരുന്നാല്‍ വീടു, KTDC ജപ്തി ചെയിതോണ്ട്‌ പോകും എന്ന് തോന്നിയതു കൊണ്ട്‌, സര്‍ക്കരിനെയും ചെറിയാന്‍ ഫിലിപ്പിനെയും പ്രാകികൊണ്ട്‌...തിരിച്ചു നടന്നു...വരുന്ന വഴിക്ക്‌ ഒരു Pastry Shop ല്‍ കയറി pizza ന്നു പേരുള്ള ഒരു സാധനം വാങ്ങി...ഹോ... അതിനെ ഒക്കെ pizza ന്ന് വിളിച്ച കാര്യം അറിഞ്ഞാല്‍ ഇറ്റലികാരു ആത്മഹത്യ ചെയ്യും അത്രക്കും വൃത്തികെട്ട ഒരു സാധനം :-/.. അതിനു stuffed dosa എന്ന പേരായിരുന്നു ചേരുന്നത്‌.. മൂക്കില്ലാ രാജ്യത്ത്‌ മുറിമൂക്കന്‍ രാജാവ്‌, അതുതന്നെ !!

എന്തായാലും കുറേ മൃഗങ്ങളെ കണ്ടപോഴേക്കും കൊച്ച്‌ ഹാപ്പിയായിരുന്നു...

പിന്നെ വൈകുന്നേരം പോയി ഒരു പ്രകൃതി ചികില്‍സ + യോഗ സെന്ററിനു തല വച്ചു കൊടുത്തു...അവിടത്തെ ഡോ: നു എന്നെ അങ്ങോട്ട്‌ ബോധിച്ചില്ല...dark circles ഒക്കെ അയിട്ടിരിക്കണ ചക്കുടുവിനെ കണ്ടിട്ട്‌,ചവട്ടി പിഴിഞ്ഞു അലക്കി പുഴുങ്ങി 'ഫിറ്റ്‌' ആക്കിയിട്ടേ യോഗ ചെയ്യിക്കുന്ന് ... ആവശ്യമില്ലാതെ തലയില്‍ കേറ്റി വെച്ചേക്കണത്‌ ഒക്കെ ശ്വാസം പിടിച്ച്‌ കസ്രത്ത്‌ കാണിച്ച്‌ മറന്നു പണ്ടാറടങ്ങി, വരാന്‍ പോകുന്ന ഷോക്കിനു എന്നെ തന്നെ തയ്യാറാക്കാം എന്നു കരുതിയപോ.. എന്നെ ഇപ്പോ പുഴുങ്ങണമെന്ന്... :-/ പുഴുങ്ങുകയോ വറുക്കുകയോ എന്തായാലും വേണ്ടില്ലാ ഇതു '2 Much' Tin2 ന്റെ അത്മാഭിമാനത്തിന്റെ പ്രശനമായി പോയി...

അപ്പോ എല്ലാവരും ഹാപ്പിയല്ലേ??? ഞാന്‍ പോയി യോഗ ചെയ്യാന്‍ പഠിച്ചിട്ട്‌,വന്നു നിങ്ങളേയും പഠിപ്പിക്കാം .. OK? :D

കേശാലങ്കാരപരീക്ഷണങ്ങള്‍ !

2009-08-29T00:16:00.000-07:00

ഏഷ്യാനെറ്റ്‌ സാറ്റലൈറ്റ്‌ കമ്മ്യുണികേഷനു ട്രാന്‍സ്മിഷന്‍ പ്രശനം വല്ലതും വന്നാല്‍ തിരുവേണവും എനിക്കു ഒരു സാധാരണ ദിവസമായി മാറും... ആ എനിക്ക്‌ ഒരു പോസ്റ്റിടാന്‍ പാകത്തിനു ഓണം ഒര്‍മ്മകള്‍ ഒന്നും തന്നെ ഇല്ല...കഴിഞ്ഞ ഓണത്തിനു ഞാന്‍ പറഞ്ഞില്ലേ ...കല്യാണം കഴിക്കുന്നെകില്‍, ഒരു നാട്ടിന്‍പുറത്തുകാരന്റെ ജീവിതം തന്നെ കുളം തോണ്ടാനാ പ്ലാന്‍ എന്ന്... എന്നിട്ടു വേണം... ഓണം ഒക്കെ ഒന്നു ശരിക്ക്‌ അടുത്തുകണ്ട്‌ നാലു പോസ്റ്റിടാന്‍... :( .. എന്തായാലും ഈ ഉത്രാടം മുതല്‍ നാലു ദിവസത്തേക്ക്‌ ഏഷ്യാനെറ്റ്‌ സാറ്റലൈറ്റ്‌ കമ്മ്യുണികേഷനു ഒരു ആപത്തും വരാതെ കാത്തോണേ കര്‍ത്താവേ...

എല്ലാവര്‍ക്കും എന്റെ ഓണാശംസകള്‍...

ഇതാ...ഇത്തവണ സദ്യ കിട്ടാന്‍ ഒരു സാധ്യതയും ഇല്ലാത്ത എന്തെങ്കിലും മറുനാടന്‍ തനിമലയാളി ഇതു വായിക്കുന്നുണ്ടെങ്കില്‍ കണ്ട്‌ വെള്ളമിറക്കാന്‍ എന്റെ ഓണസമ്മാനം! :D

അപ്പോ ...തല്ലുകൊള്ളിക്ക്‌ എന്താ അപ്ഡേറ്റ്‌സ്‌ എന്നു വെച്ചാല്‍... ഇപ്പോ എന്നെ കാണുന്നവരും പഴയ പരിചയകാരും കൂട്ടുകാരും ഒക്കെ കാണണപാടെ ചീത്ത വിളിക്കാന്‍ തുടങ്ങിയേക്കുവാണ്‌...Ofcourse കൈയ്യിലിരിപ്പു തന്നെ കാരണം... സംഭവം എന്താന്നു വെച്ചാല്‍, എന്നിക്കുള്ളതിനെ കാട്ടിലും ഫാന്‍സുള്ള... എന്റെ കൂട്ടുകാരുടെ ഭാഷയില്‍ പറഞ്ഞാല്‍...എന്റെ ..സെക്‌സി ഹെല്‍തി ഷൈനി സില്‍കി വേവി ഹെയറിനു നു കത്രികവെച്ചു...ചുമ്മ മുറിച്ചുകളഞ്ഞു എന്നു പറഞ്ഞാല്‍ പോര.. കരിമ്പിന്‍ കാട്ടില്‍ കാട്ടാന കേറിയ കണ്ടീഷനാക്കി... :P എന്റെ കേശഭാരത്തിനു ഇതിനും മാത്രം ഫാന്‍സ്‌ ഉണ്ടായിരുന്നെന്നു അറിഞ്ഞപോള്‍ രോമാഞ്ചം വന്നു ഹോ...എന്നോട്‌ സംസാരിച്ചിട്ട്‌ പോലുമില്ലാത്ത ചില തമിഴന്മാരു പോലും ഘേദം പ്രകടിപ്പിച്ചു.. അപ്പോ പിന്നെ ഇതു ഒരു പോസ്റ്റാക്കിയേക്കാം എന്നു കരുതി... ഫ്ലാഷ്ബാക്ക്‌...
ങാ... ഇന്നും 80കളിലെ മലയാളം സിനിമകള്‍ ടി വിയില്‍ കാണിക്കുമ്പോള്‍ നമ്മളു കുത്തിയിരുന്നു കാണും...സുഖമോ ദേവി...തലേണമന്ത്രം...ക്ഷണകത്ത്‌.. അങ്ങനെ കുറേ സിനിമകള്‍.... കാരണമുണ്ട്‌...ആ സിനിമകള്‍ ഷൂട്ട്‌ ചെയിത കാലഘട്ടങ്ങളില്‍ ഞാന്‍ അതുവഴി ഒക്കെ ഓടി ചാടി മതിലുകേറി നടന്നതാ...അതൊക്കെ കാണുമ്പോള്‍...ഒര്‍മ്മകള്‍ ഇങ്ങോട്ട്‌ വന്നിട്ട്‌ എന്നെ അങ്ങ്‌ നോസ്റ്റാള്‍ജിയയില്‍ മുക്കി കൊല്ലും...പാവം ഞാന്‍...ഇപ്പോ അതോക്കെ എന്തിന്നാ പറഞ്ഞത്‌ എന്നു വെച്ചാല്‍.. ആ കോളാനിയിലെ ഒരു അറിയപെടുന്ന മൊട്ടയായിരുന്നു ഞാന്‍... കഴിഞ്ഞ മാസം കൂടി അവിടെ ഒരു കല്യാണത്തിനു പോയി... ചെന്നപോഴുണ്ട്‌... ഒരു വല്യമ്മച്ചിക്ക്‌ എന്നെ ഓര്‍മയില്ല...ഉടനെ അമ്മച്ചിയ്യുടെ മോളു വന്നു പരിചയപെടുത്തുണു.." അമ്മച്ചിക്ക്‌ ഓര്‍മയില്ലേ റ്റിന്റുനേ.. നമ്മുടെ വര്‍ക്കിയുടെ വീടിന്റെ എതിരെ താമസിച്ചിരുന്ന ___സാറിന്റെ മോളേ.. എന്നും സ്കൂളില്‍ പോകാന്‍ നേരം കരയണ മൊട്ടകുട്ടി" അമ്മച്ചിക്ക്‌ ഉടനെ കത്തി.. " ഇവളങ്ങ്‌ വളര്‍ന്നല്ലോ " അമ്മച്ചിയെന്നല്ല അവിടെ ആരും എന്നെ മറന്നിട്ടില്ല.. എങ്ങനെ മറക്കും.... എന്നും രാവിലെ 9:15 നും 9:30 നുമിടയില്‍ ഡെയിലി എന്റെ വക കലപരിപാടി ഉണ്ടാവും..."എനിക്കു സ്കൂളില്‍ പോണ്ടായേ...." ന്നു ഒറ്റ കാറലാ.. ആരു കേള്‍കാന്‍ പോണു... അമ്മ എന്നെ വലിച്ചു സ്കൂളില്‍ കൊണ്ട്‌ ചെന്ന് വിടും...തൊണ്ട പൊട്ടി കാറലു അല്ലേ പോകുന്ന വഴിയിലെ ആളുകളു ഒക്കെ നോക്കി നില്‍കും...ഹോ അതോക്കെ ഒരു കാലം...
അന്നു എനിക്കു ഒന്നാന്തരം മൊട്ടത്തലയാണു...കുഞ്ഞിന്റെ എലിവാലു കണക്കുള്ള മുടി പോയിട്ട്‌ നല്ല പനങ്കുല വരട്ടെ ന്ന ഒറ്റ ഉദേശം കാരണം എന്റെ തല കൊണ്ട്‌ പോയി ഷേവ്‌ ചെയിച്ചു... അന്നു സുന്ദരിയും സുമുഖിയുമായിരുന്ന ഞാന്‍ ഒന്നാം ക്ലസ്സില്‍ നിന്നു ജയിച്ചു രണ്ടാം ക്ലസ്സിലേക്ക്‌ പോകാന്‍ തുടങ്ങുവാ... ആ നേരാത്താ ഈ കൊടും ചതി എന്റെ മാതാപിതാക്കള്‍ എന്നോട്‌ ചെയിതതു... ക്ലാസ്സ്‌ തുടങ്ങിയപോ എന്റെ തല പറ്റ വെട്ടിയതു പോലെയായി..പക്ഷേ ക്ലാസ്സില്‍ ചെന്നപോഴുണ്ട്‌ അന്നു ക്ലാസ്സ്‌ റ്റീച്ചര്‍ ആയിരുന്ന ശോഭ റ്റീച്ചര്‍ എന്നെ പിടിച്ച്‌ 3 ചെറക്കന്മാരുടെ കൂടെ ഇരുത്തി... അങ്ങനെ ഞങ്ങളു നാലു പേരു... ദേവ്‌, ദീപക്‌,റ്റിന്റു and ആനന്ദ്‌ ... ഇവന്മാരു മൂന്നും ഒറ്റ കെട്ട്‌, ഞാന്‍ ഒറ്റക്ക്‌...ഏതു നേരവും അവന്മാരുടെ 'മുടിയിലാത്ത ഗേള്‍' എന്ന അഭിസംബോദനയും...എന്റെ ഏഴയലുവക്കത്ത്‌ പെണ്‍കുട്ടികള്‍ ഉണ്ടായിരുന്നില്ല... പാവം ഞാന്‍ തനിയെ... ഇന്റര്‍വലിനു ഗ്രൗണ്ടില്‍ കള്ളനും പോലീസും കളിക്കുമ്പോള്‍ ... ദേവും ദീപക്കും എന്നെയും കുട്ടാം എന്നു പറഞ്ഞാലും "വേണ്ടാാാ" ന്നു അനന്ദ്‌ പറയും ... കുരങ്ങന്‍ x-(... എന്തയാലും ആ അവഗണന സഹിക്കാന്‍ വയ്യാതെ കണ്ട്രോള്‍ പോയ ഒരു ദിവസം അവനെ ഞാന്‍ ഗ്രൗണ്ടില്‍ വെച്ചു എടുത്തിട്ട്‌ നന്നായി പൂശി...ചുമ്മാ പൂശി എന്നു പറഞ്ഞാല്‍ പോരാ.. ഇടിച്ചവന്റെ ചങ്ക്‌ കലക്കി വിട്ടു... പിറ്റേ ദിവസം തന്നെ അവന്റെ അമ്മ പരാതിയുമായി വന്നു.. അതിന്റെ അടിത്ത ദിവസം എന്റെ അമ്മയെയും വിളിപ്പിച്ചു... ഹോ എല്ലവരും കൂടെ സംഭവം വന്‍ വിവാദമാക്കി ,പാവം എന്നെ എല്ലവരുടെയും മുന്നില്‍ ഒരു 'പുരുഷപീഡന കേസി'ലെ പ്രതിയായി മുദ്രകുത്തി.... അതോടെ അനന്ദിനെ ആ ബഞ്ചില്‍ നിന്നു മറ്റി ഇരുത്തി... ഹി ഹി...അതോക്കെ കഴിഞ്ഞ്‌ വര്‍ഷങ്ങള്‍ക്ക്‌ ശേഷം ഡോക്റ്റര്‍ ദേവിനേയും ...വിപ്രോ ബേബി ദീപക്കിനേയും കണ്ടുമുട്ടിയപോള്‍ അവരു ചേദിച്ചത്‌... "എടാ... നീ പണ്ട്‌ നമ്മുടെ അനദിനെ ഇടിച്ചു പഞ്ചറാക്കിയ റ്റിന്റു ആല്ലേ???" എന്നാ... ഹോ എന്തോരു നല്ല ഇമേജ്‌ ... എന്തായാലും ആനന്ദിനെ പിന്നെ കണ്ടിട്ടേ ഇല്ല... മുള്ളന്‍പന്നിയുടെ മുടിയും ഉണ്ടകണ്ണും ഉണ്ടായിരുന്ന ആ ചെറക്കനും 'ചിത്തിര' എന്നു പേരുള്ള അനിയത്തികുട്ടി ഉണ്ടായിരുന്നു... അതു മാത്രമാണു അവനെ പറ്റിയുള്ള ഓര്‍മ...
ങാ... അങ്ങനെ ഞാന്‍ ഒരു അറിയപേടുന്ന ഒരു മൊട്ട കുട്ടിറൗഡിയായിരുന്നു സ്കൂളില്‍....
പിന്നെ കുറേ നാളത്തേക്ക്‌ എനിക്കു പറ്റ വെട്ടിയ തലയായിരുന്നു... അങ്ങനെ.. നാട്ടുക്കരൊക്കെ എന്നെ 'മൊട്ടേ മൊട്ടേ' ന്നു വിളിക്കന്‍ തുടങ്ങിയപോള്‍ എന്റെ അമ്മ തീരുമാനിച്ചു.. 'ഇനി എന്റെ കൊച്ചിന്റെ പനങ്കുല മുടി വളത്തിയിട്ട്‌ തന്നെ ' ബാക്കി കാര്യം.. അങ്ങനെ.. കുറേ പച്ചിലകളും തുളസിയിലയും നെല്ലിക്കയും... ഒക്കെ അരച്ചു വെളിച്ചെണ്ണയില്‍ കാച്ചി എന്റെ തലയില്‍ തേച്ചു പിടിപ്പിച്ചു...അങ്ങനെ മുടി വളരാന്‍ തുടങ്ങി... അതോടെ അമ്മ എന്റെ തലയില്‍ മറ്റ്‌ എണ്ണകളും ഷാംപുവും നിരോധിച്ചു.. കാച്ചെണ്ണയും ചെമ്പരത്തി താളിയും ഒക്കെ ആയിട്ട്‌ എന്റെ പനങ്കുല വളര്‍ന്നു വന്നു.... പത്താം ക്ലാസ്സില്‍ ആയപ്പോഴേക്കും... നമ്മുടെ മഞ്ചുവാര്യരു ഈ പുഴയും കടന്നിലും, ഭാമ കൊച്ച്‌ നിവേദ്യത്തിലും ഒക്കെ നടക്കണ പോലെ നീളന്മുടിയുള്ള ആവറേജ്‌ നാടന്‍ പെണ്ണായി നടന്നു... കുളിപ്പിന്നലും ജിമിക്കി കമ്മലും... ഹി ഹി ഹി.. അതു ഒരു കാലം.... അന്നൊക്കെ എന്നെ മിനുക്കാന്‍ അമ്മ കഴിയുന്നത്ര ശ്രമിച്ചു... ഞാനും വിട്ടില്ല... സഞ്ചരിക്കുന്ന ഒരു ഫാന്‍സി ഷോപ്പായിരുന്നെന്നു തന്നെ പറയാം....
പന്ത്രണ്ടാം ക്ലാസ്സ്‌ ഒരു വശപെശക്‌ സ്കൂളില്‍ ആയിരുന്നു...പത്തിലെ സ്റ്റേറ്റ്‌ റങ്ക്‌ ഹോള്‍ഡേസിനൊപ്പം ഒരു മന്ദബുദ്ധി... വന്‍ സ്റ്റ്രിക്റ്റ്‌...അതോടെ അണിഞ്ഞൊരുങ്ങല്‍ ഒക്കെ വെച്ചു കെട്ടി ...ബി എസ്സ്‌ സി ക്ക്‌ മാര്‍ ഇവാനിയോസിലേക്ക്‌ ചേന്നപോഴും.. എല്ലാവരും പാവം കുട്ടികളു...അന്നു ഒരു മഠത്തിലെ കന്യാസ്ത്രീകളുടെ കൂട്ട്‌ മേക്കപ്പും നടപ്പും ഒക്കെ ആയിരുന്നു... എല്ലാവരും സിമ്പിള്‍... ഞാനും സിമ്പിളായി സിമ്പിയളായി അവിടെന്നു ഇറങ്ങിയപോഴേക്കും പൊട്ടും വളയും ഒക്കെ ഉപേക്ഷിച്ച്‌ ഒരു ഫെമിനിസ്റ്റ്‌ രൂപത്തിലായി...പിന്നെ PG ചെന്നുപെട്ടാത്‌ ഒരു കലിപ്‌ സ്ഥലത്തായിരുന്നു, ഇവാനിയോസിന്റെ Extreme Opposite...നാടിന്റെ സംസ്കാരം മനസ്സിലാക്കന്‍ എന്നോക്കെ പറഞ്ഞ്‌ അന്യരാജ്യങ്ങളില്‍ വിളഞ്ഞ വിത്തുകളെ ഇറക്കുമതി ചെയിതിട്ടുണ്ട്‌,ഫാഷന്‍ ഷോക്ക്‌ മോഡല്‍സ്‌ റാമ്പില്‍ കൂടെ നടന്നു വരുന്നതുകണക്കാണു ഒരോന്ന് ആഹാരം കഴിക്കാന്‍ മെസ്സില്‍ വരുന്നത്‌...10cm നീളം ഉള്ള പാവാടയും അത്യാവശ്യഭാഗങ്ങള്‍ മാത്രം കര്‍ട്ടനിട്ട്‌ മറച്ചത്‌ കണക്ക്‌ ഒരു ടോപ്പും ഇട്ടു ഒരോന്നു വരും...അവിടെ മുടി ഒക്കെ നീട്ടി വളത്തി പ്രാകൃതരായിരുന്നത്‌ മലയാളി മങ്കികളായ ഞങ്ങളു കുറച്ചു ചേച്ചിമാരു മാത്രം...ങാ എന്തായാലും അവിടത്തെ തമിഴന്മര്‍ പറയുന്ന second sweetest lake water in the world നെ എന്റെ തലക്കു അങ്ങോട്ട്‌ പിടിച്ചില്ല...എന്റെ മഞ്ചുവാര്യര്‍ മുടി ഒക്കെ ഇളകി കൈയ്യില്‍ വന്നു....അങ്ങനെ അമ്മ കാച്ചെണ്ണ തേച്ചു വളത്തിയ മുടി ഒക്കെ രണ്ട്‌ മാസം കൊണ്ട്‌ പോയി കിട്ടി...എന്റെ മുടി പോയതില്‍ എന്നെ കാട്ടിലും സങ്കടം എന്റെ കൂട്ടുകാര്‍ക്കായിരുന്നു.. അവരു കാണുമ്പോള്‍ കാണുമ്പോള്‍.. "എപ്പടി ഇരുന്ത തല ഇപ്പടി ആയിട്ടേ" ന്നു പറഞ്ഞു അനുശോചനമറിയിക്കാനാന്‍ തുടങ്ങി...എന്തായാലും പോയതിന്റെ double ഒറ്റ വര്‍ഷം കൊണ്ട്‌ വന്നു.. ഓ.. ഇനി കാച്ചെണ്ണ തേച്ച്‌ ഒക്കെ ഇതിനെ വളര്‍ത്താന്‍ എവിടെന്ന് നേരം? എന്നാ പിന്നെ മുറിച്ചേക്കാം എന്നു തീരുമാനിച്ചു...
അങ്ങനെ ഇരിക്കുന്ന സമയതാണു...എന്റെ x-roomie സാറമ്മക്ക്‌ ഒരു മോഹം....അവിടെ ജോയിന്‍ ചെയിത അന്നു മുതല്‍ അവളെന്നോട്‌ പറയുന്ന ഒരു കാര്യമാണു....
"എടീ ഇത്രയും strict rules ആയ നിലക്ക്‌ ഒരു ദിവസമെങ്കിലും ഇവിടെന്ന് ചാടി പോയില്ലെങ്കില്‍, ഹോസ്റ്റല്‍ ലൈഫില്‍ ഓര്‍ക്കാന്‍ പാകത്തിനു ഒന്നും ഉണ്ടാവില്ല" ന്ന് ...
"ഉവ്വാ.. നീ ചാടി പോയ്ക്കോ, എനിക്കിനിയും ഒരു വര്‍ഷം കൂടെ ഇവിടെ ജീവിക്കാനുള്ളതാ"
അപ്പോ അവളു ഞാന്‍ പേടിതൊണ്ടിയാണൊന്നൊക്കെ പറഞ്ഞ്‌ കുറെ ഡയലോഗ്‌ ഒക്കെ അടിക്കും.... പിടിക്കപെട്ടാല്‍..suspension ല്‍ കുറഞ്ഞ്‌ ഒരു ശിക്ഷയുമില്ല...
" പോടീ... നീ തനിയെ ചാടിയാല്‍ മതി.. ഞാന്‍ എങ്ങും വരുന്നില്ല...."
പിന്നെയും ആലോചിച്ചു.. റിസ്ക്‌ എടുക്കാതെ എന്ത്‌ ജീവിതം??? ചാടികളയാം...
അങ്ങനെ ഒരു പൊങ്കല്‍ അവധി വന്നു ..അന്നു രാവിലെ 7 മണിക്ക്‌ ഞങ്ങളു പുറത്ത്‌ ചാടി ബസ്സില്‍ കയറി സിറ്റിക്കു വിട്ടു...അവിടെ ആകെ മൊത്തത്തില്‍ നമ്മുടെ ഒരു ഓണം കണക്ക്‌...സാറാമ്മക്കാണേലു മമ്മിക്ക്‌ സാരി വാങ്ങണം...റ്റിന്റു മോള്‍ക്ക്‌ hair cut! ഇത്രയും ആണു പരിപാടികള്‍.. തിരിച്ചു 4 മണിക്കു മുന്നേ ഹോസ്റ്റലില്‍ എത്തണം... ആദ്യം ചെന്നൈ സില്‍ക്സ്‌ ല്‍ വെച്ചു പിടിച്ചു...അവിടെ ചെന്നു തിരഞ്ഞു തിരഞ്ഞ്‌ sales gals നെ വട്ടക്കി, violent ന്റാക്കി.. " ഇവിടെ ഇത്രേ ഉള്ളൂ..." ന്നു പറയിപ്പിച്ചു...എനിക്കണെങ്കില്‍ കുറ്റബോധം.. കാരണം ആ കടയിലെ ഷെല്‍ഫില്‍ അടുക്കി വെച്ചിരുന്ന സാരികളൊക്കെ അവളു താഴെ ഇറക്കിച്ചു എന്നിട്ടാ... "വേറെ ഉണ്ടോ" ന്ന് ചോദിച്ചത്‌...അടികിട്ടാതെ വന്നതു മുജന്മ സുകൃതം...
"എടീ... വാ നമുക്ക്ക്കു കല്യാണ്‍ സാരീസില്‍ പോകാം"
"വേണ്ടാ... നീ തനിയേ പോയി അവിടത്തെ സാരികള്‍ താഴെ ഇറക്കിയാല്‍ മതി... സെലെക്റ്റ്‌ ചെയിതിട്ടു വിളിക്കെടി...ഞാന്‍ പോയി തല വെട്ടുന്ന സ്ഥലം കണ്ട്‌ പിടികട്ടെ"
അങ്ങനെ അവിടുത്ത സകല ബ്യുട്ടി പാര്‍ളറുകളിലും പോയി...അവിടെ ഒക്കെ നേരുത്തെ അപ്പോയിമന്റ്‌ വാങ്ങണം അല്ലെങ്കില്‍ തല കഴുകാന്‍ പ്രത്യേകം റേറ്റ്‌ കൊടുക്കണം..നമ്മുടെ ബഡ്‌ജക്റ്റ്‌ അല്ലങ്കിലേ കമ്മിയാണു...
സാറമ്മയേ വിളിച്ചു.. "കഴിഞ്ഞോടി???"
അങ്ങേ തലക്കല്‍ ലോകകപ്പ്‌ കിട്ടിയ സന്തോഷം..." കിട്ടിയെടീ കിട്ടീ..."
അങ്ങനെ ഞങ്ങളു വീണ്ടും കണ്ടുമുട്ടി...അങ്ങനെ നടന്ന് ഒരു കടയില്‍ കേറി അവിടത്തെ ചേട്ടനോട്‌ ചോദിച്ചു വേഗം തല വെട്ടികിട്ടാന്‍ വെല്ലോ കടയും ഉണ്ടോ??? അപ്പോഴുണ്ട്‌ ചേട്ടന്‍...
"ഉണ്ടല്ലോ.. ഈ ബില്‍ഡിങ്ങിന്റെ എറ്റവും മുകളിലത്തെ നിലയില്‍ ഒരെണം ഉണ്ട്‌ "
ഒരു മൂന്നു നില കയറിയപോഴേ വിജനമായ സ്ഥലം... പോരാഞ്ഞിട്ട്‌ ലവളു വായും അടക്കുന്നില്ല...
"എടി ഈ വഴിയും സ്റ്റെപ്സും ഒക്കെ കണ്ടിട്ട്‌ നമ്മുടെ പോക്ക്‌ വിതുര കിളിരൂര്‍ സൂര്യനെല്ലി റൂട്ടിലാടി...."
എനിക്കു ഒരു പന്തികേടു മണത്തു..
"എന്നാല്‍ വാ തിരിച്ചു പോകാം"
" വേണ്ടടീ... എന്തായാലും ഇറങ്ങി പുറപെട്ടില്ലേ... വായോ"
അങ്ങനെ ഏറ്റവും മുകളിലത്തെ നിലയില്‍ ചെന്നപോഴുണ്ട്‌ ഒരു ബോര്‍ഡ്‌ "____ Gents Beauty Parlour & Saloon"
എന്തയാലും ഞങ്ങളു രണ്ടും കല്‍പിച്ച്‌ കയറി ചെന്നു, അവിടെ കണ്ട്‌ ഒരു ചേട്ടനോട്‌ ചോദിച്ചു...
" അതിനെതാ കട്ട്‌ ചെയ്യുമല്ലോ"
എന്നോട്‌ കയറി ചെല്ലാന്‍ പറഞ്ഞു...അകത്തേക്ക്‌ കയറിയപ്പോഴുണ്ട്‌ ...കുറേ കരിമാന്തികളെ വൈറ്റ്‌ വാഷ്‌ ചെയിതു ഇരുത്തിയേക്കണു.. വെള്ളരിക്ക ഒക്കെ കണ്ണില്‍ വെച്ചു... കാലം പോയ പോക്കെ...ആണുങ്ങള്‍ക്ക്‌ ഇപ്പോ ഇത്രേം സൗന്ദര്യ ബോധമോ??? ഒരു ചേട്ടന്‍ എന്നെ കൂട്ടികൊണ്ട്‌ പോയി... തല ഒരു സിങ്കില്‍ ഇട്ട്‌ ഷാമ്പുവും കണ്ടീഷണരും ഒക്കെ ഇട്ടു അലക്കി തോര്‍ത്തി നനഞ്ഞ കോഴി കണക്കക്കി ഒരു കസേരയില്‍ കൊണ്ട്‌ ഇരുത്തി...അപ്പോഴേക്കും ഒരു സുന്ദരകുട്ടപ്പന്‍ ഒരു റ്റെയില്‍ കൊമ്പും കത്രികയും കൊണ്ട്‌ വന്നു.. എന്തോരു ഗ്ലാമറാ എന്റെ കര്‍ത്താവേ....
"എങ്ങനെ വെട്ടണം?"
"എനിക്ക്‌ ചേരണത്‌ പോലെ വെട്ടി തയോ അണ്ണാ"
"സെരി മാ"
പുള്ളിക്കരന്‍ ടക്‌ ടിക്‌ എന്നും പറഞ്ഞ്‌ ഒരു 10 വെട്ടു വെട്ടി...ഹെയര്‍ ഡ്രയര്‍ വെച്ചു ഉണക്കി എല്ലാം കൂടി വളച്ച്‌ ഒരു ഹെയര്‍ ക്ലിപ്പും ഇട്ടു വെച്ചു... ഒരു അഞ്ച്‌ മിനിട്ട്‌ കഴിഞ്ഞു വന്ന് ഹെയര്‍ ക്ലിപ്‌ ഇളക്കിയതും ഞാന്‍ തന്നെ അന്തം വിട്ടു.... ഇതു ഞാന്‍ ആണൊ?? എന്റെ തലയാണോ?? എന്റെ തലമുടിയാണോ?? :O
പുറത്തിരങ്ങി...റിസപ്ഷനില്‍ ഇരുന്ന ചേട്ടനു കാശും കൊടുത്തിട്ട്‌ നോക്കിയിട്ടും സാറാമ്മക്ക്‌ ഒരു അനക്കവും ഇല്ലാ...അടുത്തു ചെന്നു...
"എടീ പോക്കാം"
എന്നെ ഒന്നു സൂക്ഷിച്ച്‌ നോക്കിയിട്ട്‌.. " എടീീ നീയായിരുന്നോ????" :O നമ്മൂടെ ടോം ആന്‍ഡ്‌ ജെറിയില്‍ തലക്ക്‌ അടികിട്ടുമ്പോ ടോമിന്റെ കണ്ണു സ്പ്രിങ്ങില്‍ പുറത്തു വരണ പോലെ അന്തം വിട്ടു ഒരു നോട്ടം...
" എടീീീീീീീീീീീീീീ... മുടിയായിരുന്നെടീ നിന്റെ വൃത്തികേടു.... മുടിയായിരുന്നു.... ഹോ അങ്ങ്‌ സുന്ദരിയായല്ലോ മോളേ...."
"ഊതിയത്‌ മതി..... മിണ്ടാതെ വാടീ...."
പിന്നെ വൈകിയില്ല... വേഗം ബസ്റ്റാന്റില്‍ പോയി, 95B ഇല്‍ കയറി.. കോളേജിന്റെ മുന്നിലത്തെ സ്റ്റോപ്പില്‍ ഇറങ്ങി.. മുന്നിലത്തെ സ്റ്റോപ്പ്‌ എന്നു പറഞ്ഞാല്‍.. അര കിലോമീറ്റര്‍ അപ്പുറത്തേ സ്റ്റോപ്‌ അല്ല കേട്ടോ??? അഞ്ച്‌ അഞ്ചര കിലോ മീറ്റര്‍ ദൂരം മുന്നത്തെ സ്റ്റോപ്പ്‌.. ഒരു പക്കാ തമിഴ്‌ കവല...അവിടെ ഇറങ്ങി....രണ്ട്‌ സാമാന്യം നീളമുള്ള കരിമ്പ്‌ വാങ്ങി....... ചവച്ച്‌ ചവച്ച്‌ നടന്നു.... .റോഡിന്റെ രണ്ട്‌ വശത്തും കൃഷിസ്ഥലങ്ങളാണു... റോഡില്‍ കൂടി വല്ലപോഴും ഒരു വണ്ടി പോകും... കരിമ്പ്‌,vineyards,sunflower,ചെറിയ ഉള്ളി(shallot).. കറിവേപ്പില...ചോളം... പിന്നെ പല തരം പൂകൃഷി.... ക്യാബേജ്‌...തക്കാളി....ഹോ ആ ദിവസം ഒരിക്കലും തിരിച്ചു വരില്ല.. :( ..
നടന്ന് നടന്ന് അവസാനം ഹോസ്റ്റലില്‍ എത്തി...വല്യ അവധി ആയിരുന്നതു കാരണം സെക്യൂരിറ്റി ചേട്ടനും അധികം ഒന്നും ചോദിച്ചില്ല...അകത്തു കയറി എന്റെ ബ്ലോക്കിന്റെ സ്റ്റെപ്‌ കയറിയതു..നമ്മുടെ ക്ലാസ്സിലെ ആഫ്രിക്കകാരി കൊച്ചു... ഒരു നിമിഷം എന്നെ നോക്കിയിട്ട്‌ ഓടി വന്നു... "damn gaaaaal... u look pretty!!" ...അവളുടെ അഫ്രിക്കന്‍ രീതിയിലെ സ്നേഹ പ്രകടനവും ഒരു ഉമ്മയും... എല്ലാം പെട്ടെന്നയിരുന്നു.... ഹോ നമ്മളു സംഭവം ആണെന്ന് ആഫ്രിക്കക്ക്‌ വരെ തോന്നിയേക്കണു... അല്ലങ്കിലും അവളുടെ ആങ്ങള ജെയ്‌ക്ക്‌ ബോനേനോ ക്ക്‌ എന്നെ കാണുമ്പോള്‍ എലി പുന്നേല്ലു കണ്ടകണക്ക്‌ ഒരു ചിരിയുണ്ട്‌, അതു കാണുമ്പോള്‍ സാറാ .. "കണ്ടില്ലേടീ.. നിന്റെ ഗ്ലാമര്‍ കണ്ട്‌ ആഫ്രിക്കന്‍ ആണെന്ന് കരുതീട്ടാടീ പാവം.. അവന്റെ ചിരി കണ്ടിട്ട്‌ നിന്റെ ഭാവി അഫ്രിക്കായിലാടി മോളേ...തേനിക്കാരന്‍ സുന്ദരമൂര്‍ത്തിയെ കാണുമ്പോഴും അവളു അതു തന്നെ പറയും... "നിനക്ക്‌ തമിഴ്‌ ലുക്കാടി.. നിന്റെ ഭാവി തേനി യിലാടീ".... ന്ന് .. അങ്ങനെ ഞാന്‍ പോലും അറിയാത്ത എട്ട്‌ പത്ത്‌ ചെക്കന്മാരെ അവളു എനിക്കു പതിച്ചു തന്നിട്ടുണ്ടായിരുന്നു...ഏതു നേരവും ഒരോരുത്തരെ നോക്കി "ദേ വരുന്നെടീീ.. നിന്റെ മറ്റേവന്‍" ന്ന് പറഞ്ഞു ഡയലോഗടിച്ചിട്ടേ ഇരിക്കും..
എന്തായാലും എന്റെ പുതിയ തലവെട്ട്‌ എല്ലാവര്‍ക്കും ഇഷ്ടമായി...നാട്ടില്‍ വന്നു എവിടത്തെ ക്ലോറിന്‍ വെള്ളത്തില്‍ പിന്നെയും കുറെ കേശഭാരം നഷ്ടപെട്ടു....എന്നാലും നാലു മാസം കുടുമ്പോള്‍ വെട്ടികൊണ്ടേയിരുന്നു.... അങ്ങനെ വെട്ടി വെട്ടി ഒരു 20 cm മുടിയായി ...വീട്ടില്‍ നമുക്ക്‌ കല്യാണത്തിനു deadline പ്രഖ്യാപിക്കുകയും .അതില്‍ "ഫോട്ടോ കണ്ടു... നിറയെ മുടിയുള്ള ഒരു ഭാര്യയായിരുന്നു എന്റെ സങ്കല്‍പത്തില്‍" എന്നൊരു ഡയലോഗ്‌ എന്റെ മനസ്സില്‍ പതിയുകയും ചെയിതു... ഹി ഹി ...
അങ്ങനെ 5 തവണ തലവെട്ടാനുള്ള കാശ്‌ കൊടുത്ത്‌ ഇവിടത്തെ ഒരു international hairstylist നു തല വെച്ചു കൊടുത്തു...പുള്ളി ഒരോ മുടിയായി അളന്ന് രണ്ടര മണിക്കുറു കൊണ്ട്‌ വെട്ടി തന്നു... വീട്ടില്‍ എത്തിയ എന്നെ കണ്ടതും അമ്മ ഞെട്ടി...
"എന്തോനാടി ഇതു ,ഇതിനി എന്നു വളരാനാ?????? "
"എടീ നിന്നെ കണ്ടിട്ട്‌ കീമോ കഴിഞ്ഞ കാന്‍സര്‍ രോഗിയേ പോലെ ഉണ്ട്‌ " എന്ന് അനിയത്തികൊച്ച്‌...
എനിക്കൊഴികെ എന്നെ കണ്ടവര്‍ക്ക്‌ ഒക്കെ എന്റെ തലമുടി പോയതില്‍ സങ്കടമായിരുന്നു... എന്തായാലും മോഫീല്‍! എടുത്ത്‌..evolution of man from monkey ഫോട്ടോ കണക്ക്‌ കുറേ ഫോട്ടോ ഇടുത്ത്‌... ഉള്ളടത്തൊക്കെ അപ്‌ലോഡ്‌ ചെയിതു....പണ്ടത്തെ മഞ്ചുവാര്യര്‍ സ്റ്റെയില്‍ മാത്രം കണ്ടിട്ടുള്ളവര്‍... ചീത്ത വിളിച്ചു...തലമുടി പോണി റ്റെയില്‍ കെട്ടി... നെഞ്ചത്ത്‌ തല്ലുകൊള്ളിത്തരങ്ങള്‍ എഴുതി പിടിച്ചിപ്പ ടി-ഷര്‍ട്ടും ഇട്ട്‌, ഇടത്തേ കൈയ്യില്‍ കുട്ടി clock വലിപ്പത്തിനു ഡയലിള്ള വാച്ചും കെട്ടി,വലത്തേ കയ്യില്‍ രണ്ടര പവന്റെ സ്വര്‍ണ ചങ്ങലയുമിട്ട്‌ capris ന്റെ പോക്കറ്റില്‍ രണ്ടും കയ്യും തിരുകി... "ആരാടാ അവിടെ" ന്ന് ഒരു എക്ഷ്പ്രഷനും മുഖത്ത്‌ പിടിപ്പിച്ച്‌ നല്‍ക്കാറുള്ള താറാമൊട്ടയുടെ ഷെയ്‌പ്പുള്ള പെണ്ണിനെ കണ്ട്‌ പരിചയമുള്ളവര്‍...gaaal.... u look gorgeous!!!!!!!! ന്ന് കാച്ചി...
പിന്നെ എന്നിലെ നീളന്‍ മുടികാരിയെ കാട്ടിലും ഡിമാന്റ്‌ മൊട്ടക്കാണെന്നാ സത്യം ഞെട്ടലോടെ ഉള്‍കൊള്ളേണ്ടി വന്നു.. ഒറ്റ ആഴ്ചയില്‍ പത്തിരുപത്‌ applications ;).. ഹി ഹി ഹി... കാലം പോയ ഒരു പോക്കേ....
എന്തായാലും രണ്ട്‌ ദിവസമായിട്ട്‌ അമ്മ പഴയ കാച്ചെണ്ണയും കൊണ്ട്‌ എന്റെ പിന്നാലെ ഉണ്ട്‌...

എന്റെ producer ന്‌ !!

2009-06-20T00:09:00.000-07:00

Earphones വെച്ചിട്ടു ഏതോ ഒരു RJ യുടെ പഞ്ചാരയടിയുംകേട്ടിരുന്നപോഴാണ്‌ പുള്ളി പറഞ്ഞതു... നാളെ Fathers Day ആണെന്ന്...എന്നാല്‍ പിന്നെ എന്തു കൊണ്ട്‌ എന്റെ Producer നും ഒരു present കൊടുത്തുകൂടാന്ന് തോന്നി.. ഒരു പോസ്റ്റ്‌തന്നെ ആയികളയാം...

അങ്ങനെ പോയി പഴയ ആല്‍ബം ഒക്കെ മറിച്ചുനോക്കി,ഞാന്‍ കുഞ്ഞായിരുന്നപോള്‍ പുള്ളിക്കരനു ഒരുഹോബി ഉണ്ടായിരുന്നു, അങ്ങനെ ഇരിക്കുമ്പോള്‍ എന്നെപോക്കികൊണ്ട്‌ സ്റ്റുഡിയോയില്‍ കൊണ്ട്‌ പോയി ഫോട്ടോഎടുക്കല്‍...ഫോട്ടോ എടുക്കുന്നതിനു മുന്നേ ഡാഡി തന്നെഎന്റെ മുടി ഒക്കെ ചീക്കി,പൗഡര്‍ ഒക്കെ ഇട്ടു സുന്ദരിയാക്കാന്‍ശ്രമിക്കും!!!...എന്നിട്ട്‌ ഡാഡി മുടി ഒന്നും ചീക്കതെ, ലുങ്കിയും ഉടുത്ത്‌ എന്നെ എടുത്തു pose ചെയ്യും... ഫോട്ടോ വീട്ടില്‍ കൊണ്ട്‌ വരുമ്പ്പോഴായിരിക്കും . അമ്മ അറിയുന്നതു അന്നു എന്നെയുംപോക്കികൊണ്ട്‌ പോയത്‌ ഫോട്ടോ എടുക്കാന്‍ അയിരുന്നെന്നു...ഫോട്ടോ നല്ലതമാശയായിരിക്കും...ഡാഡിയുടെ തലമുടി ഒക്കെ ഷോക്കടിച്ചതു കണക്ക്‌ എണിട്ട്‌ നില്‍ക്കുംപോരാഞ്ഞിട്ട്‌, 'ചിരിക്ക്‌ തിന്റു, ചിരിക്കു തിന്റു' പറഞ്ഞ്‌ പറഞ്ഞ്‌ അവസാനം ഫോട്ടോ വരുമ്പോള്‍വടക്കുനോക്കിയന്ത്രത്തിലെ ശ്രിനിവാസന്റെ ഫോട്ടോ കണക്കിരിക്കും...

താഴത്തു വെച്ചല്‍ ഉറുമ്പ്‌ എടുത്തിട്ടു പോയാലൊ തലയില്‍ വെച്ചല്‍ പേന്‍ എടുത്തോട്‌പോയാലോ(ഉറുമ്പും പേനും Risk എടുക്കില്ലന്ന നഗനസത്യം ഇവരറിയുന്നുണ്ടോ????) എന്നും പറഞ്ഞുതാഴെ വെക്കതെ വളര്‍ത്തിയ കുട്ടി ആണേ റ്റിന്റു...എനിക്കു കളിക്കനും അടികൂടനും ഒന്നും വേറെകുട്ടിയകള്‍ ഒന്നും ഉണ്ടായിരുന്നില്ല വീട്ടില്‍... എല്ലാ സിറ്റികുട്ടികളേയും പോലെ നാലു ചുമരിനുള്ളില്‍അടച്ചിട്ടു വളത്തിയകുട്ടി ആണേ...ആകെ എനിക്കു കൂട്ട്‌ കുറെ പാവകുട്ടികളായിരുന്നു, പിന്നെ പടംനോക്കാന്‍ കുറേ ബാലരമയും പൂമ്പാറ്റായും...ഡാഡി വൈകുന്നേരം വന്നു കഴിഞ്ഞല്‍ കട്ടില്‍ കിടന്ന്എനിക്കു കഥ വായിച്ചു തരും, ഞാന്‍ എങ്ങനെ ഡാഡിയുടെ വയിറ്റില്‍ കയറി ഇരുന്നു കഥ കേള്‍ക്കും... അന്നു ഞാന്‍ മായവിയുടെ വന്‍ ആരാധികയായിരുന്നു, പിന്റുവും കപീഷും ...Nursery ല്‍ പോകുമ്പോള്‍മായാവിയിലെ രാധയെ പോലെ മുടി കെട്ടണം എന്നു എനിക്കിത്തിരി നിര്‍ബന്ധമായിരുന്നു.. അങ്ങനെണ്ടാം ക്ലാസില്‍ ആകുന്നവരെ ഡാഡി എനിക്കു കഥ വായിച്ചു തരുമായിരുന്നു...കുറേ കുട്ടികഥകള്‍... പിന്നെ ഞാന്‍ അങ്ങു തപ്പി തടഞ്ഞു വായിക്കാന്‍ തുടങ്ങി... രാവിലെ ഡാഡി എന്നെ കൊണ്ട്‌ പാത്രംവായിപ്പിച്ചിരുന്നു.. അദ്യമൊക്കെ കുറെ തല്ലു വങ്ങി കൂട്ടിയെങ്കിലും.. പിന്നെ ഞാന്‍ പത്രത്തിനു addicted ആയി...രാവിലെ എണിക്കുമ്പോള്‍ രാവിലെ അന്ന്ത്തെ പത്രം ഡാഡി എന്റെ അടുത്തു കൊണ്ട്‌വെച്ചിട്ടുണ്ടാവും...ലോകത്തു എന്തു സംഭവിച്ചലും അതിനെ പറ്റി എന്നോട്‌ സംസരിക്കുകയും, അതുവായിക്കു എതു വായിക്ക്‌ എന്നു പറഞ്ഞു എന്നെ അന്നു വായിക്കാന്‍ ഡാഡി നിര്‍ബന്ധിച്ചിരുന്നതുകൊണ്ട്‌, ആരു വന്നു ലോകത്തിലെ എന്തിനെ പറ്റി പറഞ്ഞാലും ധൈര്യമായി 4 വാക്ക്‌ പറയാനുള്ളവിവരം എന്നെനിക്കു ഉണ്ടായി....

പെണ്‍കുട്ടികള്‍ അതു ചെയ്യാന്‍ പാടില്ല ഇതു ചെയ്യന്‍ പാടില്ല എന്ന് വിശ്വസിക്കുന്ന പഴഞ്ചന്‍മനസ്സയിരുന്നില്ല ഡാഡിയുടെത്‌... ഉന്തി തള്ളി എന്നെ ഒരോ ക്ലാസ്സിനു കൊണ്ട്‌ വിടും...പഠിച്ച്‌ഒന്നിലും ഞാന്‍ വലിയ പ്രതിഭയൊന്നും ആയില്ലെങ്കിലും, ഞാന്‍ കൈവെച്ചിട്ടില്ലാത്ത മേഖലകള്‍കുറവാണെന്ന് ധൈര്യമായി പറയാന്‍ കഴിയുന്നതു എന്റെ ഡാഡി കാരണമാണ്‌...

തോറ്റിട്ടു progress report!! ഉം കൊണ്ട്‌ ഒപ്പിടാന്‍ ചെന്നാലും ഡാഡി ഒന്നും പറയാതെഒപ്പിട്ടുതന്നിരുന്നു..."അടുത്ത തവണ പാസ്സാകാന്‍ നോക്ക്‌... പഠിക്കുന്നതൊക്കെ മനസ്സിലക്കുന്നതിലാണ്‌ കാര്യം.. നിന്നോട്‌ റാങ്ക്‌ വാങ്ങാന്‍ ഒന്നും ഞാന്‍ പറയില്ല... ന്ന് പറഞ്ഞിരുന്നഡാഡ്‌...എന്നെ പോലും ഞെട്ടിച്ചു കൊണ്ട്‌ God എന്നെ topper ആക്കിയ ദിവസം, ഡാഡിയുടെകണ്ണു നിറഞ്ഞതു ഞാന്‍ കണ്ടു...എന്റെ കുഞ്ഞു കുഞ്ഞു സന്തോഷങ്ങളില്‍ ഒത്തിരിസന്തോഷിച്ചിരുന്ന എന്റെ കൂള്‍ ഡാഡ്‌...

പല സാഹചര്യങ്ങളില്‍ ഡാഡിന്റെ അമ്മയുടെ role ല്‍ നില്‍കേണ്ടി വന്നപോഴും എന്നെ ബോള്‍ഡ്‌ആക്കിയതു ആ സ്നേഹമായിരുന്നു... തൊണ്ടയില്‍ സര്‍ജറി കഴിഞ്ഞു സംസാരിക്കാന്‍വയ്യതിരുന്നപ്പോഴും എന്നോട്‌ പറയാനുള്ളതോക്കെ എഴുതിതന്നിരുന്ന ഡാഡ്‌...എന്നെയുംപിടിച്ചിരുത്തി ഫൂട്ട്ബോള്‍ മാച്ച്‌ കാണിക്കുന്ന ഫൂട്ട്ബോള്‍ ഭ്രാന്തനായിരുന്ന ഡാഡ്‌... അടിപൊളിപട്ടിനും ഞങ്ങളോടോപ്പം ഡാന്‍സ്‌ ചെയ്യുന്ന ഡാഡ്‌...സഹായം ചോദിക്കുന്നവര്‍ക്ക്‌കൈയ്യിലുള്ളതൊക്കെ കൊടുക്കുന്ന ഡാഡ്‌...ഇന്നും ഡാഡ്‌ ന്റെ മോളാനു പറഞ്ഞു introduce ചെയ്യുമ്പോള്‍ പലരും കെട്ടിപിടിച്ചു മോളേ ന്നു വിളിക്കുമ്പോള്‍, അവരു ഡാഡ്‌ നെ എത്രസ്നേഹിക്കുന്നെന്നു മനസ്സിലാകുന്നു...

ഡാഡ്‌.. എനിക്കറിയാം ഡാഡ്‌ ഇതു വായിക്കുമെന്ന്...സന്തോഷം വരുമ്പോള്‍ കണ്ണു നിറയുന്നഡാഡിന്റെ കണ്ണു ഇതു വായിക്കുമ്പോഴും നിറയുന്നതു എനിക്കു കാണാം....

I just want to tell you... Daddy I Love You....

ഇതു വായിക്കുന്ന എല്ലാ fathers നും അപ്പനാകാന്‍ പോകുന്ന എല്ലാ 'Pre' fathers!!! നും എന്റെ ഫാദര്‍'s day wishes!!!
:D

സ്നേഹപൂര്‍വം ജോക്കും ലൂയിക്കും....

2009-05-22T00:14:00.000-07:00

ഹര്‍ത്താലും പനിയും ഒക്കെയായിട്ട്‌ കുറച്ച്‌ ദിവസം ചുമ്മ ഇരുന്നു അലോച്ചിച്ച്‌ അലോചിച്ച്‌ വട്ടായപ്പോഴാണ്‌,എന്തുകൊണ്ട്‌ ക്ലാസ്സില്‍ പോയി ആ നാലിനും കൂടെ പനി കൊടുത്തുകുടാ എന്നൊരാശയം ,ഫ്ലാഷ്‌ ന്യുസ്സ്‌ കണക്ക്‌ എന്റെ മനസ്സിന്റെ സ്ക്രിനില്‍ കൂടെ ഓടി പോയത്‌...അങ്ങനെ പുതിയ ചുരിദാര്‍ ഒക്കെ ഇട്ട്‌ ഇറങ്ങിയതും മഴ !!, അവശ്യമില്ലാതെ ശരീരത്തില്‍ വെള്ളം വീഴുന്നതു നമുക്ക്‌ തീരെ ഇഷ്ടമുള്ള ഏര്‍പ്പാടല്ലെങ്കിലും,ഇത്തിരി നനഞ്ഞിട്ടാണെങ്കിലും ബസ്സില്‍ കയറി പാളയത്തു ചെന്നിറങ്ങി നടന്നു... പണ്ട്‌ എ പി ജെ അബ്ദുള്‍കലാമും ഇതു വഴി!! ഇതു പോലെ!! കുറേ നടന്നിട്ടുള്ളതാന്ന് പത്രത്തില്‍ വായിച്ചിട്ടുണ്ട്‌....എന്റെ കര്‍ത്താവേ.. എനിക്കു ഇന്ത്യന്‍ പ്രസിഡന്റ്‌ ഒന്നും ആയില്ലെങ്കിലും വേണ്ടില്ല,നമ്മുടെ മറ്റേ Sun ന്റെയോ Oracle യോ എങ്കിലും നിലവാരം ഉള്ള ഒരു കമ്പനിയുടെ തലപ്പത്ത്‌!(CEO ല്‍ കുറയാതെ) എങ്കിലും ഇരിക്കന്‍ പറ്റിയാ മതിയരുന്നു...( ശ്ശ്‌....അമ്മ കേല്‍ക്കണ്ട..'ചുമ്മതാല്ലടി,നിന്നെ ഒരു BPO പോലും എടുത്തോണ്ട്‌ പോകത്തതെന്ന് പറയും!!!...ങാ... ശ്രീഹരിയുടെ പൂട്ടി വച്ചിരിക്കുന്ന പഴയ ബ്ലോഗില്‍ പറഞ്ഞതു കണക്ക്‌,have been/would/.. ഇമ്മാതിരി വൃത്തികെട്ട ഇംഗ്ലീഷ്‌ വാക്കുകള്‍ എനിക്കും അലര്‍ജിയായതു കാരണം BPO എന്നെ എടുത്തിട്ടു പോയിലും, അന്നു തന്നെ വീട്ടില്‍ കൊണ്ട്‌ വയ്ക്കും...) അങ്ങനെ നടന്ന് നടന്ന് ഒരു വീടിനു മുന്നില്‍ ചെന്നതും...gate നു മുന്നില്‍ ദേ ഇരിക്കുന്നു...മൂന്നു പൂച്ചകുട്ടികള്‍ !!!

ട്ടൂങ്ങ്‌ ട്ടൂങ്ങ്‌ ട്ടൂങ്ങ്‌... ഫ്ലാഷ്ബാക്ക്‌ !!

എന്റെ പിതാശ്രീയെ പറ്റി ഞാന്‍ പറഞ്ഞിട്ടുണ്ട്‌ എന്നാലും പറയാം.. പുള്ളികാരന്‍ ദാനശീലത്തില്‍ കര്‍ണ്ണനുമായിട്ടു വന്‍ കോമ്പറ്റിഷനോക്കെയായിരുന്നതുകാരണം നാട്ടുകാരുടെ കണ്ണിലുണ്ണിയയിരുന്നു,ദാനം മാത്രമല്ല ഹോബി... റോഡില്‍ മരം നടല്‍ ...റോഡിലെ കുഴി നികത്തല്‍...എന്തിനു റോഡിലെ ഓട വരെ വൃത്തിയാക്കുമായിരുന്നു 70 കളുടെ തുടക്കത്തില്‍ Economics ലും History ലും ഡിഗ്രീ എടുത്ത ആ മഹാാാന്‍!!!subordinates ന്റെ മുന്നില്‍ നില്‍കണതു കണ്ടാല്‍,നമുക്കു കൂടെ സങ്കടം വരും, താഴ്മയിലും എളിമയിലും ഗാന്ധി മോഡല്‍!!! അങ്ങേര്‍ക്കുണ്ടായതാണെങ്കിലും ധാനശീലം മാത്രമേ എനിക്കു കിട്ടിയിട്ടുള്ളു... അമ്മ പറയും.."അപ്പനെ പോലെ തന്നെ ആക്കെടീ!!!... സ്റ്റാച്യുലെ വേലുത്തമ്പി ദളവയുടെ പ്രതിമാമാറ്റി നിന്റെ പ്രതിമ വയ്‌പ്പിക്കാം"

"ഓ...അവിടെ നിന്ന് ഏറുകൊള്ളനൊന്നും എന്റെ പ്രതിമക്ക്‌ പറ്റൂല...പറ്റുമെങ്കില്‍ നമ്മുടെ പട്ടം ജങ്ങ്ഷനില്‍ നിര്‍ത്ത്‌... ഞാന്‍ അവിടെ സണ്ണി ഡയിമണ്ടിലെയും ജോസ്‌കോ യിലെയും ചുള്ളന്മാരെ നോക്കി അവിടെ നിന്നോളാം, അതാവുമ്പോള്‍ അമ്മക്ക്‌ ഇടക്ക്‌ ഇടക്ക്‌ വന്ന് കണുകയും ചെയ്യാം"

ക്ഷമാശീലയാണങ്കിലും അമ്മയുടെ മറുപടി ഇവിടെ റ്റൈപ്പു ചെയ്യന്‍ തലക്കലം പറ്റൂല്ല..എന്നെ പോലോരെണ്ണാം എനിക്കുണ്ടായാല്‍ ഞാന്‍ എന്തു ചെയ്യും എന്റെ കര്‍ത്താവേ..

ങാ പറഞ്ഞു വന്നതു... നമ്മുടെ പിതാവിന്റെ ഒരു വിക്ക്‌നെസ്സായിരുന്നു പൂച്ച... എന്തൊക്കെ സംഭവിച്ചാലും ആ ജീവിയെ വീട്ടില്‍ കേറ്റില്ലന്ന് അമ്മ...എന്നാലും... വൈകിയാണെങ്കിലും അമ്മയുടെ മനസ്സു മാറി... അതിനു കാരണം ,ഞങ്ങളുടെ കോളനിയില്‍ ഒരു പൂച്ചയാരുന്നു...പീറ!!!പേരു പീറ എന്നായിരുന്നെങ്കിലും ആളു ചില്ലറക്കരിയായല്ല...തിരുനന്തപുരം കോര്‍പോറേഷനില്‍ ആരോടു ചോദിച്ചാലും പീറയെ അറിയമായിരിക്കും, അത്രക്കു ഫെയിമസാണ്‌ പുള്ളികാരി...അവളുടെ ഉടമസ്ഥന്‍ IPS കാരന്‍ ഉടമസ്ഥ IAS കാരി...അതിന്റെ അഹങ്കാരമായിരിക്കും, ഏതു വീട്ടിലും കുളായിട്ട്‌ കയറി ചെല്ലും... അമ്മ അവളെ മീനും ചോറും ഒക്കെ കൊടുത്തു വളക്കാന്‍ നോക്കിയെങ്കിലും അവള്‍ക്ക്‌ കൂറു മൊത്തം IPS ന്റെ വീട്ടില്‍ ആയിരുന്നതു കാരണം അവളു അമ്മ കൊടുക്കുന്നതു തിന്നിട്ട്‌ വീട്ടില്‍ പോകും...

അവസാനം നമ്മുടെ മാതാശ്രീ ഒരു തീരുമാനമെടുത്തു.. കാശു കൊടുത്തിട്ടാണങ്കിലും ഒരു പൂച്ചയെ വാങ്ങിക്കും എന്ന്...പക്ഷേ അതിന്റെ ഒന്നും അവശ്യം വന്നില്ല...ഒരു ദിവസം രാവിലെ കതകു തുറന്നപോ മുറ്റത്ത്‌ നില്‍കുണു ഒരു പൂച്ചകുട്ടി(ചെല്ല)... അതിനു പിന്നെ രാജകീയ പരിചരണമായിരുന്നെന്ന് പറയണ്ടല്ലോ... പെട്ടന്ന് അമ്മക്ക്‌ ഒരു പട്ടിയെ കൂടി വങ്ങണം എന്ന് തോന്നി..അങ്ങനെ ഒരു പോമറേനിയന്‍ പട്ടികുട്ടിയേയും വാങ്ങി(ജോ)....രണ്ടാള്‍ക്കും ഒരേ വലിപ്പം...എന്നിട്ടെന്തായി.. പട്ടികുട്ടിയും പൂച്ചകുട്ടിയും തമ്മില്‍ വന്‍ Misunderstandings!!!... പൂച്ചകുട്ടി വിചാരിച്ചു മറ്റേതു പൂച്ചകുട്ടിയാണെന്ന്...പട്ടികുട്ടി വിചാരിച്ചു മറ്റേത്‌ പട്ടികുട്ടിയാണെന്ന്...അങ്ങനെ അവരു തീറ്റയും കുടിയും ഉറക്കവും ഒക്കെ ഒരുമിച്ചായി... കണ്ണാടി ഒന്നും നോക്കാതോണ്ടായിരിക്കും രണ്ടാളും വളര്‍ന്നിട്ടും കട്ട കമ്പിനിയായിരുന്നു....അങ്ങനെ ഒന്ന് ഒന്നോര വര്‍ഷമായപോള്‍ നമ്മുടെ ചെല്ല പ്രസവിച്ചു...5 കുഞ്ഞുങ്ങള്‍...ഞങ്ങളൂടെ അടുക്കളയാരുന്നു അവളുടെ ലേബര്‍ റൂമെങ്കിലും, ഒരു ആഴചകഴിഞ്ഞപ്പോള്‍ മക്കളെ ഒക്കെ നുള്ളി പെറുക്കി അവളുടെ സുഹൃത്ത്ഭവനമായ പട്ടികൂട്ടില്‍ ജോ യോടെപ്പൊം താമസമാരംഭിച്ചു,അവനും കുട്ടുകാരിയുടെ മക്കളേ പൊന്നും പോലെ നോക്കിയെങ്കിലും ഒന്നു ഒഴികെ ബക്കി നാലും ചത്തു പോയി...അതിലു മിച്ചം വന്നതിനു ഞങ്ങള്‍ 'മിച്ചു' എന്നും പേരിട്ടു...

അങ്ങനെ ചെല്ല പിന്നേം 2 തവണ പ്രസവിച്ചു...അതും പട്ടിടെ കൂട്ടില്‍...രണ്ടാമത്തെ പ്രസവത്തില്‍ ഒരു മിച്ചു വും ഉണ്ടായില്ലെങ്കിലും,മുന്നാമത്തെ പ്രസവത്തില്‍, 3 കുഞ്ഞുങ്ങള്‍!!!,അതില്‍ ഒന്നിനു ആകെ മിസ്റ്റേക്ക്സ്‌...വാലിനു നീളമില്ല...കാലിലു 3 നഖം മാത്രം പിന്നെ കലിനു ഒരു വളവ്‌...പ്രസവത്തിനു മുന്നേ തന്നെ നമ്മുടെ മാതൃസഹോദരി 2 എണ്ണം ബുക്കു ചെയിതിരുന്നു ...So handicap പൂച്ചകുട്ടിയെ ഞങ്ങള്‍ വളര്‍ത്താന്‍ തീരുമാനിച്ചു... . അടുത്തതു അവളുക്കു പേരിടണമല്ലോ...ആത്മമിത്രത്തിനോട്‌ പൂച്ചകുഞ്ഞിനു ഒരു പേരിടാന്‍ പറഞ്ഞപോള്‍,..."ലോനപ്പന്‍!,ലൂയി!..." അമ്മാതിരി കുറെ പേരു പറഞ്ഞു...അവനെന്തു പറഞ്ഞാലും NO, ഇല്ല, അല്ല...ന്നേ ഞാന്‍ അദ്യം പറയാറുള്ളു, "ഇതോക്കെ നിനക്കു മക്കളുണ്ടാവുമ്പോള്‍ ഒരോന്നിനും ഇട്ടോളൂ.." ന്ന് പറഞ്ഞെങ്കിലും,അതില്‍ നിന്നു തന്നെ ഒരു പേരു കണ്ടു പിടിച്ചു,"ലൂയി"....വളരുന്തോരും, അവളു നടാക്കന്‍ തുടങ്ങി..പിന്നെ ചാടി ഓടി... അമ്മയുടെ ചെടികളോക്കെ നശിപ്പിച്ച്‌ ആകെ ഒരു കുസൃതിപെണ്ണായിരുന്നു...എന്റെ ബെഡ്ഡിലും മടിയിലും ഒക്കെയായിട്ടായിരുന്നു അവളുടെ ഉറക്കം...

അതിനിടയില്‍ പെട്ടന്ന് ഒരു ദിവസം ഉച്ചക്ക്‌ ജോ ഞങ്ങളുടെ മുന്നില്‍ പിടഞ്ഞ്‌ പിടഞ്ഞ്‌ ചത്തു...ചാകുന്നതിനു 10 മിനിറ്റ്‌ മുമ്പ്‌ വരെ കുരച്ചു കൊണ്ട്‌ ഓടി നടന്നതായിരുന്നു... അന്ന് ഞങ്ങളുടെ വീടു ഒരു മരണ വീടു പോലായിരുന്നു...വളരെ ടച്ചിങ്ങായി തോന്നിയതു...ജോയെ കുഴിച്ചിടുന്നതു വരെ ചെല്ലയും മിച്ചുവും അവന്റെ അടുത്തു ഇരുന്നു എന്നതാണ്‌...ചെല്ല ഇടക്കിടക്ക്‌ ജോ യുടെ ബോഡി വന്ന് നക്കിയപോള്‍ എല്ലാവരും കരഞ്ഞു പോയി...

അങ്ങനെ 3 പൂച്ച മാത്രമായി....ലൂയിയെ ആണേലു വീടിനുള്ളില്‍ കണ്ടില്ലെങ്കില്‍ പിന്നെ കാണണമെങ്കില്‍ റോഡില്‍ പോയി നോക്കിയാല്‍ മതി...അവിടെ കാണും...ഒരു ദിവസം ഒരു നൂറു തവണ ഞാന്‍ അവളെ പോക്കി അകത്തു കൊണ്ട്‌ വരും, അവളു പിന്നേം പോകും... റോഡില്‍ അവളുടെ ഫാഷന്‍ പരേഡ്‌ കണ്ട്‌ 4-5 പേരു വന്നു ചോദിച്ചു...'ഈ പൂച്ചകുഞ്ഞിനെ തരുമോ' ന്ന്... എന്റെ കര്‍ത്താവേ...വേണമെങ്കില്‍ 2 പേര്‍ഷ്യന്‍ പുച്ചയെ വാങ്ങി തരാം എന്നലും എന്റെ ലൂയിയെ എങ്ങനെ കൊടുക്കും...ചില സംഭവവികസങ്ങള്‍ കാരണം ലൂയി ലൂയി ന്ന് വിളിക്കുമ്പോല്‍ ഒടുക്കത്തെ വേദനയായിരുന്നെങ്കിലും... അവളെ പിരിയാന്‍ പറ്റുമായിരുന്നില്ല...അവസാനം എനിക്കായിട്ടു കിട്ടിയതു ലൂയി മാത്രമായിരുന്നു....

കഴിഞ്ഞ ആഴച ലൂയിയും പോയി...കുറേ തിരഞ്ഞു നടന്നു..... കണ്ടില്ല!!...

ബാത്ത്രൂമില്‍ കയറി... റ്റാപ്സ്‌ ഒക്കെ തുറന്ന് വിട്ട്‌ ഒരു നിലവിളി ഒക്കെ കഴിഞ്ഞു ഇറങ്ങി വന്നപോ അമ്മ പറഞ്ഞു... ഒന്നിനേയും ഇങ്ങനെ സ്നേഹിക്കരുതെന്ന്.... അതേ..ശരിയാണ്‌....

ഫ്ലാഷ്ബാക്ക്‌ കഴിഞ്ഞു !!!

ക്ലാസ്സില്‍ ചെന്നപോള്‍ സാറു സിലബസ്‌ തന്നു, അതു കണ്ടപോള്‍ മനസ്സിലായി...അടുത്തകാലത്തോന്നും ഞാന്‍ ഫ്രീയാകത്തില്ലന്ന്...ഫ്രീ ആകാന്‍ പാടില്ല.... അതു കൊണ്ട്‌ ഒരു പോസ്റ്റ്‌ കൂടി ഇട്ടേക്കാമെന്ന് കരുതി..:D

'ഫൂമി'യുടെ സ്പന്ദനം ഫിസിക്സിലാണ്‌!!!

2009-02-17T00:07:00.000-08:00

പത്രപ്രവര്‍ത്തകയാകുന്നതും സ്വപ്നം കണ്ട്‌, സാഹിത്യവും രാഷ്ട്രീയവും അന്താരാഷ്ട്രപ്രശ്നങ്ങളും മാത്രം തലയില്‍കൊണ്ടുനടന്ന എന്നെ പത്താം ക്ലാസ്സ്‌ കഴിഞ്ഞ്‌ അപ്പനും അമ്മയും കൂടെ കൊണ്ടുപോയി +2 നു സയന്‍സ്‌, കമ്പ്യുട്ടര്‍ സയന്‍സിനു കൊണ്ട്‌ ചേര്‍ത്തു... 2 ലാങ്ങ്വേജും,കമ്പ്യൂട്ടര്‍ സയന്‍സ്‌, ഫിസിക്സ്‌,കെമസ്റ്റ്രി, മത്തസ്‌...!!! ഇവരോട്‌ ആരോടും എനിക്കു ഒരു വ്യക്തി വൈരാഗ്യവും ഇല്ലായിരുന്നെങ്കിലും, ലാങ്ങ്വേജ്‌ ഒഴികെ നാലു പേരും എന്റെ കാലുവാരി!!!.. വഞ്ചകന്മാര്‍!!! എന്നോടാ കളി???...ഞാന്‍ വിടുവോ??? ഇല്ല...!!! അങ്ങനെ എന്റെ ജീവിതത്തിനെ കറുത്ത ദിനങ്ങള്‍ ആരംഭിച്ചു!!! 4 സാബ്ജകിനും നാലിടത്ത്‌ റ്റ്യുഷന്‍... അതും എന്റെ വീടിന്റെ നാലു ദിശയിലുള്ള സ്ഥലങ്ങള്‍...രാവിലെ 5 മണിക്ക്‌ ഇറങ്ങിയാല്‍ ഉലകം ചുറ്റി റ്റ്യുഷനും ഒക്കെ കഴിഞ്ഞു രാത്രി ഒരു 7-8 ആകുമ്പോഴാണ്‌ വീട്ടില്‍ ലാന്‍ഡ്‌ ചെയിതിരുന്നത്‌, കുറെ ഉറക്കം കളഞ്ഞിട്ടാണെങ്കിലും ഫിസിക്സ്‌ ഒഴികെ ബാക്കി മൂന്നിനെയും ഞാന്‍ ഒരു വിധത്തില്‍ വളച്ചു... ഫിസിക്‌സദ്ദേഹം പണ്ടേ ഇത്തിരി ഗൗരവക്കാരന്‍ ആണല്ലോ...' മോളേ... ഞാന്‍ വളയില്ലടി" എന്നും പറഞ്ഞ്‌ പുള്ളിക്കാരന്‍ എനിക്ക്‌ പിടി തരാതെ നടന്നു...

സ്കൂളില്‍ ഫിസിക്സ്‌ പഠിപ്പിച്ചിരുന്ന മറുതയുടെ പേരു മേരി, MSc കഴിഞ്ഞു SET എഴുതി വന്നതേ ഉള്ളു, മേരി ചേച്ചി എന്ന് വേണമെങ്കില്‍ വിളിക്കനുള്ള പ്രായമേ ഉള്ളു. ആള്‍ക്ക്‌ ചന്ത സ്വഭാവം ആയിരുന്നത്‌ കാരണം , ഞങ്ങള്‍ അവര്‍ക്ക്‌ ചാളമേരി എന്ന് പേരു വെച്ചു...അദ്യത്തെ ദിവസം ഇണ്ട്രോഡക്ഷന്‍ സെഷനില്‍ നോട്ട്‌ എഴുതികൊണ്ടിരുന്നെന്ന മഹാപരാദത്തിനു, 'കിലുക്ക'ത്തില്‍ രേവതി പറയുന്നതുകൂട്ട്‌ അവരെന്റെ 'അപ്പുപ്പനേം.. അമ്മുമ്മനേം... ഒക്കെ ചീത്ത പറഞ്ഞു!!!' പിന്നീട്‌, അതു ഒരു തുടക്കം മാത്രമായിരുന്നെന്ന് സത്യം ഞാന്‍ ഒരു ഞെട്ടലോടെ ഉള്‍കൊണ്ടു!!! ഒരു ദിവസം ലഞ്ച്‌ ബ്രേക്കിനും 5th hour നും ഇടക്കുള്ള ഇടവേളയില്‍ Bubble gum ചവച്ചു കോണ്ടിരുന്ന എന്റെ അടുത്തേക്ക്‌ ചാളമേരി പാഞ്ഞെത്തി...ഇന്നത്തേക്കുള്ളതു ഉടനെ കിട്ടും... എന്ന് മനസ്സില്‍ പറഞ്ഞ്‌ 'പോയി തുപ്പടീീീീീീീീ' എന്ന ഡയലോഗും പ്രതീക്ഷിച്ചു നിന്ന എന്റെ പ്രതീക്ഷയെ തകര്‍ത്തു കൊണ്ട്‌ ഒറ്റ ഡയലോഗ്‌ "വിഴുങ്ങെടീീീീ!!!".... wooow great.... 'പണി' of the year! എനിക്കു തന്നെ കിട്ടി... അന്നെന്നെ ചാളമേരി ഒരു അര മണിക്കൂര്‍ നിര്‍ത്തി പൊരിച്ചു!!! അന്നു നേരിട്ട മാനസിക പീഢനം കാരണം ഇപ്പോഴും Bubble gum കാണുമ്പോള്‍ ഞാന്‍ ഞെട്ടും!!! ചാളമേരിയോടുള്ള ദേഷ്യം മൊത്തം തീര്‍ത്തിരുന്നത്‌ ഫിസിക്സിനോടായിരുന്നു...

അന്ന് എന്നെ ഫിസിക്‌ റ്റ്യുഷനെടുത്തിരുന്നത്‌, യുവാവും കോമളനുമായിരുന്ന പ്രകാശ്‌ സാര്‍, ആ പണ്ടാരകാലനെ കാണുമ്പോഴുണ്ടായിരുന്ന ഓമനത്തം ഒന്നും പഠിപ്പിക്കുന്ന നേരത്ത്‌ ഉണ്ടായിരുന്നില്ല... മുന്നില്‍ ഇരിക്കുന്ന ആളുടെ പിന്നില്‍ പതുങ്ങിയിരുന്ന്... 'കര്‍ത്താവേ... ഈ ഐസക്‌ ന്യുട്ടനെ നീ എന്തിനാണ്‌ ഇഗ്ലണ്ടില്‍ പിറക്കാന്‍ അനുവദിച്ചത്‌???? ആരാണ്ട്‌ പറഞ്ഞത്‌ കണക്ക്‌ നിറയെ തെങ്ങും പ്ലാവും ഉണ്ടായിരുന്ന കേരളം വെറുതെ കിടക്കുവായിരുന്നില്ലോ??? എന്നിരുന്നെങ്കില്‍ വല്ല തേങ്ങയോ ചക്കയോ വീണ്‌ ഇതൊന്നും എഴുതിപ്പിടിപ്പിക്കതെ അങ്ങേരു പണ്ടാറടങ്ങുമായിരുന്നില്ലേ?????' എന്ന് അതമരോദനത്തോടിരിക്കുന്ന എന്നെ, Explain Torque എന്നും പറഞ്ഞ്‌ എഴുനേല്‍പ്പിച്ച്‌ നിര്‍ത്തി....'വേണ്ട മേനേ പ്രകാശാ...' എന്ന മുഖഭാവം ഒക്കെ വരുത്തി ഉലക്ക വിഴുങ്ങിയതു കണക്ക്‌ നില്‍ക്കുന്ന എന്റെ മുഖത്ത്‌ നോക്കി പതിവു ചോദ്യം.." വല്ലവനേയോക്കെ കെട്ടി, അവന്റെ etc etc അലക്കി ജീവിക്കാന്‍ പോകുന്ന നീ ഒക്കെ എന്തിനാടി സമയം മെനകെടിത്തി പഠിക്കാന്‍ വരുന്നത്‌????".. പാവം ഞാന്‍...'തന്നെ ഒരുസം എന്റെ കൈയ്യില്‍ കിട്ടുമെടോ' എന്നെ ഒരു എക്സ്പ്രഷന്‍ മാത്രം മുഖത്ത്‌ വരുത്തി പാവം കുട്ടിയായി നില്‍കും...

അങ്ങനെ ചാളമേരിയേയും പ്രകാശ്ജിയേയും ഫിസിക്സിനെയും പ്രാകി പ്രാകി എങ്ങനെയോ +2 പഠിച്ച്‌ മുടിച്ച്‌!!!എഞ്ചിനീയറിംഗ്‌ സീറ്റിനെ കാട്ടിലും എനിക്കു വലുത്‌ എന്റെ ഡ്രീം എഞ്ചിനീയറിംഗ്‌ കോളേജായിരുന്നത്‌ കാരണം , ഇഞ്ചി നീരാകാന്‍ പഠിക്കാന്‍ വിണ്ടും ഒരു വര്‍ഷം കൂടി കാത്തിരിക്കേണ്ടി വന്നു, അങ്ങനെ ചുമ്മാ വീട്ടിലിരിക്കല്‍ ഒഴിവാക്കന്‍ വേണ്ടി, എല്ലാ Arts and Science കോളേജിലും അപ്ലേ ചെയിതു. അതില്‍ നിന്നു അടിച്ചുപൊളിക്കാന്‍ പറ്റിയ, മാര്‍ ഇവാനിയോസ്‌ തന്നെ തിരഞ്ഞെടുത്തു, ഫാസ്റ്റ്‌ ഓപ്‌ഷന്‍ വെച്ചിരുന്ന ഫിസിക്സ്‌ തന്നെ കിട്ടുകയും ചെയിതു... ഫാസ്റ്റ്‌ ഇയര്‍ കഴിയുന്നതിനു മുന്നേ ഞാനും ഫിസിക്സും തമ്മില്‍ കട്ട അഫയറായി!!! "എനിക്കു ഇഞ്ചി നീരാകണ്ടാ 'ഫിസിസിസ്റ്റ്‌'(ഇതു ശരിയായി വായിക്കുന്നവര്‍ക്ക്‌ ഒരു 'നാരങ്ങമുട്ടായി' സമ്മാനമായി ലഭിക്കുന്നതാണ്‌!!!)ആയാല്‍ മതി!!!" എന്ന് വീട്ടില്‍ പ്രഖ്യാപിച്ചു... എന്റെ ഡ്രീം കോളേജ്‌ 'അന്തര്‍സംസ്ഥാനം'ആയിരുന്നത്‌ കാരണം വീട്ടുക്കാര്‍ക്കും സന്തോഷം...! അങ്ങനെ ഫിസിക്സും ഞാനും ആയിട്ടുള്ള പ്രണയം തളിര്‍ത്ത്‌ മൊട്ടിട്ടു പൂവിട്ട്‌ കായായി... എല്ലാത്തിനും കാരണക്കരന്‍, അധ്യാപകനാകാന്‍ വേണ്ടി മാത്രം ജനിച്ച്‌ മോഹന്‍ സാറായിരുന്നു... A Perfect Teacher!!!... ആ മനുഷ്യനാണ്‌, എന്നെ ഇരിക്കുമ്പോഴും നടക്കുമ്പോഴും ഉറങ്ങുമ്പോഴും ഒക്കെ ഫിസിക്സിനെ കുറിച്ച്‌ ചിന്തിക്കന്‍ പ്രേരിപ്പിച്ചത്‌. അമ്മ ചായ തരുമ്പോള്‍, തേയിലയുടെയും വെള്ളത്തിന്റെയും പാലിന്റെയും പഞ്ചസാരയുടെയും പാര്‍ട്ടിക്കിള്‍ ഫിസിക്സും,സ്വിച്ച്‌ ഇടാന്‍ പോകുമ്പോ അയോണ്‍സിന്റെ ഫ്ലോയും വിത്ത്‌ പ്രൂഫ്‌ ആന്‍ഡ്‌ ഡെരിവേഷന്‍ മനസ്സില്‍ ഓടിവന്നിരുന്ന കാലം... ഇപ്പോഴും എന്തു കണ്ടാലും അതിന്റെ ഭാരം, പ്രഷര്‍ , വേഗതാ , ആങ്കിള്‍, ദിഷ, ആര്‍ദ്രദ ആ രീതിയിലേ എന്റെ ചിന്ത പോകൂ.. ചുരുക്കി പറഞ്ഞാല്‍ ഒരു പിരി ലൂസായോന്ന് എനിക്കു പോലും പലപ്പോഴും തോന്നിയിട്ടുണ്ട്‌!!! എന്തായാലും ഫിസിക്സില്‍ ഒരു ഡിഗ്രിയും കിട്ടി...!!!

ഇനി ഞാന്‍ വിഷയത്തിലേക്ക്‌ വരട്ടെ...ഫിസിക്സിന്റെ അഗാധ ഗര്‍ത്തത്തില്‍ തലയും കുത്തി വീണു പഠിച്ചതു കാരണം എനിക്കു മുഖ്യമായും എടുത്ത്‌ പറയാന്‍ പാകത്തിനു രണ്ട്‌ ഫോബിയകള്‍ ആണു ഉണ്ടായത്‌!!!

1.വെഹിക്കിളോഫോബിയ
2.കുക്കറോഫോബിയ

വെഹിക്കിളോഫോബിയ : തിരുവനന്തപുരത്ത്‌ MC Road ഉം NH കൂടെ വന്ന് ജോയിന്‍ ചെയ്യുന്ന ആ ഒന്നൊന്നര റോഡ്‌ ആണു സംഭവസ്ഥലം. എനിക്ക്‌ റോഡ്‌ ക്രൊസ്‌ ചെയ്യന്‍ നില്‍കുമ്പോള്‍ പണ്ട്‌ പ്രകാശ്‌ സാര്‍ സോള്‍വ്‌ ചെയ്യന്‍ തന്ന സംഭവങ്ങള്‍ മനസ്സില്‍ തെളിഞ്ഞു വരും..."10 km നീളമുള്ള റോഡില്‍ 60km/hr ല്‍ ഓടുന്ന പാണ്ടിലോറി 3km കഴിയുമ്പോള്‍ സ്പ്പീഡ്‌ 140 km/hr ല്‍ പോയാല്‍...999 beats/fraction of millisecond ല്‍ ഇടിക്കുന്ന ഹൃദയവുമായി 2 feet/min ല്‍ ക്രോസ്സ്‌ ചെയ്യുന്ന നിന്നെ, പാണ്ടിലോറിക്ക്‌ റോഡില്‍ 'റ്റാറ്റു' ആക്കാന്‍ എത്ര second വേണം????????" ആ റോഡ്‌ ക്രൊസ്സ്‌ ചെയ്യന്‍ നില്‍ക്കുമ്പോള്‍, ഈ ലോകത്തെ സുപ്പര്‍ഫസ്റ്റ്‌ മൊത്തം തിരുവനന്തപുരത്തോട്ടാണോ വരുന്നതേന്ന് തോന്നി പോകും... പണ്ട്‌ സാര്‍ സോള്‍വ്‌ ചെയ്യന്‍ തന്നിരുന്ന സംഭവങ്ങള്‍ കൂടി പോയാല്‍ 2 വണ്ടിയേ ഉണ്ടായിരുന്നുള്ളു.. ഇതോ ????? അതു കാരണം ഞാന്‍ വണ്ടി എണ്ണാന്‍ ഒന്നും നിക്കാറില്ല...ഒറ്റ ഒട്ടം എന്നിട്ട്‌ റോഡിനു നടുവിലെ ട്രാഫിക്‌ ഐലന്റില്‍ നിന്ന് അലോചിക്കും...' ഇത്രയും ഗ്ലാമര്‍ ദൈവം വാരി കോരി തന്നിട്ടും ഒരു പൂവാലന്‍ പോലും തിരിഞ്ഞു നോക്കുന്നില്ല...ഇനി വല്ല സൂപ്പര്‍ഫസ്റ്റും കേറി പോസ്റ്റുമോര്‍ട്ടം കൂടി ചെയ്യേണ്ടി വന്നല്‍, പൊതുദര്‍ശനത്തിനു വെച്ചല്‍ പോലും ഒരു പട്ടിയും തിരിഞ്ഞു നോക്കില്ല" അലോചന കഴിഞ്ഞു വീണ്ടും ഒരു ഒട്ടം... ഹോ പാവം ഞാന്‍ ഒരോ കഷ്ടപാടുകള്‍...

കുക്കറോഫോബിയ : എനിക്ക്‌ ഈ ലോകത്ത്‌ ആ സാധനത്തിനോട്‌ മാത്രം ഇത്തിരി ഭയവും ബഹുമാനവും ഒക്കെ ഉള്ളതുകൊണ്ടാവണം എന്റെ മാതാജി M, XL, XXL size ല്‍ മൂന്ന് നാലു പ്രഷര്‍ കുക്കര്‍ വാങ്ങി വെച്ചിട്ടുണ്ട്‌. അതു സ്റ്റവ്വില്‍ ഇരിക്കുന്നത്‌ കാണുമ്പോള്‍ എന്റെ മനസ്സില്‍ തെര്‍മ്മല്‍ ഫിസിക്സ്‌ ഓടിവരും...'5 വിസില്‍ കേല്‍കുമ്പോള്‍ സ്റ്റവ്‌ ഓഫ്‌ ചെയ്യിതേക്കണേ ' എന്ന് പറഞ്ഞാല്‍.. 55 വിസില്‍ കേട്ട്‌, അതിനുള്ളില്‍ ഇരിക്കുന്നത്‌ കഞ്ഞിയോ/കല്‍കരിയോ ആയലും ഞാന്‍ എന്റെ മനസ്സില്‍ പ്രഷറും റ്റെമ്പ്രേച്ചറും തമ്മിലുള്ള തമ്മില്‍തല്ലു അവസാനിക്കില്ല... പണ്ട്‌,വെറും ഒരു പുട്ട്‌കുറ്റി കൊണ്ട്‌ റോക്കറ്റ്‌ വിക്ഷേപണ തന്ത്രം കണ്ട്‌ പിടിച്ച ഒരു ചരിത്രം എനിക്കുള്ളതു കൊണ്ട്‌, എനിക്കു കുക്കറിനോട്‌ ഒീത്തിരി ബഹുമാനമൊക്കെയാണ്‌...

പിന്നെ വിരളിലെണ്ണാന്‍ പറ്റത്ത അത്രേം ഫോബിയകള്‍ എനിക്കുണ്ടെന്ന് മനസ്സിലക്കി തന്നത്‌, നമ്മള്‍ കാശ്‌ അങ്ങോട്ട്‌ കൊടുത്ത്‌ സ്വയം മാനസ്സികവും ശാരിരികവുമായ പീഡനങ്ങള്‍ എറ്റുവങ്ങുന്ന ഇടമായ അമ്യുസ്‌മന്റ്‌ പര്‍ക്കുകളാണ്‌!!! അവിടെയില്ലത്ത ഫിസിക്സ്‌ വല്ലതുമുണ്ടോ???? പണ്ട്‌ കുറേ അനുഭവങ്ങള്‍ ഉണ്ടായിട്ടുള്ളതാണ്‌... എന്നാലും പഴയ ഞാന്‍ ആണോ ഇതു.. അല്ലേ അല്ല.... എന്റെ തലയില്‍ ഇപ്പോ മൊത്തം സൊഫ്റ്റ്‌വേയര്‍ ഡവലപ്പ്‌മന്റ്‌ ആണെന്നഹങ്കരിച്ച്‌... 'ഞാന്‍ ആദ്യം... ഞാന്‍ അദ്യം ...എന്ന് പറഞ്ഞ്‌ ചെന്ന് കയറി കൊടുത്തു, "ഫ്രീ ഫോള്‍!!!" ...സംഭവം എന്തന്നു വെച്ചാല്‍, അദ്യം ഒരു 6-7 നില പൊക്കത്തില്‍ കൊണ്ട്‌ പോയി തഴേക്കിടും... പിന്നെ ഒരു 10-15 നില പൊക്കത്തില്‍ നിന്നു താഴേക്കിടും.... അത്രേ ഉള്ളു ...സിമ്പിള്‍... താഴേ വീഴില്ലന്ന് ഉറപ്പ്‌ വരുത്തി, ആ സംഭവം പതിയേ മേലേക്ക്‌ പോകാന്‍ തുടങ്ങി... ഒരു 10 മീറ്റര്‍ ആയപ്പോഴേ എനിക്ക്‌ എന്റെ കഴ്ച നഷ്ടപെടുന്നതായി തോന്നി, പിന്നെ കണ്ണു തുറന്നതേയില്ല... പകുതി ഉയരം എത്തിയപ്പോല്‍, ഒട്ടകണ്ണിട്ട്‌ ഒന്ന് നോക്കി... ദേ കിടക്കണ്‌ നമ്മുടെ ബംഗാള്‍ ഉള്‍കടല്‍!!! അതോന്ന് കണ്ട്‌ ആസ്വദിക്കന്‍ അവരെന്നെ വിട്ടില്ല, ഞൊടിയിടയില്‍ 'ഈ പ്രസ്ഥനം' നിലമ്പൊത്തി... കണ്ണില്‍ നിന്ന് പൊന്നിച്ച പറക്കുന്നു, തലയില്‍ നിന്ന് കിളി പറന്ന് പോകുന്നു എന്നൊക്കെ കേട്ടിട്ടേ ഉണ്ടായിരുന്നുള്ളു... താഴേ എത്തിയതും അവിടെ നിന്ന ചേട്ടനോട്‌ കരഞ്ഞ്‌ കേണപേഷിച്ചു.. 'പ്ലീസ്‌ എന്നെ വേരുതെവിടു...ഒരു അബദ്ദം പറ്റിപോയതാണ്‌.. ഇനി ഞാന്‍ ഈ സംസ്ഥാനത്ത്‌ പോലും കാലുകുത്തില്ല...!!' ഇല്ല അവരെന്നോട്‌ ഒരു ദയയും കാണിച്ചില്ല ... എക്സ്റ്റ്രീം പൊക്കത്തില്‍ കൊണ്ട്‌ പൊയി, ഒരു 30 സെക്കന്റ്‌ നിര്‍ത്തി. ഞാന്‍ പിന്നേം ഓട്ട കണ്ണീട്ടുനോക്കി ഇത്തവണ ശ്രീലങ്കയും LTTE നേതാവ്‌ പ്രഭാകരനേയും ഞാന്‍ ക്ലോസ്സപ്പില്‍ കണ്ടു.. പിന്നെ ഒന്നും ഓര്‍മ്മയില്ല...മുഖത്ത്‌ വെള്ളം വീണപ്പോഴാണ്‌, ഭൂമിയില്‍ ലാന്റ്‌ ചെയിതെന്ന് മനസ്സിലായത്‌... അവിടെ എനിക്ക്‌ വിനയായത്‌ ഹൈറ്റും ഗ്രാവിറ്റിയുമായിറ്റുന്നു.. വേണമെങ്കില്‍ പ്രഷറിനേയും (BP) പ്രതി ചേര്‍ക്കാം...

അഹങ്കാരം അവിടം കൊണ്ടൊന്നും തീര്‍ന്നില്ല... റോളര്‍കോസ്റ്ററില്‍ കയറി ഇരുന്നു, അടുത്ത്‌ വന്നിരുന്നത്‌ എന്റെ ക്ലാസ്സ്‌മേറ്റ്‌, ഭരണി, ഭരണീധരന്‍!!!പേരു 'ഭരണി' എന്നാണെങ്കിലും അവനേയും നീര്‍കോലിയേയും Bodybuilding Contestനു അയച്ചാല്‍ നീര്‍ക്കോലിക്ക്‌ ഒന്നാം സമ്മാനവും ഇവനു ചേന്നതിന്റെ പേരില്‍ അഹാരത്തിനുള്ള വകയും കൊടുത്ത്‌ വിടും, അതാണ്‌ കോലം...റോളര്‍കോസ്റ്റര്‍ പതിയേ നീങ്ങാന്‍ തുടങ്ങിയപ്പൊയേ... പാവം ഭരണി 'എനക്ക്‌ നെഞ്ച്‌ വലിക്കിത്‌' എന്ന് രസഹ്യമായിട്ട്‌ പറഞ്ഞു, എനിക്ക്‌ പിന്നെ തമിഴില്‍ അശ്വസിപ്പിക്കാന്‍ അറിയാത്തതു കാരണം,ഒരു ചിരി പാസാക്കി!!! റോളര്‍കോസ്റ്റര്‍ അതിന്റെ മരണപാച്ചില്‍ പകുതിയായപോള്‍ ഒരു 8-10 മിറ്റര്‍ പൊക്കത്തില്‍ ചെരിച്ച്‌ 90 ഡിഗ്രീ ആങ്കിളില്‍ കുറച്ച്‌ secകള്‍ നിര്‍ത്തിയിട്ടു, അന്നേരത്താണ്‌, ന്യുട്ടന്‍ ഗുരുത്വാകര്‍ഷണത്തിനെ പറ്റി പറഞ്ഞതെല്ലം സത്യമായിരുന്നെന്ന് എനിക്ക്‌ പൂര്‍ണ്ണ ബോധ്യം വന്നത്‌!!! എന്നെ അവിടെ ഒരു 10 sec കൂടി തലയും കുത്തി ഇട്ടിരുന്നെങ്കില്‍ Tin2's Law of Gravity ന്നും പറഞ്ഞ്‌, നമ്മുടെ മക്കള്‍ പഠിക്കുമായിരുന്നു , താഴെ എത്തിയതും, 'നാന്‍ സാകലയാ???' എന്ന ഭരണീയുടെ ദിനരോദനമാണ്‌ കേട്ടത്ത്‌...

അവിടം കൊണ്ടൊന്നും തീര്‍ന്നില്ല... ലിഫ്റ്റ്‌.!!! എസ്കലേറ്റര്‍ !!! അങ്ങനെ പലരൂപത്തിലും ഫിസിക്സ്‌ എന്നെ റ്റോര്‍ച്ചര്‍ ചെയിതുകൊണ്ടിരിക്കുന്നു...എഴുതാന്‍ തുടങ്ങിയാല്‍ part 1, part 2 എന്ന് പറഞ്ഞ്‌ പോകും.. .. ബോറടിപ്പിക്കുന്നില്ല...

The തല്ലുകൊള്ളി Returns- റേബയും ഞാനും...

2009-02-11T00:06:00.000-08:00

പതിവു പോലെ മൂട്ടിലു തീ പിടിച്ചതു കണക്ക്‌ ബേജാറായി, ബാബേജ്‌ ചേട്ടന്റെ മോളുടെ മുഖത്ത്‌ നോക്കി അവിടെയും ഇവിടെയും ക്ലിക്‌ ചെയിത്‌ കുത്തിയിരിക്കുപോഴാണ്‌...

അമ്മ..." റ്റിന്റുവേ ഒന്ന് എണിറ്റ്‌ വന്നേ, ഇതാരോക്കെയാ വന്നേക്കണതെന്ന് നോക്കിയേ"

ഹോ എന്നെ ഒരിടത്തിരിക്കാന്‍ സമ്മതിക്കതെ ആരാണവോ... അങ്ങും എങ്ങും എത്താത്ത എന്റെ കാര്‍കൂന്തലിനെ പിടിച്ച്‌ പോണി കെട്ടി, എണിട്ട്‌ ചെന്നു.... കസിനും ഭാര്യയും, രണ്ടു പേരുടെയും പിന്നില്‍ ഒളിച്ചൊളിച്ച്‌ നാണം കുണുങ്ങി , ജോയലും...അവനെ എലികുഞ്ഞു കണക്കിരുന്നപ്പോ കണ്ടതാ, പിന്നെ കാണുന്നത്‌ ഇപ്പോഴാണ്‌.

നാട്ടുകാരുടെയും ബന്ധുകളുടെയും മുന്നില്‍ ഞാന്‍ വിനയകുനീനയും മിതഭാഷിയും എക്സ്ട്രാ ഡീസന്റും ആണെന്ന് പണ്ടെപ്പോഴോ പറഞ്ഞിട്ടില്ലേ,ഹോ എനിക്കു എന്നെ കുറിച്ചോര്‍ത്ത്‌ അഭിമാനം തോന്നി... ഇത്രയയും വിനയവും ആദിത്യമര്യാതയുമുള്ള ഞാന്‍...!!! നല്ല മൂഡില്‍ ആണെകില്‍ എനിക്കു പറ്റിയത്‌ വെല്ലോ ഫ്രണ്ട്‌ ഓഫീസ്‌ പണിയോ, എയര്‍ ഹോസ്റ്റസ്‌ പണിയോ ആണു, കലിപ്പ്‌ മൂഡ്‌ ആണെകില്‍ പിന്നെ പറയണ്ട, ഒസാമ ചേട്ടന്റെ തീവ്രവാദി ക്യാമ്പില്‍ നോക്കിയാല്‍ മതി.

കസിനു ഒരു മോളും കൂടെ ഉണ്ടെന്ന് അമ്മ എപ്പോഴോ പറഞ്ഞത്‌ അപ്പോഴാണ്‌ ഓര്‍ത്തത്‌,റബേക്ക. പഠിച്ച്‌ മലമറിക്കന്‍ നാടുവിട്ടതു കാരണം കുടുംബത്തിലെ കുറേ പുതിയ അഥിതികള്‍ എനിക്കിപ്പോഴും അപരിചിതരാണ്‌...

ദേ വരുന്നു....തറയില്‍ കിടന്ന് ഇഴയുന്ന ഗാഗ്രാ ചോളി യും അവളുടെ ഇരട്ടി നീളമുല്ല ഷോളും രണ്ടുകൈയ്യിലും നിറച്ച്‌ സ്റ്റീല്‍ വള ഒക്കെ ഇട്ടു കൈയ്യില്‍ ഒരു ബാര്‍ബി പെണ്ണിനെയും പിടിച്ച്‌ ഒരു സുന്ദരി കുട്ടി.വാതില്‍കല്‍ നിന്ന എന്നെ ഒരു പുഛത്തോടെ നോക്കിയിട്ട്‌ പപ്പയുടെ മടിയില്‍ കയറി ഇരുന്നു. കുട്ടികള്‍ക്കു രണ്ടാള്‍ക്കും അമ്മയേയും റ്റിറ്റുവിനേയും അറിയാം, എന്നെ ആണു ഒരു പിടിയുമില്ലാത്തത്‌. ചേട്ടന്‍ രണ്ടു പേരോടുമായി " ഇതാരന്ന് അറിയോ????"... ഏതാ പപ്പ , ഈ ജീവി???? എന്ന ഭാവത്തില്‍ രണ്ടു പേരും പപ്പയെ നോക്കി...

"ഇതു റ്റിന്റുവാന്റി"!!! ചെക്കന്റെ മുഖത്ത്‌ പിന്നെയും ഒരു തെളിച്ചമുണ്ട്‌, പെണ്‍കൊച്ചിനു എന്നെ തീരെ പിടിച്ചിട്ടില്ല...

"റേബക്ക്‌ homely പെണ്ണുങ്ങളെയാ ഇഷ്ടം..." ചേച്ചി പുഛത്തിന്റെ രഹസ്യം വെളിപ്പെടുത്തി ...

ആഹാ... ചുമ്മതല്ല കൊച്ച്‌, മുക്കാല്‍ കാല്‍സറായിയും ടി ഷര്‍ട്ടും വലിച്ചു കേറ്റി നിന്ന എന്നെ ഒരു അപലക്ഷണം പിടിച്ച നോട്ടം നോക്കിയത്‌!!!.. 'മോളേ .. ഇതെല്ലാം വെറും പുറം മോടീ മാത്രമാ... ആന്റി തറയാ... I mean down to earth!!! നേരുത്തേ അറിയിച്ചിരുന്നെങ്കില്‍ ഞാന്‍ കുളിച്ച്‌ കസവു സാരി ഒക്കെ ഉടുത്ത്‌ തലയില്‍ തുളസി ചെടിയും വെച്ചിട്ട്‌ നില്‍കുമായിരുന്നല്ലോ...... മൊട്ടയില്‍ നിന്നു വിരിഞ്ഞിട്ടില്ല , അവളുടെ ഒരു ഹോമ്‌ലി കമ്പം'...mute ല്‍ അവള്‍ക്കൊരു warning കൊടുത്തു...

ഒത്തിരി നാളുകള്‍ക്ക്‌ ശേഷം കാണുവല്ലേ , ചേട്ടനും ചേച്ചിയും കൂടെ ചോദ്യശരങ്ങളുടെ ഭണ്ഢാരം തുറന്ന്, ചങ്കില്‍ കൊല്ലുന്ന നാലഞ്ച്‌ ചേദ്യങ്ങള്‍ എടുത്ത്‌ എന്റെ നെഞ്ചത്തോട്ട്‌ എയിതു വിട്ടു, അതെല്ലാം ഞാന്‍ റിസ്സിഷന്റെ തലയിലോട്ട്‌ ഫോര്‍വേര്‍ഡ്‌ ചെയിതു വിട്ടു..പിന്നല്ല !!!... നമുക്കും ജീവിക്കണ്ടേ??? കൂടുതല്‍ നേരം അവിടെ നിന്നാല്‍ ശരിയാകില്ല... ഐ റ്റി കമ്പനികള്‍ ജീവനക്കരെ പിരിച്ചു വിടുന്നതിനും സ്വര്‍ണത്തിനു വില കൂടിയതിനും ഒക്കെ, പാവം ഞാന്‍ സമാധാനം പറയേണ്ടി വരും...

പിന്നെ ഒട്ടും താമസ്സിച്ചില്ല, കുട്ടികളെ വളക്കാനുള്ള വഴി അലോച്ചിച്ചു... അല്ലാങ്കിലും നാട്ടിലെ എന്റെ ആരാധകര്‍ ഒക്കെ 5 വയസിനു താഴെ ഉള്ളവരാണ്‌... എന്തായാലും കണ്ണും കലാശവും കാണിച്ചു റേബയെ ഞാന്‍ വളച്ചു...ഇച്ചിരി കൊച്ചുവര്‍ത്തമാനം ഒക്കെ പറഞ്ഞ്‌ എടുത്ത്‌ ഒക്കത്ത്‌ വേച്ചതും പുള്ളികാരി എന്നെ ആകെ ഒന്നു നോക്കിട്ട്‌... ഒരു ചോദ്യങ്ങള്‍ ചോദിക്കാന്‍ തുടാങ്ങി

"റ്റിഞ്ചുവാന്റിക്കു ലിറ്റില്‍ ഹെയറേ ഉള്ളോ?????".."മോള്‍ടെ ഗാഗരാ ഞല്ലതാണോ???".. "തൊട്ടുനോക്കിക്കേ, മോള്‍ടെ ഹെയര്‍ ശില്‍ക്കിയാണോ???"... അഹാ ഇതു ഒരു നടക്ക്‌ തീരില്ല... ഒരോരോ ചോദ്യങ്ങളേ... കഷ്ടിച്ച്‌ 3 വയസാകുന്നതേ ഉള്ളു, പക്ഷേ ഓടുക്കത്തെ ബ്യുട്ടികോണ്‍ഷ്യസ്‌!!!, ഇവളോക്കെ വളര്‍ന്ന് വട വൃക്ഷം ആകുമ്പോള്‍ ഒരു മിനി പാര്‍വതി ഓമനകുട്ടി! ആകാനുള്ള സാധ്യത തള്ളികളയാനാവില്ല... ഇപ്പോ തന്നെ ആള്‍ ഒരു സഞ്ചരിക്കുന്ന ഫാന്‍സി ഷോപ്പാണ്‌... ഞാനും ഇങ്ങനെ ആയിരുന്നു, ഒരു ബോക്സ്‌ നിറച്ച്‌ ലൊട്ടുലൊടുക്ക്‌ സാധനങ്ങള്‍ ഉണ്ടായിരുന്നു... മാല..പല നിറത്തിലുള്ള വളകള്‍... പൊട്ട്‌... അന്നോക്കെ ഒരോ സംഭവങ്ങള്‍ വാങ്ങി തരുമ്പോള്‍ എന്തായിരുന്നു സന്തോഷമെന്നോ...ആദ്യമായിട്ട്‌ പട്ടുപാവട ഇട്ട ദിവസം മറക്കാന്‍ പറ്റില്ല... അന്ന് ഞാന്‍ ഒരുടത്ത്‌ ഇരുന്നതേ ഇല്ല... ഡ്രസ്സ്‌ വാങ്ങുമ്പോള്‍ എന്തെങ്കിലും എക്സ്ട്രാ ഫിറ്റിങ്ങ്സ്‌ ഉണ്ടെങ്കില്‍ വലിയ സന്തോഷമായിരുന്നു... ഒരു കാലത്ത്‌ ഷോളിടുക എന്നത്‌ എന്റെ സ്വപനമായിരുന്നു.. ഇപ്പോഴോ, ഈ ഒഴിയാബാധയെ എങ്ങനെ ഒഴുപ്പിച്ച്‌ വിടാം എന്നാ അലോചിക്കുന്നത്‌...

പിന്നെ ഉണ്ടായിരുന്ന ഒരു ക്രെയിസ്‌ സാരി ഉടുക്കലായിരുന്നു. എന്റെ ഓര്‍മ്മ ശരിയാണെങ്കില്‍ UKG ല്‍ പഠിക്കുമ്പോഴാണ്‌ എന്റെ സാരി ഉടുക്കല്‍ മാമാങ്കത്തിനു നാനികുറിച്ചത്‌... അമ്മയുടെ കണ്ണു വെട്ടിച്ച്‌ സാരി ഉടുക്കാന്‍ കിട്ടിയിരുന്ന ഒരു ചാന്‍സും ഞാന്‍ പാഴാക്കിയിരുന്നില്ല... അമ്മ സാരി ഉടുക്കുന്നത്‌ വായും പോളിച്ച്‌ നോക്കിയിരുന്നിരുന്നതില്‍ നിന്നു കിട്ടിയ ഓവര്‍ ആത്മവിശ്വസത്തിന്റെ പുറത്താണ്‌ ആകെ മൂന്ന് ചാണ്‍ നീളമുണ്ടായിരുന്ന ഞാന്‍ ആ അഞ്ച്‌ അഞ്ചര മീറ്റര്‍ സാരിയെടുത്ത്‌ ചുറ്റിയത്‌ , അഞ്ച്‌ ആറു ചുറ്റ്‌ ചുറ്റിയാലും പിന്നേം കിടക്കും ഒരു മൂന്ന് നാലു മീറ്റര്‍... പണ്ട്‌ ദുശാസനന്‍ ചേട്ടന്‍ പാഞ്ചാലി ചേച്ചിയുടെ സാരിയില്‍ പിടിച്ച്‌ വലിച്ചപ്പോല്‍ മീറ്റര്‍ മീറ്റര്‍ കണക്കിനു നീണ്ട്‌ വന്നതു പോലെ വാല്ല ടെക്നിക്ക്കും ആണോ ആന്ന് അവിടേ സംഭവിച്ചത്‌? സാരിയുടെ വീതി എന്റെ പൊക്കത്തിനെകാളും കൂടുതാലായിരുന്നതു കൊണ്ട്‌, എല്ലാം കൂടി എന്റെ കുഞ്ഞി എലാസ്റ്റികുള്ള പാവാടക്കുള്ളില്‍ തിരുകി നിറച്ച്‌, ബക്കി ഉള്ളതും കൂടി ചുറ്റി,തോളിലും കൂടി ഇട്ടു കഴിയുമ്പോള്‍ എന്നെ കണ്ടാല്‍ മാസം തികഞ്ഞ പെന്‌ഗ്വിനെ പോലിരിക്കും...എല്ലാം കൂടി ചുറ്റിയിരിക്കുന്നത്‌ കാരണം നടപ്പും പെന്‌ഗ്വിന്‍ കണക്ക്‌... തീര്‍ന്നില്ല..ഷോളോ അല്ലെങ്കില്‍ തോര്‍ത്തോ , ഒരു ഡസന്‍ ഹെയര്‍ പിനിന്റെ സഹയത്തോടേ എന്റെ മൊട്ടതലയില്‍ മുടിയായി ഫിറ്റ്‌ ചെയിത്‌ മലര്‍ത്തി പിടിച്ചാല്‍ കണ്ണടച്ചിരുന്ന മഞ്ഞ മുടിയുള്ള ഫ്രോക്കില്ലത്ത എന്റെ അന്ധ പാവകുട്ടിയെയും ഒക്കത്ത്‌ വെച്ച്‌ നടക്കലായിരുന്നു ഒരു പ്രധാന വിനോദം... ഫ്രോക്ക്‌ ആദ്യത്തെ ആഴ്ചതന്നെ കാലാപുരിക്ക്‌ അയക്കും , പിന്നെ.. കണ്ണ്‍.. ഇന്ത്യയില്‍, ഈ എന്റെ കൂടെ ജീവിക്കന്‍ പോകുന്ന ഇവള്‍ക്കെന്തിനാ നീല കണ്ണ്‍??? എനിക്ക്‌ ഇന്‍ഫീരിയോറിട്ടി കൊമ്പ്ലെക്സ്‌ വരുത്താനോ???? അതിന്റെ പ്ലാസ്റ്റിക്‌ കണ്‍പീലിയില്‍ പിടിച്ച്‌ ഒറ്റ വലി , നേത്രശസ്ത്രക്രിയ കഴിഞ്ഞു, നീല കണ്ണ്‍ പിന്നെ അവളുടെ ഓട്ട തലയില്‍ ഓടികളിക്കും, പോരാഞ്ഞിട്ട്‌ അവള്‍ക്ക്‌ എന്നെ കട്ടിലും നീളത്തില്‍ സില്‍കി മുടി, അതു ഞാന്‍ എങ്ങനെ സഹിക്കും???? കത്രിക കയ്യില്‍ കിട്ടുമ്പോഴോക്കെ മുടി റ്റ്‌റിം ചെയിതു റ്റ്‌റിം ചെയിത്‌ അവസാനം ഗള്‍ഫ്‌ ഗേറ്റിനു പോലും രക്ഷിക്കന്‍ പറ്റാത്ത തരത്തിലക്കും അവളുടെ തല... നമ്മളെ കൊണ്ട്‌ ഇത്രയൊക്കെ പറ്റു ...

റേബ ബാര്‍ബിയെ നെഞ്ചോട്‌ ചേത്ത്‌ പിടിച്ചിരുന്നത്‌ കണ്ടപ്പോള്‍ എനിക്ക്‌ എന്നെ തന്നെയാണ്‌ ഓര്‍മ്മവന്നത്‌...മടിയിലിരുത്തി അവളുടെ സമപ്രായക്കരിയായി ഫേഷ്യല്‍ എക്സ്പ്രഷന്‍സും സൗണ്ട്‌ എഫക്റ്റും ഒക്കെ കൊടുത്ത്‌ അവളുടെ കുഞ്ഞ്‌ കുഞ്ഞ്‌ വല്യ കാര്യങ്ങള്‍ കെട്ടിരുന്ന്,രണ്ടു കൈയ്യിലും നെയില്‍ പോളിഷ്‌ ഒക്കെ ഇട്ടു കൊടുത്തപ്പോള്‍, ആ മുഖത്തെ ഒരു സന്തോഷം കാണേണ്ടതായിരുന്നു... പോകാന്നേരം റ്റിഞ്ചുവാന്റിക്ക്‌ ഒരു സ്പെഷ്യല്‍ ഉമ്മയും പത്തിരുപത്‌ ഫ്ലയിംഗ്‌ കിസ്സും തന്നിട്ടാണ്‌ അവളു പോയത്‌...

ചുമ്മാ... എഴുതണം എന്ന് തോന്നിയപ്പോള്‍ എഴുതിയതാണ്‌, കൊച്ചുത്രേസ്യയോട്‌ ആരാണ്ടോ ചോദിച്ചാത്‌ പോലെ ആരും ഇതിലെ ഗുണപാഠം ഒന്നു ചോദിച്ചേക്കല്ലേ... പാവം തല്ലുകൊള്ളിയല്ലേ... :D

ഒരു ദിവസം

2009-02-01T00:03:00.000-08:00

ഇടക്കിടക്കുള്ളതാണ്‌ ഈ ലൂസ്‌ കണ്ട്രോള്‍...

തല്ലുകൊള്ളിക്കു ഉള്ള ശത്രുകള്‍ ഒക്കെ ഈ നേരത്ത്‌ മുന്നില്‍ വന്നു ചാടുന്ന സാധുക്കളാണ്‌.സംഹാരതാണ്ഢവം കഴിയുമ്പോള്‍ എന്റെ തലയില്‍ ഇടിതീ വീഴാന്‍ പ്രര്‍ഥിച്ചിട്ടേ അവരു പോക്കു... സന്തോഷം വരുമ്പോള്‍ ചിരിക്കണം, സങ്കടം വരുമ്പോള്‍ കരയണം, അല്ലണ്ട്‌ എന്തു വികാരം വന്നലും മസ്സില്‍ പിടിച്ചിരുന്ന് നാട്ടുകരുടെ മെക്കിട്ടു കേറിയാല്‍,നാട്ടുകാരു ഉലക്കക്കടിച്ചു കൊല്ലും...ഒരിക്കല്‍ ...'ഇവളെ ഞാാാാാാാാാാാാാാാന്‍...." എന്നു അലറികൊണ്ട്‌ ആകെ 27 പല്ലുള്ള എന്റെ "32 പല്ലും അടിച്ചു ഞാന്‍ താഴേ ഇടും" എന്ന് അലറി കൊണ്ട്‌ വന്ന ലുട്ടു... എല്ലാം വന്‍ തെറ്റിധാരണയുടെ പുറത്താണെന്ന് അറിയുന്ന സ്മിതയാണ്‌ അന്നു എന്നെ രക്ഷിച്ചത്‌. അല്ലായിരുന്നെങ്കില്‍ 27 പല്ലും ഞാന്‍ അന്നു തൂത്തു കൂട്ടേണ്ടി വരുമായിരുന്നു!!!മനസ്സുവായിക്കനുള്ള കുന്ത്രാണ്ടം കണ്ടുപിടുക്കുന്നവരെ 'ഉള്ളതു ഉള്ളതു പോലെ പറയേണ്ടവരോട്‌ പറഞ്ഞാല്‍ നിനക്കു കൊള്ളാം' എന്നൊരു ഉപദേശം ഞാന്‍ അന്നു എനിക്കു തന്നെ ഫ്രീ അയിട്ടു കൊടുത്തു... എന്നിട്ടും വര്‍ഷങ്ങള്‍ പലതും കഴിഞ്ഞിട്ടും ഞാന്‍ നന്നായില്ലെന്നതു ഒരു നഗ്നസത്യം!!! Shanker is still on coconut tree!!!

എന്നെ മാത്രം ബാധിക്കുന്ന കുറച്ചു തല്ലുകൊല്ലിത്തരങ്ങള്‍ കൈയ്യില്‍ ഉണ്ടെങ്കിലും,മനസ്സലിവും ആത്മാര്‍ത്ഥതയുമാണ്‌ പലപോഴും എനിക്കു തന്നെ വിനയായിട്ടുള്ളത്‌... ഇടക്ക്‌ ജാസ്‌ പറയാറുണ്ട്‌... എടീ, കിട്ടിയതോക്കെ വെച്ച്‌ പഠിക്കണം അല്ലതെ വെല്യ യേശുക്രിസ്തു അകാന്‍ പോകരുത്‌.. നാട്ടുകരു നിന്നെയും പിടിച്ച്‌ കുരുശില്‍ തറക്കും..." ബുഹഹഹഹ ചന്തുവിനെ തോല്‍പിക്കനവില്ല മക്കളേ!!!" എന്ന് പറഞ്ഞ്‌ ജാസിന്റെ കൈയ്യില്‍ നിന്നു മുതുകിനു നല്ല 2 ഇടിയും വാങ്ങി അന്നു :( ...

എന്റെ സമ്പത്തു, എന്നിലെ എന്നെ മനസ്സിലാക്കുന്ന എന്റെ സുഹൃത്തുകള്‍ തന്നെയാണ്‌...

കുറച്ചുവര്‍ഷങ്ങളായി എന്റെ അത്മമിത്രങ്ങള്‍, ചാള്‍സ്‌ ബാബേജ്‌ ചെട്ടന്റെ എകപുത്രിയും,പിന്നെ അവളുടെ ഒരു ഇളയ ആങ്ങള ഹെഡ്‌ഫോണുമാണ്‌. കര്‍ണനു കവചകുണ്ഢലം പോലെയാണ്‌ എനിക്കു ഹെഡ്‌ഫോണ്‍,100 മീറ്റര്‍ ദൂരെ നില്‍കുന്നവര്‍ കൂടി വന്ന് " ആ സ്പീകര്‍ ഒന്നു ഓഫ്‌ ചെയ്യോ?" എന്ന് യാചിച്ചിട്ടുണ്ട്‌...

മൂഡ്‌ ഓഫായിരിക്കുമ്പോള്‍ ഞാന്‍ സാധാരണ മനുഷ്യരെ പോലെ 'എകാന്തതയുടെ അപാരതീരം" കേട്ട്‌ എരി തീയില്‍ എണ്ണയോയിക്കറില്ല... പകരം എന്റെ മനസ്സ്‌, മിന്നരത്തില്‍ ജഗതി അംബുലന്‍സില്‍ കിടന്ന് യാചിക്കുനതു കണക്ക്‌ " ആ നിലവിളി ശബ്ദമിടോ" എന്നു ദയനീയമായി ചോദിക്കും .. പിന്നെ തുടങ്ങുകയായി metal...rap...pop...rock...electronic...hip hop.. എന്റെ പാവം ചെവി.." എന്റെ ദൈവമേ ഞാന്‍ എന്തു പാപം ചെയിതിട്ടാണ്‌ എന്നെ നീ ഇവളുടെ തലയില്‍ ഫിറ്റ്‌ ചെയിതു വിട്ടതു???!!!" എന്ന് വിലപിക്കുന്നുണ്ടാവണം... ആകാശം ഇടിഞ്ഞു തലയില്‍ കൂടി വീണാലും അറിയാന്‍ പാടില്ലന്ന ഒരു ഉദ്ദേശം മാത്രമേ എനിക്കുള്ളു, അല്ലതെ ആ നിലവിളിയും ബഹളവും എനിക്കു മനാസിലകുന്നതു കൊണ്ടല്ലന്ന് നിങ്ങളോട്‌ ഞാന്‍ പ്രത്യേകം പറയേണ്ടതില്ലല്ലോ....

അങ്ങനെ പോകുമ്പോഴാണ്‌, കുറച്ച്‌ ദിവസം മുന്നെ, ഞാനും ചള്‍സ്‌ ബാബേജ്‌ ചേട്ടന്റെ മോളും തമ്മില്‍ 'അടിച്ചുപിരിഞ്ച്‌!!!' അവളും അവളുടെ ഒരു വേര്‍ഡ്‌ വൈഡ്‌ വെബും... @$%&*@# .. നീ പോടീ, നീ പോയാല്‍ എനിക്കു പുല്ലാണ്‌, എനിക്കു ടി വിയും, ഏഷ്യാനെറ്റ്‌ കമ്യുണികേഷന്‍സിന്റെ കണക്ഷനുമുണ്ട്‌.. Get Lost!!!...

അവളു വിട്ടില്ലാ.." നീ വരുമെടി വരും.... നിനക്കിനി ആകെയുള്ള ബ്ലോഗ്ഗും ചുവപ്പും പച്ചയും ഓറഞ്ചും ഒക്കെ എന്റെ കൈയ്യിലാണ്‌ മോളേ..."

"ഇല്ലടി ഇല്ലാ.. എന്റെ കൊക്കിനു ജീവനുണ്ടെങ്കില്‍ ഞാന്‍ നിന്നെ തിരിഞ്ഞു നോക്കില്ല!!!".

ടി വി യോടൊന്നും മിണ്ടീം പറഞ്ഞിരുന്നിട്ട്‌ വര്‍ഷങ്ങളാകുന്നു, അതു വഴി പോകുമ്പോ ഒന്നു നോക്കി ചിരിക്കും അത്ര തന്നെ.ഒരു കലത്ത്‌ ഞങ്ങള്‍ thick friends ആയിരുന്നതാണ്‌. ബാബേജ്‌ ചേട്ടന്റെ മോളെയും കൊണ്ട്‌ ഹോസ്റ്റലില്‍ പോയതോടെ ഇവളേ ഞാന്‍ തിരിഞ്ഞു നോക്കിയിട്ടില്ലാന്നു തന്നെ പറയാം. പക്ഷേ ഞാന്‍ കരുതിയതു പോലെ ആ പണ്ടാരകാലി എന്നെ രണ്ടു കൈയ്യും നീട്ടി സ്വീകരിച്ചില്ല!!!തപ്പി തടഞ്ഞ്‌ സ്വിച്ചിട്ട, എന്റെ ചെകിട്ടത്‌ ഒറ്റ ഒന്ന് പൊട്ടിച്ചു, വേറേ ഒന്നും അല്ല, ഒരു കണ്ണുനീരിന്റെ കഥയുള്ള മുന്നാം പക്കത്തിലെ..." ഉണരുമീ ഗാനം.. ഉരുകുമെനുള്ളം..."... വഞ്ചകി....ഈ ചതി നിയേന്നോട്‌ ചെയ്യണ്ടായിരുന്നു...എവിടെടി നിന്റെ റിമോട്ട്‌????? പാട്ടു മുക്കാല്‍ ഭാഗം ആയപോള്‍ ഞാന്‍ അതിനെ അടുക്കളയില്‍ നിന്നു കണ്ടേടുത്തു, അമ്മ രാവിലെ കൊണ്ട്‌ നടന്നതാണ്‌. അതിനെ കൊണ്ട്‌ വന്ന് അഹങ്കാരി ടി വി യുടെ മുന്നില്‍ നിന്ന് കുത്തോട്‌ കുത്തു കുത്തി, കഷ്ടം വീക്കയാ ബറ്ററിയും വയറ്റില്‍ ഇട്ടോണ്ട്‌ കിടന്ന ഇവനെ ആണോ കര്‍ത്തവേ ഞാന്‍ ഈ കുത്തു അത്രേം കുത്തിയത്‌, എന്തായലും പാട്ടു തീര്‍ന്നു, എന്റെ മൂഡും പോയി കിട്ടി...

കട്ടിലില്‍ പോയി ചുരുണ്ടുകൂടി കിടന്നു... ഓര്‍മ്മകള്‍...എന്റെ മൊബൈല്‍... ഇടക്ക്‌ എന്നെ മോട്ടിവേറ്റ്‌ ചെയിതിരുന്ന, ഞാന്‍ കാത്തിരുന്നിരുന്ന..."... Take Care റ്റിന്റ...." മെസ്സേജസ്‌...അല്‍ഷിമേര്‍സ്‌ രോഗികളോട്‌ അസൂയ തോന്നിയ ഒരു നിമിഷം...

എന്നെ തേടി ഒരു കോള്‍ കൂടി

രണ്ട്‌ ദിവസമായി ഒരു അനക്കവും ഇല്ലതിരുന്ന എന്നെ അന്വേഷിച്ച്‌ ഒരു കോള്‍,ലിയും ഷെറോണും... കൊണ്‍ഫറന്‍സ്‌ കോള്‍

ലിയ "എന്നടീീീ പണ്ണീ ഉനക്ക്‌??? പ്രച്ചനയാാ??????"

"ഇല്ലടി... എങ്കയാവത്‌ ഓടി പോണം പോലിര്‍ക്ക്‌"

എന്റെ അല്ലേ കുട്ടുകാരി അടുത്ത ചോദ്യം ..

"കാസ്സിരിക്കാടീ???? നാനും വാറട്ടാാ...???".... ബുഹഹഹഹ

ഷെറോണ്‍ ...മേ ഭി വഹി സോച്‌ രഹി ധി...

ഒഹോ.. രണ്ടും കൂടെ എന്റെ ചിലവില്‍ ഒളിചോടാന്‍ വിളിച്ചതാണല്ലേ!!! അല്ലെങ്കിലും ഭാഷാ ദേശ വ്യത്യാസമില്ലതെ ഒരുമിച്ച്‌ ഡിപ്രസ്സ്ഡ്‌ ആകുന്ന 3 ആത്മാകള്‍ ആണു ഞങ്ങള്‍...സംഭവം അതു തന്നെ... When heart stops and head starts thinking.... എല്ലവരെ പോലെയും സാമ്പത്തിക മാന്ദ്യം തന്നെ ആണു ഞങ്ങള്‍ക്കും ഇട്ടു പണിഞ്ഞത്‌...

സംഭവിച്ചതെല്ലം നല്ലതിനു...എങ്ങാനും ഈ സാമ്പത്തിക മാന്ദ്യം 2 വര്‍ഷം വൈകിയിരുന്നെങ്കില്‍, മൂന്നിനേയും വല്ലോ ബാങ്കുകാരുടെ ഗുണ്ടകളും തട്ടികൊണ്ട്‌ പോകുമായിരുന്നു.സ്വപ്നം കാണാന്‍ tax കൊടുകണ്ടയിരുന്നല്ലോ...

ഓരോ നിമിഷവും ഇഴഞ്ഞു നീങ്ങുവാണോന്ന്,തോന്നിപോയി...

നേരം ഇരുട്ടി തുടങ്ങി... എന്റെ വട്ടുക്കളില്‍ ഒന്നാണ്‌ ആകാശം നോക്കി കിടക്കല്‍... പക്ഷേ ഇത്തവണ ആകാശവും എനിക്കിട്ടു പണിഞ്ഞു... Dec 1st നു smiley moon കണ്ട അതേയിടത്ത്‌,ദേ നില്‍കുണു ചന്ദ്രന്‍ ചേട്ടന്‍ ജുപ്പിറ്റരോ വിനസോ, ആരാന്നു അറിയില്ല അന്നുണ്ടായിരുന്നതില്‍ ഒരാളുമവിടെ ഉണ്ട്‌...

ഞാന്‍ ഇടക്ക്‌ ആഗ്രഹിക്കാറുള്ള ഒരു കാര്യമുണ്ട്‌.. എന്താന്നോ.... ഒരു ഡിലീറ്റ്‌ ബട്ടണില്‍ ക്ലിക്ക്‌ ചെയ്യുമ്പോള്‍ കുറച്ച്‌ ഒര്‍മ്മകള്‍ ഡിലീറ്റ്‌ ആയി പോയിരുന്നെങ്കില്‍ എന്ന്...

:D

Caterpillar!!!

2009-01-11T23:59:00.000-08:00

"Just when the caterpillar thought the world was over, it became a butterfly...!!!"

തീറ്റയും കുടിയും മിണ്ടാട്ടവും ഒന്നുമില്ലതെ കട്ടിലും കമ്പ്യുട്ടറും ഞാനുമായി ദിവസങ്ങള്‍ തള്ളിനീക്കുന്നതിനിടെയാണ്‌, ഈ proverb മനസ്സിലേക്ക്‌ കയറി വന്നത്‌...

ഈ കാറ്റര്‍പ്പില്ലറിന്റെ ഒരു കാര്യം!!! പാവം.. ഞാനിപ്പം ചാകും ഞാനിപ്പം ചാകും എന്നും പറഞ്ഞ്‌,ടെന്‍ഷനടിച്ച്‌ മരിച്ചുജീവിച്ചുക്കാണും...ഹി ഹി ഹി

പണ്ട്‌ ഞങ്ങളുടെ വീട്ടില്‍ ഒരു അരളിചെടിയുണ്ടായിരുന്നു, അതില്‍ എത്‌ നേരത്ത്‌ നോക്കിയാലും ഒരു 10-15 കാറ്റര്‍പില്ലറും കാണും, അതിനെ കോലു കൊണ്ട്‌ കുത്തി താഴെയിട്ട്‌, കല്ലെടുത്ത്‌ അതിന്റെ മണ്ടയില്‍ കൂടിയിട്ടു കൊല്ലുക്ക, എന്റെയും റ്റിറ്റുവിന്റെയും പ്രധാന വിനേദമായിരുന്നു, ഹോ... അതു ഇങ്ങനെ ചത്ത്‌ കുടലും പണ്ടവും ഒക്കെ വെളിയില്‍ ചാടി കിടക്കണകാണുപോള്‍ എന്തൊരു ആത്മനിര്‍വൃതി ആയിരുന്നെന്നോ ഞങ്ങള്‍ക്ക്‌ !!! പാവം കറ്റര്‍പില്ലര്‍ എന്ത്‌ തെറ്റ്‌ ചെയിതിട്ടാണ്‌ ഈ ഭീക്കരാക്രമണം നേരിടേണ്ടിവന്നത്‌???? അതിന്റെ തീറ്റയും കുടിയും ജീവിതവുമായ അരളിചെടിയെ കൊണ്ട്‌ വീട്ടില്‍ വെക്കാന്‍ അതു പറഞ്ഞോ ??? പാവം അതു ആ അരളിചെടിയില്‍ ആരെയും ഉപദ്രവിക്കതെ ...ടാങ്ങ്‌... ടാങ്ങ്‌... ടാങ്ങ്‌ ... എന്ന് ഇഴഞ്ഞ്‌ നടന്ന് തിന്ന് ആര്‍മാദിച്ച്‌ ജീവിക്കുമായിരുന്നു.

ങാ.. കാറ്റര്‍പില്ലറിന്റെ കാര്യം പറഞ്ഞ്‌ തുടങ്ങിയപോഴാണ്‌, കഴിഞ്ഞ വര്‍ഷം നടന്ന ഒരു കുഞ്ഞ്‌ കാര്യം ഓര്‍മവന്നത്‌, കഥയിലെ നായിക , ജെയിന്‍,ദില്ലി സെറ്റില്‍ഡ്‌ മലയാളി...പുള്ളികാരി മലയാളം പറയുന്നതു കേട്ടാല്‍ കേള്‍ക്കുന്നവര്‍ തലതല്ലി ചിരിച്ചു മരിക്കും.. അവളുടെ 8X10 feet മുറിയാണ്‌ സംഭവസഥലം!!!Corporate meet നു വേണ്ടി പാട്ട്‌ പ്രാക്റ്റീസ്‌ നടക്കുന്നു, അതാണ്‌ സന്ദര്‍ഭം!!! ശനിയാഴച രാവിലെ ജെയിന്‍, ഞങ്ങളുടെ വാതിലു ചവട്ടി പൊളിച്ച്‌ എഴുനേല്‍പ്പിച്ചു.10 മണിയായപോഴേക്കും ഗായകരും, ഗിറ്ററും, കീബോര്‍ഡും ഒക്കെയായി പത്തു പതിനഞ്ചുപേരു ജയിനിന്റെ റുമില്‍ കുത്തി നെരുങ്ങി കയറി...അവളുടെ കട്ടിലിലും കബോര്‍ഡിലും,മേശപ്പുറത്തും മേശക്കടിയിലും ഒക്കെയായി ഞങ്ങള്‍ ഇരിപ്പുറപ്പിച്ചു... അന്നു പ്രാക്റ്റിസ്‌ ചെയ്യുന്ന പാട്ട്‌ Rebecca St James - Song of Love!!! ബുഹഹഹഹഹ... നാട്ടിലു കാക്കേ കാക്കേ ക്കുടെവിടെ പാടി വലര്‍ന്ന ഞാനാണ്‌...ആദ്യം പട്ടു കേട്ടപ്പോള്‍,ഓ...ഇതിത്രയേ ഉള്ളോ... ഞാന്‍ ഇതോക്കെ എത്ര കണ്ടേക്കണ്‌.... എന്നഹങ്കരിച്ചു...

പാടാന്‍ തുടങ്ങിയപോള്‍ മനസ്സിലായി, ഒക്സിജന്‍ സിലിണ്ടറും അടുത്ത്‌ വെച്ചിട്ട്‌, വേണം ആ അതിക്രമം കാണിക്കാന്‍ അല്ലെങ്കില്‍ ശ്വാസമുട്ടി ചാകും എന്ന്!!! പൊരാഞ്ഞിട്ട്‌ ജെയിന്‍ അവിടെ ഇരുന്നു, ഒച്ച്‌ തൊണ്ടയില്‍ നിന്നു വരട്ടെ, നെഞ്ചിന്നു വരട്ടെ, വയറ്റിന്നു വരട്ടെ, അടിവയറ്റിന്നു വരട്ടെ എന്നൊക്കെ പറയും... ഒഹോ... ഇങ്ങനെ ഒക്കെ ഒച്ചയുണ്ടാക്കാമല്ലേ??? അതെനിക്കു മനസ്സിലായതു അന്നാണ്‌... പാടുന്നതിനിടെ ജെയില്‍ എന്നെ അര്‍ത്ഥം വെച്ച്‌ നേക്കുന്നുണ്ടായിരുന്നു..., അവസാനം പാടി പാടി ഒരു പാത്രകട തുടങ്ങാനുള്ള വെള്ളിയും ചെമ്പും സ്റ്റീലും ഒക്കെ ആയപോള്‍ അവളുടെ കണ്ട്രോള്‍ പോയി...!!! എന്നെ നോക്കി ഒറ്റ കാറലു.. " പോയി ഗാര്‍ഗില്‍ ചെയിതിട്ടു വാടീ "... ആഹാ അത്രക്കയോ...എന്നാല്‍ പിന്നെ ഇത്‌ പാടി പണ്ടാരടങ്ങിട്ട്‌ തന്നെ ബാക്കി കര്യം.... ചൂട്‌ ഉപ്പുവെള്ളത്തില്‍ തൊണ്ടമുതല്‍ വന്‍കുടല്‍ വരെ ഗാര്‍ഗില്‍ ചെയിത്‌ തിരിച്ച്‌ വന്ന് വീണ്ടും തൊണ്ട പൊട്ടി പാടാന്‍ തുടങ്ങി...പെട്ടെന്ന് എന്താണ്‌ സംഭവിച്ച്തെന്ന് ആര്‍ക്കും മനസ്സിലായില്ല.. താഴെ നിന്ന് ലീഡ്‌ ചെയിതിട്ടിരുന്ന ജെയില്‍ കട്ടിലില്‍ ചാടി കയറി, രണ്ട്‌ കയ്യും തലയില്‍ വെച്ചു ഒറ്റ അലര്‍ച്ച.. "പുറൂൂൂൂൂൂൂൂൂൂൂൂൂൂൂൂൂൂൂൂൂൂൂൂൂൂ" ഗായകരും വാദ്യക്കരും ഒക്കെ ഇറങ്ങി ഓടി... കബോര്‍ഡിന്റെ മൂലക്ക്‌ കയറി ഇരുന്നത്‌ കൊണ്ട്‌ ഇറങ്ങി ഓടാനും എനിക്കു പറ്റിയില്ല... ശരിക്കു വിരണ്ട്‌ പോയി, ഇനി North India യില്‍ മാത്രം കാണുന്ന വല്ലോ ഭീകര ജീവിയാണോ ഈ പുറു????

എന്തോന്നാടീ????

അവള്‍ ചുണ്ടി കണിച്ചിടത്തേക്ക്‌ നോക്കിയപോഴുണ്ട്‌, ഒരു കുഞ്ഞു പുഴു.. ടാങ്ങ്‌ ..ടാങ്ങ്‌ ..ടാങ്ങ്‌ ന്ന് ഇഴങ്ങ്‌ പോകുന്നു, നമ്മുടെ കറ്റര്‍പില്ലറിന്റെ വകയിലെ ഒരു അളിയനായിട്ട്‌ വരും.. അതിനാണ്‌ ഇവള്‍ "പുറു"ന്നും പറഞ്ഞ്‌ കാറി,കുരങ്ങനെ കണക്ക്‌ അവലുടെ മുറിയില്‍ അവിടെയും ഇവിടെയും കയറിയിരുന്ന തമിഴത്തിയേയും തെലുങ്കത്തിയേയും,ഹിന്ദികാരിയേയും ഒക്കെ പേടിപ്പിച്ച്‌ ഓടിച്ചത്‌.... അവരു കരുതി, കേരളത്തിലോ , ഡല്‍ഹിലോ മാത്രം കാണുന്ന ഏതോ ഭീകര ജീവിയാണ്‌ ഈ പുറു എന്ന്, അല്ല അവരെ പറഞ്ഞിട്ടും കാര്യമില്ല, ജയിന്‍ വീട്ടില്‍ നിന്ന് 2 ബോഗിയില്‍ കൊള്ളവുന്ന സാധനങ്ങള്‍ കൊണ്ട്‌ വന്ന് ആ കുടൂസ്‌ മുടിയില്‍ നിറച്ചിട്ടുണ്ട്‌, അതില്‍ പുറുവല്ല അനകോണ്ട വേണമെങ്കിലും കയറിയിരിക്കും, അതുകൊണ്ടായിരിക്കാം എല്ലാവരും ജീവനുംകൊണ്ടോടിയത്‌...

അതൊക്കെ പോട്ടേ... കാറ്റര്‍പില്ലര്‍ ആണ്‌ നമ്മുടെ കഥപാത്രം...ഞാന്‍ ആ കാറ്റര്‍പില്ലറിന്റെ അവസ്ത്‌ ഒന്ന് അലോച്ചിച്ച്‌ പോയി, പാവം അതു എത്ര വേദനിക്കുന്നുണ്ടാവും, ഇല്ലേ????...

ജയിനിനെ പോലെ, അതിനെ ഒരു നിക്രിഷ്ട ജീവിയായി കണ്ട്‌ ഓടി പോയവരും, കല്ലിട്ട്‌ കൊന്നവരും, അതിന്റെ വേദന കണ്ട്‌ തലകുത്തി നിന്ന് ചിരിച്ചവരും....

സാരമില്ല കാറ്റര്‍പില്ലര്‍ , നീ പഴയതൊന്നും ഓര്‍ത്ത്‌ വിഷമികണ്ടന്നേ... 3 ദിവസമെങ്കില്‍ 3 ദിവസം... നിനക്കു ചിറക്‌ മുളച്ചില്ലേ

സാറാമ്മക്ക്‌...

2008-12-20T23:57:00.000-08:00

ഹോസ്റ്റലില്‍ ജിവിതത്തിന്റെ ആദ്യത്തെ ദിവസം അഡ്മിഷന്‍ പ്രോസീജേര്‍സും ,റൂം അലോട്ട്മെന്റും ഒക്കെ കഴിഞ്ഞ്‌... പെട്ടിയും കിടക്കയും ഒക്കെ എടുത്ത്‌ എനിക്കു തന്നേക്കുന്ന റൂമിലേക്ക്‌ ചെന്നു...305,4 seater room... ആദ്യമായിട്ടാ ഹോസ്റ്റലില്‍...!

ഞാന്‍ കയറിചെന്നപ്പോഴേക്കും ബാക്കി മൂന്ന് പേരും പൊറുതി തുടങ്ങിയിരുന്നു...അങ്കമാലികാരി അഞ്ജു, തൃശ്രുര്‍ക്കാരി ജാസു, കോഴിക്കോടുകാരി മിസ്ബ,ഞങ്ങള്‍ നാലു പേരും ഒരേ ക്ലാസ്സില്‍... എന്റമ്മേ... 'തെക്കന്മാരു മൂര്‍ഖന്മാരാണന്ന്' പറഞ്ഞ്‌ ഇവളുമാരൊക്കെ കൂടി ഈ പാവം തിരുവനന്തപുരം നീര്‍കോലിയെ തല്ലികൊല്ലുമോ ആവോ... പക്ഷേ അങ്ങനെ ഒന്നും ഉണ്ടായില്ല, അവര്‍ എന്നെ മലയാളി ആയി പോലും പരിഗണിച്ചില്ല!!! കേരളത്തില്‍ പഠിച്ചിട്ട്‌ വന്നത്‌ കാരണം, തല്ലുകൊള്ളിത്തങ്ങളില്‍ tight competition ആയിരുന്നു ഞങ്ങള്‍ തമ്മില്‍ :D

അവസാനം ചെന്ന എനിക്കു കിട്ടിയേക്കണത്‌ bunk bed ന്റെ മേളിലത്തെ നില...ഫിസിക്സിന്റെ അകാതയിലേക്ക്‌ ഇറങ്ങി ചെന്ന് പഠിച്ച്‌ പണ്ടാറടങ്ങി, ബിരുദം എടുത്തത്‌ കാരണം ചുമ്മാ തറയില്‍ കൂടി നടന്നാല്‍ ഭൂമിയുടെ ഗുരുത്വാകര്‍ഷണ ബലവും,ഒരു സഞ്ചി എടുത്താല്‍ കൂടി അതിന്റെ center of mass സിനെ പറ്റിയും അലോച്ചിക്കുന്ന എന്നെ പിടിച്ച്‌ bunk bed ന്റെ മേലേ ഇട്ടാലുള്ള അവസ്ത എന്തായിരിക്കും... രാത്രികളില്‍ ആ കട്ടിലിന്റെ degree of freedom (എന്നുവെച്ചാല്‍ എങ്ങോട്ട്‌ വേണമെങ്കിലും തലയും കുത്തി വീഴാം എന്ന അവസ്ത!!!) കണ്ട്‌ പിടിക്കാന്‍ പോയത്‌ കാരണം കുറച്ച്‌ കാലത്തേക്ക്‌ ഉറക്കമില്ലായിരുന്നു... പിന്നെ അതങ്ങു ശീലമായി...!!!

ഒരു മുന്നൂറു മുറികളുള്ള 20 വര്‍ഷം പഴക്കമുള്ള ഹോസ്റ്റാല്‍ ബ്ലോക്ക്‌. ഫാസ്റ്റ്‌ ഇയര്‍ കുട്ടികളെ സീനിയേര്‍സ്‌ റാഗ്‌ ചെയ്യാതിരിക്കാന്‍, ഈ ബ്ലോക്കില്‍ ആണ്‌ ആദ്യത്തെ ഒരു വര്‍ഷം താമസ്സിപ്പികാറ്‌..എഞ്ചിനീയറിങ്ങ്‌ കുഞ്ഞുങ്ങള്‍ക്ക്‌ അഡ്മിഷനു പിന്നെയും ഒരു മാസം ഉണ്ടായിരുന്നത്‌ കാരണം, ഞങ്ങള്‍ കുറച്ച്‌ MCA, MBA, MTech കാരുമാത്രമാണ്‌ ആ ഭാര്‍ഗവീനിലയത്തില്‍ ഉണ്ടായിരുന്നത്‌...ഹോസ്റ്റലിനു പിന്‍ വശം , പണ്ട്‌ നമ്മുടെ വീരപ്പന്‍ ചേട്ടന്‍ ചുറ്റി കറങ്ങി നടന്ന നല്ല ഒന്നാത്തരം ആനയും കടുവയും ഒക്കെ ഉള്ള കാട്‌!!!...

ഇന്ത്യ യുടെ Unity in Diversity കാണണമെങ്കില്‍ ഞങ്ങളുടെ ഹോസ്റ്റലു തന്നെ ധാരാളമായിരുന്നു... പല ദേശ-ഭാഷാക്കാരുടെ അഖിലേന്ത്യാ സമ്മേളനമായിരുന്നു ഹോസ്റ്റലും കോളേജും മെസ്സുമൊക്കെ... അതിനിടയില്‍ സീനിയേര്‍സിന്റെ വക റാഗ്ഗിങ്ങും.ഒടുക്കത്തെ മസ്സില്‍ പിടിത്തം അയതുകാരണം, എനിക്കു special കിട്ടിയെന്ന് പ്രത്യേകിച്ച്‌ പറയണ്ടല്ലോ!!! ചങ്ക്‌ പട പടാന്ന് ഇടിച്ചാലും, മുട്ട്‌ കൂട്ടിയിടിച്ചലും. എന്റെ മുഖം കണ്ടാല്‍ ' നീ ഒന്ന് പോടി...ആരോടാ ഈ കളിക്കുന്നതെന്നറിയോ????'എന്നൊരു ഭാവം ആയിരിക്കും!!! പാവം ഞാന്‍ :(

അങ്ങനെ സണ്‍ ടിവിയില്‍ നിന്ന് പഠിച്ച്‌ തമിഴ്‌ ഒക്കെ Tamilians ന്റെ മുന്നില്‍ പയറ്റി..." പണ്ണി...., തമിളേ കൊല പണ്ണാ... ഉന്നെ പിച്ചി പോടുവേന്‍... പിച്ച്‌!!!" എന്നൊക്കെ warning വാങ്ങി ജീവിച്ച്‌ പോയിരുന്ന ആദ്യത്തെ ദിവസങ്ങളിലാണ്‌, 301 ലെ MBA ക്കരി സാറാ യെ (അവളോട്‌ പേരു ചോദിച്ചാല്‍ western pronunciation ല്‍ സെറ എന്ന് പറയും), പരിചയപെടുന്നത്ത്‌.. സെന്റ്‌ തെരേസാസ്സ്‌ ല്‍ പഠിച്ചതിന്റെ എല്ലാം അവളില്‍ ഉണ്ടായിരുന്നു!!!...ഞങ്ങള്‍ ഓരേ ദിവസം, എതാണ്ട്‌ ഒരേ നേരത്തണ്‌ പിറന്നത്‌,ഒരേ പൊക്കം ഒരേ വണ്ണം ( ഇപ്പൊ ഞങ്ങള്‍ '10' കണക്കാണ്‌, അവള്‌ '1'പോലെ, ഞാന്‍ '0'പോലെ)...unfortunately കളര്‍ മാത്രം ഒരു പത്ത്‌ പന്ത്രണ്ട്‌ shade ന്റെ വ്യത്യാസം ഉണ്ടായിരുന്നു...!!! എന്നലും അവളായിരുന്നു സുന്ദരി... ഒറ്റ മാസം കൊണ്ട്‌ തന്നെ അവള്‍ക്ക്‌ ആരാധകരെ തട്ടി നടക്കന്‍ വയ്യാത്ത അവസ്തയായി.. എന്നെ പിന്നെ മസ്സില്‍ പിടിത്തം കാരണം ആന്നും ഇന്നും ഒരു പട്ടികുട്ടി പോലും തിരിഞ്ഞ്‌ നോക്കില്ല!!!....

അങ്ങനെ ഒരുമാസം കഴിഞ്ഞപ്പോള്‍ പെട്ടന്നൊരു ദിവസം എല്ലവരോടും 2 seater റൂമിലേക്ക്‌ പോകാന്‍ പറഞ്ഞു...അങ്ങനെ ഞാനും സാറാമ്മയും കൂടി കമുകനും കമുകിയും കൂടി വീടുവിട്ടിറങ്ങുന്നത്‌ പോലെ അവളു MBA ക്കരുടെ റൂമില്‍ നിന്നും ഞാന്‍ MCA കാരുടെ റൂമില്‍ നിന്നും ഇറങ്ങി പോയി, ഞങ്ങള്‍ക്ക്‌ അലോട്ട്‌ ചെയിത Room No: 150 ല്‍ താമസമാരംഭിച്ചു!!! ഞങ്ങളുടെ ഇറങ്ങി പോക്കില്‍ ഞങ്ങളുടെ പഴയ റുമിലെ ഒരോര്‍ത്തര്‍ക്കായി 2 seater ല്‍ പോകാന്‍ റൂമേറ്റ്‌ ഇല്ലതായി... ഞങ്ങളുടെ MCA-MBA collaboration ഒരു മാലപടക്കത്തിനായിരുന്നു തിരികൊണ്ടുത്തത്‌... എന്നെ MBA ക്കരും അവളെ MCA ക്കരും തല്ലാന്‍ നടന്ന കാലം .... നാക്കിനു എല്ലില്ലാത്ത പെണ്‍പിള്ളെരു ഞങ്ങളെ പറ്റി പറഞ്ഞു നടന്നത്‌ സാറാ, course കഴിഞ്ഞു പൊയതില്‍ പിന്നെ ആണ്‌ ഞാന്‍ അറിഞ്ഞത്‌...അതു അന്നേ കേട്ടിരുന്നെങ്കില്‍ ഇന്ന് ഈ പോസ്റ്റ്‌ ഇടാന്‍ ഞാന്‍ ഉണ്ടാവില്ലായിരുന്നു, അതായിരുന്നു അപവാതങ്ങള്‍... ഞാനും സാറാമ്മയും കൂടി മെസ്സില്‍ കയറി ചെല്ലുമ്പോള്‍ ഒരു പരിചയവും ഇല്ലാത്ത പെണ്‍പിള്ളേരു വായും പോളിച്ച്‌ നോക്കിയതിന്റെ കാരണം, 2 വര്‍ഷത്തിനു ശേഷം കേട്ടു ഞാന്‍ തകര്‍ന്നു പോയി...

റൂമിനു പുറത്ത്‌ ചക്കരയും അടയും ആയിരുന്നെങ്കിലും,റൂമിനുള്ളില്‍ ഞങ്ങള്‍ കീരിയും പാമ്പും ആയിരുന്നു...കാരണം അവളുടെ Management Principles ന്റെ logic എനിക്കു ഉള്‍കൊള്ളാന്‍ കഴിഞ്ഞില്ല എന്നത്‌ തന്നെയാണ്‌. "എടി നിന്നെ കൊണ്ടെന്തിനു കൊള്ളാം????" എന്ന് ആ കന്നാലി ദിവസവും 25 തവണയെങ്കിലും എന്നോട്‌ ചോദിക്കും..."Break the Rules" ആയിരുന്നു അവളുടെ മുദ്രാവക്യം!!! ഞാന്‍ ആണെങ്കില്‍ Rules വള്ളി പുള്ളി വിടാതെ അനുസരിച്ചിരുന്ന (ചരിത്രം) ഒരു ജീവിയും.അവളു പുറത്തിറങ്ങാന്‍ പാടില്ലത്ത study hourല്‍ അവളുടെ pet bottle പോരഞ്ഞിട്ട്‌ കിട്ടാവുന്ന കുപ്പികള്‍ ഒക്കെ പൊക്കി കൊണ്ട്‌ വെള്ളമെടുക്കാന്‍ പോകും... ഞങ്ങള്‍ കറണ്ടുകമ്പി എന്നു വിളിക്കുന്ന, Residence Advisor, attendance എടുക്കാന്‍ വരുമ്പോ അവള്‍ ആ ജില്ലയില്‍ പോലും കാണണില്ല.. Mam വന്ന് ഒറ്റ കാറലാണ്‌... "Where is that GAAAAAAAAAAAAAAAAAL...??? Mam നു നന്നയറിയാം അവളു ഒരുകാലത്ത്‌ റൂമില്‍ കാണില്ലന്ന്... Mam ഇംഗ്ലീഷിലും ,തമിഴിലും എന്നെ നല്ല പൂരതെറി വിളിച്ചിട്ട്‌ പോയി കഴിയുമ്പ്പോള്‍, നമ്മുടെ ചേച്ചി മൂളിപ്പട്ടൊക്കെ പാടി....cat walk ചെയിതിങ്ങനെ വരും... " എവിടായിരുന്നെടീ നീ ഇത്രയും നേരം????"

"വെള്ളമെടുത്തിട്ട്‌ വരുന്ന വഴി toiletല്‍ ഒന്ന് കയറിയെടി...പിന്നെ കറണ്ട്‌കമ്പി നിന്നെ ചീത്ത വിളിച്ചിട്ട്‌ പോകട്ടെന്ന് കരുതി അവിടെ ഇരുന്നു"....

അതേ.. ഇവള്‍ക്ക്‌ വേണ്ടി Mam ന്റെ ചീത്ത കേട്ടു കേട്ടു എനിക്കു പിന്നെ അതു കെട്ടില്ലെങ്കില്‍ ആയിരുന്നു വിഷമം...

അവളുടെ ഉപദേശവും .." നീ ഇങ്ങനെ പഴകഞ്ഞിയാകരുത്‌...!!! എന്നെ കണ്ട്‌ പഠിക്ക്‌..."

ഇവള്‍ക്ക്‌ അങ്ങനെ ഒക്കെ പറയാം, കറണ്ട്‌കമ്പി എന്റെ class advisorറും mentor റും ആണ്‌... ഞാന്‍ എന്തെങ്കിലും കുരുത്തകേട്‌ കാണിച്ചാല്‍, വീട്ടിലേക്ക്‌ ഒരു വിളിയുണ്ട്‌...

അങ്ങനെ ഇരിക്കുമ്പോഴാണ്‌, ഒരു ജൂനിയര്‍ ചെക്കന്‍,ഹോസ്റ്റലില്‍ കെട്ടി തൂങ്ങി മരിച്ചത്‌.. ഞങ്ങള്‍ അവനെ അറിയുമായിരുന്നു... പോരഞ്ഞിട്ട്‌ ഞങ്ങള്‍ താമസ്സിച്ചിരുന്ന ഹോസ്റ്റല്‍, അതിന്റെ മുന്നത്തെ വര്‍ഷം വറെ Mens Hostel ആയിരുന്നു... ഈ ചെക്കാന്‍ അവിടെ താമസ്സിച്ചിട്ടുള്ളതായിരുന്നു... ഞാനും സാറമ്മയും കൂടി ഉറങ്ങുന്നത്‌ വരെ അവന്റെ കാര്യവും പറഞ്ഞ്‌ കിടന്നു... ഞനങ്ങനെ ഉറങ്ങി വന്നപോഴേക്കും ഒരു അലര്‍ച്ച...എണിട്ട്‌ നോക്കിയപ്പോ .. ദേ സാറാമ്മ ഓടി കയറി വരുന്നു..

" എന്തോന്നാടീീ, ഈ നട്ടപാതിരാത്രി??????"

" എടീ ഞാന്‍ സുസുന്‌ പോയതാ... Toilet വരെ എത്തിയപ്പോള്‍ മറ്റേവനെ ഒര്‍മ്മവന്നു"...

ഞങ്ങളുടെ റൂമ്മില്‍ നിന്ന് കുറെ പടികള്‍ ഒക്കെ കയറി ഇറങ്ങി രണ്ട്‌ മൂന്ന് ഈടനാഴിയും, നടൂമുറ്റവും ഒക്കെ തണ്ടി വേണം toilet എത്താന്‍...

"എടി എടി... നീയും കൂടെ വാടി"...

അവള്‍ക്ക്‌ രണ്ട്‌ dose ഒക്കെ കൊടുത്ത്‌ പ്രാകി പ്രാകി എണീറ്റ്‌ കൂടെ ചേന്നു.. ഈ പണ്ടാരകാലി വായ അടക്കുന്നില്ല...

"എന്നാലും അവന്‍ അങ്ങനെ ചെയ്യണ്ടായിരുന്നു "...

" മിണ്ടാതിരിക്കെടീ..."

അങ്ങനെ നടന്ന് നടന്ന് ഞങ്ങള്‍ toilet ല്‍ എത്തി...അവളു ഉള്ളില്‍ കയറി, ഞാന്‍ പുറത്ത്‌ കാവല്‍ നില്‍കുവാണ്‌, ഈ തെണ്ടി വായ അടക്കുന്ന ഭാവമില്ല, അതിനുള്ളില്‍ ഇരുന്നു കമണ്ട്രി..!!! ...

" എടീ പണ്ട്‌ അവന്‍ ഈ ഹോസ്റ്റലില്‍ ആയിരുന്നെന്ന്.." (ഞാന്‍ അണങ്കില്‍ അവനെ വൈകുന്നേരവും കൂടി നോക്കി ചിരിച്ചതാ... അവന്റെ ചിരി എന്റെ മനസ്സില്‍ ഒന്ന് മിന്നി മറഞ്ഞു..)..

മിണ്ടാതിരിക്കെടീീീ... $#^%*&^*(&^&*^$$@!!!

tiolet നു ഒപ്പം ഉള്ള Washing Area ലെ window കൂടി നോക്കിയാല്‍ നമ്മുടെ കൊടും കാടാണ്‌.. സമയം 2 മണി, കുറുക്കന്മാരു chorus ആയിരുന്നു ഓളിയിടുന്നു..അവിടത്തെ XL size ചീവിടുകള്‍ കിടന്ന് ഒച്ചയുണ്ടാക്കുന്നു... ഞാന്‍ അണെങ്കില്‍ അനാഥപ്രേതം കണക്ക്‌ തനിയെ നില്‍ക്കുന്നു...

അവളു നിര്‍ത്താന്‍ ഉദ്ദേശിച്ചിട്ടില്ല....

"എടി.... അവന്‍ പണ്ട്‌ ഈ നേരത്ത്‌ ഈ ടോയ്‌ലറ്റ്‌ ഒക്കെ വന്നിട്ടുണ്ടാവും അല്ലേ????"...

പിന്നെ ഞാന്‍ ഒന്നും അലോച്ചിച്ചില്ല... തറയില്‍ തോടാതെ ഒറ്റ ഒട്ടാമായിരുന്നു...ഞാന്‍ റൂമില്‍ എത്തി 2 sec കഴിഞ്ഞപ്പോള്‍, നമ്മുടെ സാറാമ്മയും പാഞ്ഞെത്തി... അവളെ നോക്കി ഒരു അളിഞ്ഞ ചിരി പാസാക്കി... അവളുടെ കമന്റ്‌.. " ഹോ ...എടീീ... നിന്റെ ധൈര്യം സമ്മതിച്ചേക്കുന്നു, വീരവാദാത്തിനും, മൂശേട്ടത്തരത്തിനും കുറവൊന്നും ഇല്ലല്ലോ???? നിന്നെയും വിളിച്ചിട്ട്‌ പോയ എന്നെ പറഞ്ഞാല്‍ മതിയല്ലോ....!!!"...

ശനിയാഴചകള്‍ ഞങ്ങളുടെ washing and cleaning day ആയിരുന്നു... രാവിലെ 9 മണിക്ക്‌ എണീട്ട്‌, ഞങ്ങളുടെ ശനിയ്ഴ്ച്‌ breakfast ആയ.. Toasted Bread+ butter+ jam+ bulls eye, എലിസബത്ത്‌ രാജ്ഞിയുടെ കൊച്ചു മക്കളേ കണക്കു ഇരുന്ന് അടിച്ച്‌ വിടും, എന്നിട്ട്‌ തോളില്‍ കൈയ്യിട്ട്‌ റൂമിലേക്ക്‌... അവിടെ ചെന്നിട്ട്‌ കേശസംരക്ഷണത്തിനായി നാട്ടില്‍ നിന്നു കൊണ്ട്‌ വന്നതില്‍ നിന്ന് കാല്‍ കിലോ വെളിച്ചെണ്ണ തലയില്‍ തേച്ച്‌ പിടിപ്പിച്ച്‌, പശു തലയില്‍ കൂടെ വാളുവെച്ചതു കണക്കാക്കിയിട്ട്‌ , സ്വന്തം വകയും കടം വാങ്ങിയതും ആയി ഒരു 10 ബക്കറ്റും ഒരു load മുഷിഞ്ഞ തുണിയും എടുത്ത്‌ ഒരു പത്ത്‌ sachet ഏരിയലില്‍ മുക്കി വെക്കും...തിരിച്ചു വന്ന് ഞങ്ങളുടെ മുറി വൃത്തിയാക്കല്‍, തൂക്കല്‍, തറ തുടക്കല്‍...വീണ്ടും തോളില്‍ കൈയിട്ട്‌ പട്ടും പാടി അലക്കാന്‍ പോക്ക്‌.... , പാട്ട്‌ പാടി പാടി... വഴക്കിട്ട്‌...,രണ്ട്‌ ബക്കറ്റ്‌ വെള്ളം അങ്ങോട്ടും എങ്ങോട്ടും തലയില്‍ കൂടി ഒഴിച്ച്‌... ഇടിയുംകൂടി കഴിയുമ്പോള്‍ അലക്കും കഴിഞ്ഞിട്ടുണ്ടാവും... തുണി ഒക്കെ പിഴിഞ്ഞ്‌ വക്കുമ്പോള്‍ lunch നു സമയമാകും... ആ നനഞ്ഞ dress ഉം ഇട്ടിട്ട്‌ മെസ്സില്‍ പോയി നൂറു കുറ്റവും പറഞ്ഞ്‌ ബിരിയാണിയടിച്ച്‌...വരുന്ന വഴിക്ക്‌ store ല്‍ നിന്ന് Ice lolly യും വാങ്ങി നുണഞ്ഞ്‌...മൊട്ടന്‍ വെയിലത്ത്‌ stone bench ല്‍ ഇരുന്ന് കഥ പറഞ്ഞ്‌...തിരിച്ച്‌ വന്ന് തുണി അയയില്‍ വിരിച്ചിട്ട്‌... കുളികഴിഞ്ഞ്‌ പെറ്റ അമ്മ പൊലും തിരിച്ചറിയത്‌ എന്ന വാശിയില്‍, കാല്‍കിലോ വെളിച്ചെണ്ണ കളയാന്‍ ഒരു bottle shampoo വും,മുള്‍ട്ടാനി മിട്ടിയും,സ്രബും....അങ്ങനെ പല സംഭവങ്ങളും ആയി...ബത്ത്രൂമിലേക്ക്‌ കയറും,ആശയവിനിമയത്തിനു അടുത്തടുത്ത ബാത്ത്രൂം തന്നെ ആരോടെങ്കിലും അടിയുണ്ടാക്കി വാങ്ങും...അതിനുള്ളില്‍ കയറിയാല്‍ ഞങ്ങള്‍ക്ക്‌ അങ്ങോട്ട്‌ മലയളത്തിനോട്‌ സ്നേഹം വരും.... പിന്നെ പട്ടു തുടങ്ങുകയായി...പഴയ 80 ലെയും 90 ലെയും പട്ടുകള്‍, അവസാനം.. " പാപ്പി.. അപ്പച്ചാ.. അപ്പച്ചനോടോ അമ്മച്ചിയോടോ പപ്പിക്ക്‌ സ്നേഹം ....." അങ്ങനെ duet പാടി വരുമ്പോള്‍.. ബിരിയാണി അടിച്ചിട്ട്‌ ഉറങ്ങാന്‍ കിടന്ന ജാസു വന്ന് കതകിനിട്ട്‌ ഒറ്റ തൊഴി...."നിന്റെയൊക്കെ അമ്മയിയപ്പനോട്‌!!! ഇറങ്ങടീീ രണ്ടും പുറത്ത്‌... കുറേ നേരമായി,മനുഷ്യനെ ഉറങ്ങാന്‍ സമ്മതിക്കതെ കിടന്ന് കാറുന്നു...!!!.. ഒരു മഗ്ഗ്‌ വെള്ളം ജാസുവിന്റെ തലയിലും ഒഴിച്ച്‌... വിശാലമായ കുളി ഒക്കെ കുളിച്ചിട്ട്‌ ഇറങ്ങി റൂമിലേക്ക്‌ തോളില്‍ കൈയ്യും ഇട്ട്‌... പോക്കുന്ന വഴിക്ക്‌ .. "രണ്ടും അങ്ങ്‌ വെളുത്തല്ലോ" എന്ന അസൂയക്കരുടെ കമന്റും... വൈക്കുന്നേരം sanck bar ല്‍ നിന്ന് ഭേല്‍ പൂരിയും കഴിച്ച്‌, രാത്രി വരെ basketball court ല്‍ ആകാശം നോക്കി കിടന്ന് ലോകകാര്യം സംസരിച്ചതും... ഒന്നും മറക്കാന്‍ കഴിയുന്നില്ല...

ദിവസം ഒരു അഞ്ഞൂറുതവണ എന്നെ എടി എടി എടി.. ന്ന് വിളിച്ചിരുന്ന നിന്നെ miss ചെയ്യുന്നു...

ഞങ്ങളുടെ ഒരോ ദിവസവും ഒരോ 'സംഭവങ്ങള്‍' ആയിരുന്നു..mess prayer വരുന്നില്ലന്ന് പറഞ്ഞ അവളെ റൂമില്‍ പൂട്ടിയിട്ടതിനു ഞങ്ങളെ Mam നിര്‍ത്തി പൊരിച്ചതും , Apology Letter എഴുതിപ്പിച്ചതും...എനിക്കു ഒട്ടും ഇഷ്ടമില്ലാത്ത Hide and seek biscuit, കഴിക്കെടീ... കഴിക്കെടീ.. കഴിക്കെടീ.. എന്ന് പറഞ്ഞ്‌ പിന്നലേ നടന്ന് എന്റെ അടി വാങ്ങിയതും... Sem Exam സമയത്ത്‌, അവള്‍ ബുക്ക്‌ അരച്ച്‌ കലക്കി കുടിക്കുമ്പോള്‍, സുഖമായി മൂടി പുതച്ച്‌ ഉറങ്ങുന്ന എന്നോട്‌ അസൂയ പെട്ടതും.... എന്നെ Accounts പഠിച്ചു ഭ്രാന്തായതും... ഒരിക്കലും മറക്കില്ല കൂട്ടുക്കാരി നിന്നെ....

ജാനുവരിയില്‍ അവള്‍ അവളുടെ ജൂണുവിന്റെ കൂടെ മസ്കറ്റിലേക്ക്‌ പറക്കുകയാണ്‌... പുതിയ ഒരു ജീവിതത്തിനു ഒരുങ്ങുന്ന നിന്നോടൊപ്പം എന്റെ പ്രര്‍ഥനകളുണ്ടാവും....

ഒരിക്കല്‍ കൂടി ആ റൂം നമ്പര്‍ 150 ലെ...പിണക്കവും, ഇടിക്കൂടലും, പട്ടുപാടലും, കുശുമ്പും, കുന്നയ്മയും ഒക്കെ ദിവസം തിരിച്ച്‌ കിട്ടിയിരുന്നെങ്കില്‍...

തല്ലുകൊള്ളിത്തരങ്ങള്‍

2008-10-13T23:48:00.000-07:00

മരിക്കുന്നതിന്‌ മുമ്പ്‌ ഹോസ്റ്റലില്‍ നില്‍ക്കണം എന്നതു എന്റെ ഒടുക്കത്തെ ആഗ്രഹമായിരുന്നു. അങ്ങനെയാണ്‌ എം സി എ പഠിച്ചു പണ്ടാറടങ്ങാന്‍ അവിടെ ചെന്നുപെട്ടത്ത്‌... ചെന്നുപെട്ടതല്ല... അഡ്‌മിഷന്‍ വേണം എന്ന് പറഞ്ഞ്‌ കരഞ്ഞ്‌ വിളിച്ചത്‌ കാരണം ഇരിക്കപൊറുതിയില്ലാതെ.."ഇതാ പിടിച്ചോ... കൊണ്ട്‌ പോയി അനുഭവിക്ക്‌,' കണ്ട്‌' അറിഞ്ഞില്ലങ്കില്‍ 'കൊണ്ട്‌' അറിയും...." എന്നു പറഞ്ഞ്‌ അഡ്മിഷനും തന്ന്, കര്‍ത്താവ്‌ എന്നെ കൈയ്യൊഴിഞ്ഞു....അവിടത്തെ പൂര്‍വ വിദ്യാര്‍ഥികളുടെ പത്രാസ്‌ കണ്ട്‌ അസൂയ മൂത്തിട്ട്‌ കൂടിയാണ്‌ ആ കോളേജ്‌ തന്നെ വേണം എന്നു വാശിപിടിച്ചതെന്ന് കൂട്ടിക്കോ...

NRIs…ലേറ്റസ്റ്റ്‌ ടെക്കനോളജിയും,സ്വാശ്രയശീലവും, ദൈവഭയത്തോടെയും മക്കളെ പഠിപ്പിച്ചു അടുത്ത മഹാത്മാ ഗാന്ധി ആക്കിയേക്കാമെന്ന വ്യാമോഹത്തോടെ തടവില്‍ പര്‍പ്പിക്കുന്ന ഒരു ഫുള്ളി റെസിഡന്‍ഷ്യല്‍ ടെക്കിനികല്‍ യൂണിവേഴ്സിറ്റിയാണു ഞങ്ങളുടെ കോളേജ്‌.....

അവിടെ പിച്ചകാരി കാറ്റഗറിയില്‍ ഞങ്ങള്‍ എം സി എ ക്കാര്‍ മാത്രം, കാരണം ഞങ്ങള്‍ എഞ്ചിനീയറിംഗ്‌ കോളേജിലില്‍ പഠിക്കാന്‍ വന്ന ബി എസ്‌ സി കാരല്ലേ ???

പ്രോഫഷണല്‍ കോഴ്സിനു രണ്ടാം കെട്ടില്‍ ഉണ്ടായതാണല്ലോ ഈ എം സി എ!!!ആ വേര്‍തിരിവുണ്ടങ്കിലും, ഫീസിന്റെ കാര്യത്തില്‍ സ്നേഹം കുറച്ച്‌ കുടുതലായിരുന്നൂതാനും!!!

ഹോസ്റ്റലില്‍ പോയാല്‍ രാവിലെ എഴുന്നേല്‍ക്കണം,രാത്രി 10 മണിക്കു ലൈറ്റ്‌ ഓഫ്‌ ചെയ്യണം, പിന്നേ... നല്ല ആഹാരം ഒന്നും കിട്ടില്ല, എന്നൊക്കെ എല്ലവരും എന്നെ പറഞ്ഞു പേടിപ്പിച്ചു, ഒരു ബാഗ്‌ നിറച്ചു ചിപ്സും അച്ചപ്പവും, അച്ചാറുകളും.... മെലിഞ്ഞ്‌ തൊലിഞ്ഞ്‌ ഇരിക്കുന്ന മോളേ പുഷ്ടിപ്പെടുത്തന്‍ മൂന്ന് നാലു കിലോ ഏത്തന്‍പഴം ഒക്കെ അമ്മ തന്നുവിട്ടിരുന്നു.... പക്ഷേ അങ്ങനെ ഒന്നും ആയിരുന്നില്ല ഞങ്ങളുടെ ഹോസ്റ്റല്‍...രാവിലെ ആരും വിളിചെഴുന്നേല്‍പ്പിച്ച്‌ ശല്യം ചെയ്യാന്‍ വരില്ല... രാത്രി ലൈറ്റ്‌ ഓഫ്‌ ചെയ്യേ..വേണ്ട...ഉറങ്ങിയില്ലങ്കിലും ആരും ഒന്നും പറയില്ല...നട്ടപാതിരാത്രി സ്റ്റോണ്‍ ബെഞ്ചില്‍ കിടന്നു നക്ഷത്രം എണ്ണാം....

അവിടത്തെ ക്ലൈമറ്റിനെ റെസ്സിസ്റ്റ്‌ ചെയ്യാന്‍ എന്നും പറഞ്ഞു മധുരവും കൊഴുപ്പുമുള്ള ആഹാരം അവര്‍ ഞങ്ങള്‍ക്ക്‌ വാരി കോരി തന്ന് എല്ലാത്തിനെയും ഒറ്റ വര്‍ഷം കൊണ്ട്‌ ശീമപന്നി നാണിച്ചു പോകുന്ന ഷെയിപ്പിലാക്കി ...പണ്ടൊക്കെ ആക്രാന്തം പിടിച്ച്‌ വാരി വലിച്ചു കഴിച്ചിരുന്ന മട്ടന്‍ ബിരിയാണിയും,ചിക്കന്‍ 65 യുമ്മൊക്കെ മെസ്സില്‍ വിളമ്പി തരുമ്പോള്‍..." കൊഞ്ചം പോതും, അക്കാ...അന്ത ചിന്ന്ന്ന് ന്ന പീസ്‌ മട്ടും പോതും " എന്നു പറയുന്ന അവ്സ്തയിലാക്കി...അവസനം അപ്പന്മാരും അമ്മമാരും പരാതിയുമായി വന്നു..."പെണ്മക്കള്‍ കഴിച്ച്‌ എരുമ കണക്കായി... ഇവളുമാരെ കെട്ടിച്ചുവിടാനുള്ളാതാ... നിങ്ങള്‍ ഇനി മൂന്ന് നേരം കഞ്ഞി കൊടുത്തല്‍ മതി... " എന്നു പറഞ്ഞുംകൊണ്ട്‌...

കോളേജും ഹോസ്റ്റലും 6000+ മനുഷ്യരുടെയും ലോകമാണു ആ 700 ഏക്കര്‍...അതിനകത്തു നിന്നു പുറത്തു ചാടാമെന്ന് സ്വപ്നം പോലും കാണണ്ട, ...ഈ പ്രസ്തുത സ്ഥലത്തും, പണ്ട്‌ വീരപ്പനെ പിടിക്കാന്‍ ദൗത്യസേന തിരച്ചില്‍ നടത്തിയിരുന്നു...ഒരു കാട്ടുമുക്ക്‌... ഉണ്ടായിരുന്ന ബസ്സ്‌ സര്‍വീസ്‌ ഞങ്ങളുടെ 'ചാടി പോകല്‍' കാരണം കോളേജുകാര്‍ സര്‍ക്കാരിന്റെ കാലു പിടിച്ചു നിര്‍ത്തിച്ചു..... എങ്ങാനും... പത്തു നൂറു നേപ്പാളി കൂര്‍ഖകളുടെ കണ്ണു വെട്ടിച്ച്‌ ആകെ ആ വഴി വരുന്ന 59എ ബസ്സില്‍ കയറി വാഗന്‍ ട്രാജഡി കണക്ക്‌ സിറ്റിയില്‍ പോയത്‌ ആരെങ്കിലും കണ്ടാല്‍, പിന്നെ ക്ലാസ്സില്‍ കയറേണ്ടിവരില്ല...മെമ്മോ,എന്‍ങ്ക്വയറി,സസ്പെന്‍ഷന്‍...

ബന്ധനം കഞ്ചന കൂട്ടിലാണെങ്കിലും ബന്ധനം ബന്ധനം തന്നെയാണെന്ന് അനുഭവിച്ചു അറിഞ്ഞു, എന്നും രാവിലെ അസ്സംബ്ലി, അതിനു അറ്റന്‍ഡന്‍സ്‌, വര്‍ഷത്തില്‍ ആകെകൂടെ 4 ദിവസം അവധി....… Jan 26 , Aug 15,Oct 2 , Dec 25….

"സോളാര്‍ സിസ്റ്റത്തില്‍ പത്താമതു കണ്ടുപിടിച്ച ഗ്രഹമാടി ഇത്‌" എന്ന് ഞങ്ങള്‍ പറഞ്ഞ്‌ ആശ്വസിച്ചിരുന്ന കാലം.

മലയാളികളൊക്കെ ആഴ്ചയില്‍ രണ്ടും മൂന്നും ബന്ദ്‌ ആഘോഷിക്കുമ്പോള്‍ ഞങ്ങള്‍ അസൂയപെട്ടിട്ടുണ്ട്‌...

അങ്ങനെ മനസ്സ്‌ മടുത്ത്‌, ജീവിതം തന്നെ വെറുത്ത്‌... തേര്‍ഡ്‌ ഇയറായറായി... ഞങ്ങള്‍ ക്ലാസ്സ്‌ മേറ്റ്സ്‌ 33 പേര്‍ നാലാം നിലയില്‍ നിരനിരയായി 33 റൂമില്‍...അതിന്റെ ഒത്ത നടുവിലത്തെ റൂമില്‍ കുട്ടി വാര്‍ഡനും ഞങ്ങളുടെ .നെറ്റ്‌ ലക്ച്ചററുമായ റബേക്ക മാം !!! മാമിനണു ഞങ്ങള്‍ 33 പേരുടെ സംരക്ഷണചുമതല!!!....

രാവിലെ കൃത്യം 8 മണിക്കു 'വെയിലടിക്കേണ്ടടത്തു' വെയിലടിക്കുമ്പോള്‍ ചാടി എഴുന്നേറ്റ്‌ ബക്കറ്റും ബ്രഷും പേയിസ്റ്റും റ്റവ്വലും എടുത്ത്‌... വെള്ളമടിച്ചു പാമ്പായി റോഡിനു വീതികൂട്ടി പോകുന്ന ശശിയെ പോലെ അവിടെ വെച്ചിട്ടുള്ള വെയിസിറ്റ്‌ ബാസ്കറ്റ്‌ എല്ലാം തട്ടി മറിച്ചിട്ട്‌ തപ്പി തടഞ്ഞു ബത്ത്രൂമില്‍ ചെല്ലുമ്പോള്‍ ഒറ്റ ബാത്തുറൂം ഒഴിവുണ്ടാവില്ല...ഡെയിലി കൂളിക്കുന്ന ദുര്‍ശീലമുള്ള കുറേ മലയാളി മങ്കികള്‍ 7 മണിക്കു തന്നെ പള്ളിനീരട്ടിനു കയറിട്ടുണ്ട്‌.... ടോയ്‌ലെറ്റുകള്‍ പതിവു പോലെ ഒഴിഞ്ഞു കിടപ്പുണ്ട്‌.... രാവിലെ അതിനോക്കെ എവിടെന്ന് സമയം!!!

കൃത്യം 8:25 നു അസംബ്ലിക്ക്‌ ചെന്നില്ലങ്കില്‍ അന്നത്തെ അറ്റെന്‍ഡന്‍സ്‌ പോക്കാണ്‌.. പോരാഞ്ഞിട്ട്‌....."05ക653,ഇന്നു ക്ലസ്സിലേക്കു വന്നിട്ടില്ല,നിങ്ങളെ അറിയിച്ചിരുന്നോ???" എന്ന് ക്ലാസ്സ്‌ അഡ്വൈസര്‍ പെണ്ണുമ്പിള്ള വീട്ടില്‍ വിളിച്ചു ചോദിക്കുകയും ചെയ്യും...അമ്മക്ക്‌ അതൊരു ശീലമയെങ്കിലും...ആ ചേട്ടത്തി ദിവസവും എന്റെ വീട്ടിലേക്ക്‌ എസ്‌ റ്റി ഡി വിളിക്കുന്നതിന്റെ ബില്ല് അണ പൈസ വിടാതെ ഞാനും കൂടെ ഡ്യു എന്നും പറഞ്ഞ്‌ അടക്കേണ്ടിവരും... എന്തിനു വെറുതെ പാഴ്ച്ചിലവ്‌ എന്നോര്‍ത്തു മാത്രാണു അതിരാവിലെ 8 മണിക്കു എഴുനേല്‍ക്കുന്നതു...

സോഫ്റ്റുവെയര്‍ കമ്പനികള്‍ മില്ല്യണ്‍ ഡോളര്‍ വാങ്ങി ചെയിതു കൊടുക്കുന്ന പ്രോജക്ടിന്റെ റിക്വ്യര്‍മെന്റ്സ്‌ കണക്കാണ്‌ പ്രാക്റ്റികല്‍സിനു ഞങ്ങള്‍ക്കു തരുന്ന എക്സര്‍സൈസിന്റെ റിക്വ്യര്‍മെന്റ്സ്‌...വിന്‍ഡോസ്‌ ഒ എസ്‌ ന്റെ കോഡ്‌ മൈക്രോസോഫ്റ്റില്‍ നിന്നു കൊണ്ടുവന്നു കൊടുത്താലും... അതു മൊത്തം തെറ്റാണെന്നു പറഞ്ഞ്‌ വലിച്ചെറിയും ഞങ്ങളുടെ ലച്ചറര്‍മാര്‍....ആദ്യമൊക്കെ ഉറങ്ങാതെ എല്ലവരും കമ്പ്യൂട്ടറിന്റെ മുന്നില്‍ കുത്തിയിരുന്നു തലപുകക്കും... പിന്നെ അതെല്ലാം മതിയാക്കി...ഫയര്‍വാള്‍ എങ്ങനെ ബ്രേക്ക്‌ ചെയ്യാം....എറ്റവും പുതിയ സിനിമ എവിടെന്നു ഡൗണ്‍ലോഡ്‌ ചെയ്യാം...കോളേജുകാര്‍ ബ്ലോക്ക്‌ ചെയ്യാത്ത പ്രോക്സി ഇനി വല്ലതും ഉണ്ടോ?????...വല്ലവനും ബുദ്ധി ഉപയോഗിച്ചു ചെയിതിരിക്കുന്ന പ്രോഗ്രാമുകള്‍,അവന്റെ അത്മാവ്‌ പോലും തിരിച്ചറിയാത്ത രീതിയില്‍ എങ്ങനെ കോപി പെയിസ്റ്റ്‌ ചെയ്യാം..... ഇമ്മാതിരി കാര്യങ്ങളില്‍ ശ്രദ്ധ കേന്ദ്രികരിക്കും...എതൊക്കെ കഴിഞ്ഞു ഞങ്ങള്‍ ഉറങ്ങുമ്പോള്‍ സമയം എന്തായാലും 5 മണി കഴിഞ്ഞിട്ടുണ്ടാവും... അപ്പോള്‍ 8 മണി അതിരാവിലെ തന്നെയല്ലേ???

എന്തായാലും ബക്കറ്റും ചുമന്ന് അവിടെ വരെ പോയതല്ലേ, പല്ലിനു പേയിസ്റ്റും ബ്രുഷ്ം കാണിച്ചു കൊടുത്തിട്ട്‌, റൂമിലേക്കു പാഞ്ഞെത്തും... ഇനി അലക്കി വെച്ചിരിക്കുന്ന ചുരിദാര്‍ എടുത്തിടും എന്നണു നിങ്ങള്‍ കരുതിയെങ്കില്‍ തെറ്റി....അലമാരിയില്‍ വാരികൂട്ടി ഇട്ടിരിക്കുന്ന തുണികളില്‍,ചുരിദാറുകള്‍ക്ക്‌ താഴത്തെ ഭാഗം ഉണ്ടെങ്കില്‍ മുകളിലെത്തെ ഭാഗം കാണില്ല, മുകളിലത്തെ ഭാഗം ഉണ്ടെകില്‍ താഴത്തെ ഭാഗം കാണില്ല... പിന്നെ ഒറ്റ ഒട്ടമാണു ചുക്കിലിയടിക്കുന്ന മുളംകമ്പ്‌ ലക്ഷ്യമാക്കി... അതു കിട്ടികഴിഞ്ഞാല്‍ അടുത്ത ലക്ഷ്യം രണ്ടാഴച മുമ്പു തുണി അലക്കി ഇട്ടിടത്തേക്കാണ്‌... തീര്‍ച്ചയായും ഞാന്‍ തപ്പി വന്ന ചുരിദാറിന്റെ ഭാഗം രണ്ടാഴചയായി എന്നെയും കാത്ത്‌ സണ്‍ ഷെയിഡില്‍ കിടപ്പുണ്ടാവും... അതിനെ സ്നേഹപൂര്‍വം കുത്തിയെടുത്ത്‌ റുമില്‍ തിരിച്ചു വരുമ്പോള്‍ മണി 8:10...പിന്നെ സണ്‍ ഷെയിഡില്‍ നിന്നു ഖ നനം ചെയിത്‌ കൊണ്ടു വന്ന ചുരിദാറില്‍ വന്യജീവികള്‍ ഒന്നും ഇല്ലന്നു ഉറപ്പുവരുത്തി, അതെടുത്ത്‌ ഫിറ്റ്‌ ചെയ്യും....പല്ലുതേക്കുന്നതിനിടെ റ്റൗവല്‍ ഒന്നു വെള്ളത്തില്‍ കുതിര്‍ത്ത്‌ കൊണ്ട്‌ വന്നിട്ടുണ്ട്‌, അതുവെച്ചു മുഖത്തു ഒരു പിടി പിടിച്ചാല്‍ കുളിച്ചിട്ട്‌ ഒരാഴ്ച്‌ ആയെന്ന് ആരും പറയില്ല...

'പിന്നേ.... ഈ മരം കോച്ചുന്ന തണുപ്പത്ത്‌ ഞാന്‍ കുളിക്കാന്‍ പോണ്‌... അല്ലങ്കിലും മലയാളികളുടെ ശീലങ്ങള്‍ എനിക്ക്‌ തീരെയില്ല...'

അടുത്തിനി ബുക്ക്‌ അന്വേഷിക്കലാണ്‌... അഞ്ചു സെമസ്റ്ററിലെ 25 പേപ്പര്‍സിന്റെ നോട്ട്‌ സ്‌ ഒറ്റ നോട്ട്ബുക്കിലാണു എഴുതി വീട്ടുകാര്‍ക്ക്‌ ചിലവു ചുരുക്കികൊടുത്തത്‌......കട്ടിലിന്റെ അടിയില്‍ കയറി ഒരു ഖ നനം കൂടെ നടത്തി നോട്ട്‌ തപ്പിയെടുത്ത്‌, പൂട്ടും താക്കോലും കണ്ടു പിടിച്ചു മുറി പൂട്ടി ലിഫ്റ്റില്‍ കയറി താഴെ വരുമ്പോഴായിരിക്കും..."ടി പന്നി.... വെയറിസ്‌ യോര്‍ ഐ ഡി കര്‍ഡ്‌???"എന്നു എതെങ്കിലും പന്നി ചോദിക്കുന്നത്‌,(നാട്ടില്‍ ഫ്രണ്ട്‌സിനെ 'എടാ' 'എടോ','ഇയാള്‍','കുട്ടി' എന്നൊക്കെ ജാടക്ക്‌ വിളിച്ച്‌ നടന്നതാണ്‌, പക്ഷേ,ഇവിടെ, പട്ടി,പന്നി,പുല്ല്‌,തെണ്ടി,ചെറ്റ...(നോട്ട്‌ ദ പൊയിന്റ്‌- ഹോസ്റ്റലില്‍ മാത്രം, പുറത്ത്‌ 'വളരെ ഡീസന്റാണ്‌!!!'))ഇനിയും ലിഫ്റ്റില്‍ കയറാന്‍ നിന്നാല്‍ എഞ്ചിനിയറിംഗ്‌ കുഞ്ഞുങ്ങളുടെ കൈ കൊണ്ട്‌ രക്തസാക്ഷി ആകേണ്ടിവരും...അല്ലങ്കിലേ ഞങ്ങള്‍ ശത്രുക്കളാണ്‌!!! 30 സെക്കന്റ്‌ കൊണ്ട്‌ നാലു നിലയും കയറി ഒരു തിരച്ചില്‍ കൂടെ നടത്തി ഐ ഡി കാര്‍ഡ്‌ കണ്ടെടുത്ത്‌ കഴുത്തിലണിഞ്ഞ്‌... ചാടി ഒടി താഴെവന്നാല്‍ അടുത്ത ഒട്ടം മെസ്സിലേക്കാണ്‌..അവിടെ ചെന്നു ഉന്തി തള്ളി 4 ബ്രഡും 2 സ്പൂണ്‍ ജാമും എടുത്തിട്ടു അടുത്ത ഒട്ടമാണു കോളേജിലേക്ക്‌...പോകുന്ന വഴിക്കു ബുക്ക്‌ കക്ഷത്തില്‍ വെച്ചിട്ടു ബ്രഡ്‌ സ്ലൈസ്സില്‍ വിരളുവെച്ചു ജാം സ്പ്രേഡ്‌ ചെയിതു കഴിച്ചു കഴിച്ചണ്‌ ഓടുന്നത്‌...കഴിച്ചു കഴിഞ്ഞു വിരള്‍ നക്കി വൃത്തിയാക്കി കൈയ്യില്‍ ഇട്ടിരുന്ന ഹെയര്‍ ബാന്റ്‌ എടുത്ത്‌ മുടികെട്ടി, ഷാളും പിന്‍ ചെയ്യിത്‌ കഴിയുമ്പോള്‍ മുക്കാല്‍ കിലോമീറ്റര്‍ ഒടി അസ്സംബ്ലി ഹാളില്‍ എത്തിയിട്ടുണ്ടാവും... സമയം കൃത്യം 8:25...

ഇതു എന്റെ മാത്രം ദിനചര്യയല്ല.. ഞങ്ങള്‍ എല്ലാവരും ഇങ്ങനെ ആയിരുന്നു...എന്നും രാവിലെയും ഉച്ചക്കും വൈകീട്ടും കോളേജിലേക്കും ഹോസ്റ്റലിലേക്കും 4 മാരത്തോണ്‍ റെയിസ്‌...5 അവ്വര്‍ ക്ലാസ്സ്‌ കഴിഞ്ഞു 12:20, അടിത്ത മാരത്തോണ്‍ ഹോസ്റ്റലിലേക്ക്‌... ലഞ്ച്‌ ബ്രേക്ക്‌... മെസ്സില്‍ ഞങ്ങള്‍ 33 പേരും ഒരുമിച്ചിരുന്നാണ്‌ ഊണു കഴിക്കറു... ഞങ്ങള്‍ പല ഭാഷക്കരും,വേറെ വേറെ മെനുവും ആയിരുന്നെങ്കിലും.. തീറ്റ കര്യത്തില്‍ ഞങ്ങള്‍ ഭാരതീയരായിരുന്നു... പണ്ട്‌ ആരെങ്കിലും ലഞ്ച്‌ ബോക്സില്‍ കൈയ്യിട്ടാല്‍ ഒക്കാനം വരുമായിരുന്നു എനിക്ക്‌...പക്ഷേ അവിടെ ഏത്‌ സംസ്ത്ഥാനകാരി ചവട്ടി കുഴച്ചു വെച്ചലും,മെസ്സിലെ ടി വി യില്‍ , അട്ടയേയും പുഴുവിനെയും,ഞാഞ്ഞൂലിനേയും കണ്ടു കണ്ട്‌, ഞങ്ങള്‍ അവളുടെ പ്ലയിറ്റില്‍ നിന്നു ഒരേമനസ്സോടെ വാരി കാഴിക്കുമായിരുന്നു....തിരിച്ചു വീണ്ടും ക്ലാസ്സ്സിലേക്കു 3/4 കിലോമിറ്റര്‍ ഒട്ടാമല്‍സരം, വീണ്ടും 3 അവ്വര്‍ ക്ലാസ്സ്‌... 4 മണിക്ക്‌ തിരിച്ചു വീടും മെസ്സിലേക്കു.... ചായയും സൊറ പറയലും.. പിന്നെ...അക്കമാരുടെ കണ്ണുവെട്ടിച്ചു സ്നക്ക്സ്‌ അടിച്ചുമറ്റല്‍ ആണു പ്രധാനവിനോദം... മോഷണവസ്തുവിന്റെ പങ്ക്‌ ഒരു നുള്ള്‌ ആയാലും അതിന്റെ സ്വാതൊന്നു വേറേ തന്നാല്ലേ???

നേരെ റൂമിലേക്ക്‌ കയറി സി പി യു ന്റെ മോന്തക്കിട്ട്‌ കുത്തിയിട്ട്‌.. അതിന്റെ മുന്നില്‍ അടയിരിക്കാന്‍ തുടങ്ങിയാല്‍ ഡിന്നര്‍ സമയമാകുമ്പോഴേ എഴുനേല്‍ക്കൂ.... പത്തു പേര്‍ക്കു കയറാനുള്ള ലിഫ്റ്റില്‍ 20 പേരു ഉന്തിതള്ളി കയറും, ഗ്രവുഡ്‌ ഫ്ലോറിനു പകരം പാതാളത്തില്‍ പോയി നില്‍കുന്ന ലിഫ്റ്റില്‍ പത്തിരുപതു മിനുറ്റ്‌ ശ്വാസം മുട്ടി 'എന്‍ ജോയ്‌' ചെയ്യുമ്പോള്‍ ഞങ്ങള്‍ പമ്പ്‌ എന്നു വിളിക്കുന്ന ബ്ലോക്ക്‌ വര്‍ഡന്‍ സര്‍വസന്നഹവും ആയി വന്നു ഞങ്ങളെ എണ്ണി പുറത്തെടുത്ത്‌ വരി വരിയായി നിര്‍ത്തി പത്തി വിടര്‍ത്തി ഒറ്റ ചീറ്റലാണു..."ഗേര്‍സ്‌.. ഹൗ മെനി ടൈംസ്‌ ഐ ഹാവ്‌ റ്റോള്‍ഡ്‌ യു???????....."എന്നും പറഞ്ഞു പമ്പു ചീറ്റാന്‍ തുടങ്ങിയാല്‍ മെസ്സില്‍ ആഹരം തീരുന്നതു വരെ ഫയറിംഗ്‌... ഞങ്ങള്‍ കൈ കെട്ടി തല 90 ഡിഗ്രീ താഴ്‌ത്തി മാക്സിമം കുറ്റബോധം മുഖത്തു വരുത്തി അങ്ങനെ പഞ്ചപാവമായി നില്‍കും...പാമ്പ്‌, ഞങ്ങള്‍ക്കും വീട്ടുകര്‍ക്കും ചേര്‍ത്തു ചീത്ത വിളിക്കും... പോരാഞ്ഞിട്ട്‌ റജിസ്റ്റര്‍ നമ്പര്‍ വെച്ചു അപ്പോളജി ലെറ്ററും എഴുതി കൊടുക്കണം.. ഞങ്ങള്‍ 33 പേര്‍ മാത്രം, തൂക്കിനോക്കിയാല്‍ ഒരു 2 ക്യുന്റല്‍ പേപ്പര്‍, അപ്പോളജി ലെറ്റര്‍ എന്നു പറഞ്ഞു ആ പണ്ടാരകാലിക്ക്‌ കൊടുത്തിട്ടുണ്ട്‌.... വാര്‍ഡന്‍ എന്നു പറഞ്ഞാല്‍ വയസ്സി ഒന്നും അല്ല കേട്ടോ???? ഞങ്ങളെകാളും കഷ്ടിച്ചു 5 വയസ്സിനു മൂപ്പേ അവര്‍ക്കുള്ളു...കലാപരിപാടി ഒക്കെ കഴിഞ്ഞു ഒടി മെസ്സില്‍ ചെല്ലുമ്പോള്‍, അതു പൂട്ടിയിട്ടുണ്ടാവും.. പിന്നെ അടുക്കളയില്‍ ചെന്ന്.."പസിക്കിത്‌ അക്കാ.. എതാവത്‌ ഇറുക്കാ..." എന്നു യാചിച്ച്‌ വാങ്ങുന്ന ചപ്പാത്തിയില്‍ പഴം വെച്ച്‌ കഴിക്കാന്‍ തുടങ്ങുമ്പോ.. സ്റ്റഡി അവ്വര്‍ നു സൈറന്‍ അടിക്കും...

8:30 മുതല്‍ 10:30 വരെ ഞങ്ങള്‍ക്ക്‌ സ്റ്റഡി അവര്‍ ആണു...ആ രണ്ടു മണിക്കൂര്‍ ഇരുന്നു പഠിക്കണം എന്നാണ്‌...

'പിന്നേ...പഠിക്കാന്‍ പോണ്‌...'
ശരിക്കും അതു,5500 എണ്ണവും കോമ്പൗഡിലുണ്ടോന്നു തല എണ്ണാന്‍ വരുന്ന സമയമാണു...സ്വന്തം റൂമില്‍ വാതിലും തുറന്നിട്ട്‌ ഇരുന്ന് പഠിക്കണം, മൊബൈല്‍ സ്വിച്ച്‌ ഓഫ്‌ ചെയ്യണം, എന്നാണൊക്കെ ആണു റൂള്‍സ്‌... എനിക്കണെങ്കില്‍ രണ്ടുമണിക്കൂര്‍ ബൂക്കും തുറന്നിരിക്കുന്ന കാര്യം അലോചിക്കാന്‍ പോലും കഴിയില്ല..

8:30 കഴിഞ്ഞാല്‍ മാം എപ്പോള്‍ വേണമെങ്കിലും വരാം ....ഞങ്ങള്‍ എല്ലാവരും പുറത്തു നിന്നു നോക്കിയാല്‍ കമ്പ്യൂട്ടര്‍ ഓണ്‍ ആണെന്നു അറിയാത്ത രീതിയില്‍ റും സെറ്റ്‌ ചെയിതിരുന്നു... മാം റൗണ്ട്സിനു ഇറങ്ങുമ്പോള്‍, മാമിന്റെ എതിരെ ഉള്ള റൂമിലെ കാതറീന്‍ നെറ്റുവര്‍ക്കിങ്ങിന്റെ അനന്തസാധ്യതകളെ മുതലാക്കികൊണ്ട്‌"പിസാസ്‌ വറുത്‌" എന്നു ലാന്‍ മെസ്സാഞ്ചറില്‍ എല്ലാവര്‍ക്കും മെസേജ്‌ അയക്കും.. ഞങ്ങള്‍ എല്ലാം നല്ല കുട്ടികളായി മൊണിറ്റര്‍ ഒഫ്‌ ചെയിതു, എതെങ്കിലും ബുക്ക്‌ തുറന്നു വെച്ചു പഠിച്ചു മരിക്കും.....

അതൊന്നും അധികകാലം നീണ്ടു പോയില്ല...എം സി എ ഡിപാര്‍ട്ടുമെന്റിലെ പുലിയായിരുന്നു റബേക്ക മാം...പുള്ളികാരി കള്ളപേരില്‍ ലാന്‍ മെസ്സഞ്ചറില്‍ ഉണ്ടായിരുന്നു..."പിസാസ്‌ വറുത്‌" മെസേജ്‌ പൂള്ളികാരിക്കും മുറക്ക്‌ കിട്ടുന്നുണ്ടായിരുന്നു...ഒരു ദിവസം കാതറിന്റെ മെസേജും നോക്കി ഇരുന്ന ഞങ്ങളുടെ സ്ക്രീനില്‍ " ഇന്നേക്ക്‌ ...നിജമാന പിസാസ്‌ വറുത്‌-റബേക്ക" എന്നു പറഞ്ഞു ഒരു വിന്‍ഡോ വന്നു..... അന്നു ഞങ്ങള്‍ക്കു പൂരമായിരുന്നു...33 നെയും നിരത്തി നിര്‍ത്തി ഫൈയറിംഗ്‌...ഞങ്ങള്‍ പതിവുപോലെ പോലീസ്‌ സ്റ്റഷനില്‍ പ്രതി നില്‍ക്കുന്നതു പോലെ കൈ കെട്ടി കുനിഞ്ഞങ്ങ്‌ നിന്നു....ഞങ്ങള്‍കിതൊന്നും പുത്തരിയായിരുന്നില്ല..... കോളേജിലെ "സൂപ്പര്‍ 'മോസ്റ്റ്‌' സീനിയര്‍സ്‌!!!" നെ കണ്ട്‌ എഞ്ചിനീയറിംഗ്‌ കുഞ്ഞുങ്ങള്‍ ചീത്തയാവുന്ന് എന്നു....!!! പിന്നേ....ഇള്ള കുഞ്ഞുങ്ങളല്ലേ.......എന്തായാലും അന്നു മുതല്‍ കമ്പ്യൂട്ടര്‍ ഓഫ്‌ ആണോന്നു മാം റൂമില്‍ കയറി നോക്കാന്‍ തുടങ്ങി....

അങ്ങനെ 2 മണിക്കൂര്‍ ബുക്കിനു മുന്നില്‍ ഇരിക്കാന്‍ ഞങ്ങള്‍ നിര്‍ബബ്ദിതരായി...അങ്ങനേയിരിക്കുമ്പോഴാണ്‌...ആ സമയത്തു 'ടോയിലറ്റില്‍ പോകുന്നു' എന്നു പറഞ്ഞാല്‍ മാം ഒന്നും പറയില്ലന്ന് ഞങ്ങള്‍ മനസ്സിലാക്കിയത്‌,അങ്ങനെ....'ഖരമാലിന്യങ്ങള്‍ ഇറക്കുമതി' ചെയ്യാന്‍ പറ്റിയ സമയം സ്റ്റഡി അവ്വര്‍ ആണെന്നു കണ്ടെത്തി... ഞങ്ങളുടെയൊക്കെ മുറിയെകാളും വൃത്തിയാണു അവിടത്തെ ടോയ്‌ലറ്റുകള്‍... അതു കാരണം പോയ കാര്യം കഴിഞ്ഞാലും അവിടെ ഇരുന്നു സ്വപ്നം ഒക്കെ കണ്ട്‌...ഒന്നൊന്നര മണിക്കൂര്‍ കഴിഞ്ഞാണു തിരിച്ചുള്ള യാത്ര..അങ്ങനേ സ്വപ്നം കണ്ട്‌ ബോറടിച്ചപോ... 'എന്തുകൊണ്ടു മൊബൈല്‍ കുടെ എടുത്തിട്ടു വന്നുകൂട' എന്നൊരു ആശയം എന്റെ മനസ്സിലുതിച്ചത്‌...,എനിക്കാണെങ്കില്‍ അന്ന് സാധാരണ 'നോര്‍മലയിട്ടുള്ള മനുഷ്യര്‍!!' വെക്കാത്ത റിംഗ്‌ ടോണുകളുടെ ഒരു വന്‍ശേഖരം തന്നെ ഉണ്ടായിരുന്നു...അംബുലന്‍സിന്റെ ശബ്ദവും, അട്ടഹാസവും.... അങ്ങനെ കുറെ...അതില്‍ 'ബുഹഹഹഹഹഹഹ.....' എന്നു പറഞ്ഞു ഒരു കൊലച്ചിരിയായിരുന്നു മെസേജിന്റെ റിംഗ്‌ ടോണ്‍....

അങ്ങനെ അടുത്ത ദിവസം മുതല്‍ ഇറക്കുമതി ചെയ്യന്‍ പോകുമ്പോള്‍ മൊബൈല്‍ എടുത്തു ഡ്രസ്സിന്റെ ഉള്ളില്‍ വെച്ചുകൊണ്ടുപോയി തുടങ്ങി...ഒരിക്കല്‍ ഞങ്ങളെ ബത്ത്രുമിന്റെ മുന്നില്‍ കണ്ടപ്പോള്‍..മാം ഞങ്ങളോട്‌ " വാട്ട്‌ ഹാപ്പാന്റ്‌ ഗേള്‍സ്‌??? " എന്ന് ചോദിക്കുകയും ഞങ്ങള്‍ കോറസായി പച്ച്ക്ക്‌ " ലൂസ്‌ മോഷന്‍ മാം " എന്നു പറയുകയും ചെയിതു....പാവം കുട്ടികള്‍ക്ക്‌ ഇപ്പോഴത്തെ ആഹാരം തീരേ ശരിയാവുന്നില്ല എന്ന ദുഖത്തോടെ മാം പോയി...അങ്ങനെ സ്റ്റഡി അവ്വര്‍, എന്നെ അനുഗമിച്ചു എല്ലവരും ടോയ്‌ലറ്റില്‍ അഭയം പ്രാപിച്ചു തുടങ്ങി.

ഞങ്ങള്‍ക്ക്‌ ടോയ്‌ലറ്റില്‍ കയറി ഇരുന്ന് മൊബൈല്‍ സയിലന്റ്‌ മോഡിലിട്ട്‌ അടുത്ത ടോയ്‌ലറ്റില്‍ ഇരിക്കുന്നവള്‍ക്ക്‌ ചോറിയുന്ന മെസേജ്‌ അയച്ചു പ്രകോപിക്കലാണ്‌ പരിപാടി... സമയം പോകണ്ടേ??????? അങ്ങനെ ഒരു ദിവസം ഗ്രൗഡ്‌ ഫ്ലോറിലെ ടോയ്‌ലറ്റില്‍ ഇരിക്കുന്ന എം ബി എ ക്കാരി ഷെറിനും ആയിട്ട്‌ ഒരു ഗുരുതര പ്രശ്നത്തിനെ കുറിച്ചു തുരു തുരെ എസ്‌ എം എസ്‌ അയച്ചു തകര്‍ക്കുയായിരുന്നു... അവസാനം

"എടി ഞാന്‍ റൂമില്‍ ചെന്നിട്ട്‌ മെസേജ്‌ അയക്കാം അതുവരെ ഇങ്ങോട്ടൊന്നും അയക്കല്ലേ"...

ഓകേ... ന്നു അവളും റിപ്ലേ അയച്ചു...

ഞാന്‍ മൊബൈല്‍ ജനറല്‍ മോഡിലാക്കി ടി ഷര്‍ട്ടിന്റെ ഉള്ളില്‍ ഇട്ട്‌,താഴെ പോകില്ലാന്ന് ഉറപ്പുവരുത്തി... പതിയെ ടോയ്‌ലറ്റില്‍ നിന്നു ഇറങ്ങി..വരാന്തയില്‍ കൂടെ നടന്നപോഴുണ്ട്‌ അങ്ങ്‌ ദൂരെന്ന് മാം എതിരേ വരുന്നുണ്ട്‌... അല്ലങ്കിലും എന്റെ മൊബൈലിലേക്കു കോള്‍സ്‌ ഒന്നും വരത്തത്‌ കാരണം 'ശവപെട്ടി' എന്നണ്‌ ഫ്രണ്ട്‌സ്‌ വിളിച്ചിരുന്നത്‌...അമ്മ എങ്ങാനും വിളിക്കുന്നതിന്റെ 'അംബുലന്‍സ്‌ റിംഗ്‌' കേട്ടല്‍ എല്ലരും ഒടി എന്റെ റൂമില്‍ വന്നു കയ്യടിയും ബഹളവും ആയിരിക്കും,'ശവപെട്ടിയില്‍ ഒരു കോള്‍ വന്നതിന്റെ ആഘോഷം' ആകെ ഉള്ളതു, ഫ്രീ മെസേജിന്റെ ഇടപാട്‌ മാത്രം....ഈ രണ്ട്‌ മിനിറ്റ്‌ കൊണ്ട്‌ എന്നെ ആര്‌ വിളിക്കനാ???, വയറോഴിഞ്ഞ ക്ഷീണത്തില്‍ ഞാന്‍ എങ്ങനെ നടന്നു എതാണ്ട്‌ മാമിന്റെ അടിത്തെത്തിയതും,കറണ്ട്‌ പോയതും,ഷെറിന്റെ പെന്റിഗില്‍ കിടന്ന മെസേജ്‌ വന്നതും,എന്റെ വയറ്റിലു ലൈറ്റുകത്തിയതും ,വയറ്റിന്ന് "ബുഹഹഹഹഹഹ..."ന്നു അട്ടഹാസം വന്നതും ഓരുമിച്ചായിരുന്നു...

ഒറ്റ നിമിഷം കൊണ്ട്‌ ഞാന്‍ നിന്നു പ്രതിമയായി പോയി...

" ഇതാണല്ലേ നിനക്കൊക്കെ അതിന്റകത്ത്‌ പരിപാടി????"

എന്നു പറഞ്ഞിട്ട്‌ എന്റെ മൊബൈലും പിടിച്ചുവങ്ങിച്ചു മാം നേരെ ടോയ്‌ലറ്റിലേക്ക്‌ വിട്ടു... ചതിച്ചോ കര്‍ത്തവേ പത്തിരുപതു പേരു അതിനകത്തുണ്ട്‌.... എല്ലാത്തിനെയും അതിനകത്തു നിന്നു വിളിചിറക്കി.... പതിവു പോലെ വരിയായി നിര്‍ത്തി ഫയറിംഗ്‌.... എല്ലാവരുടെയും മൊബൈല്‍ പിടിച്ചെടുത്തു...

" ഇനി മേലാല്‍ നിന്നെയൊന്നും ടോയ്‌ലറ്റില്‍ കണ്ടുപോകരുത്‌..."...
എന്റെ മുന്നില്‍ വന്നു നിന്നിട്ട്‌ ഒരു അലര്‍ച്ച.."എസ്പെഷ്യലി യൂൂൂൂൂൂൂൂൂൂൂൂൂ"

പാവം ഞാന്‍ ഇറക്കുമതിയുടെ സമയം ഫലപ്രദമായി വിനിയോഗിച്ചതിനണോ ഈ ശിക്ഷ????? ഇത്തവണ അപോളജി ലെറ്ററിനു പുറമെ മാം ഞങ്ങളുടെ മൊബൈലുകള്‍ കോളേജ്‌ ഓഫീസില്‍ കൊടുത്തു... എട്ടു പത്തു അപ്പോളജി ലെറ്റര്‍ എഴുതേണ്ടിവന്നു മൊബൈല്‍ തിരിച്ചു കിട്ടാന്‍, അവിടത്തെ നിയമപ്രകാരം സസ്പെന്‍ഷന്‍ വരെ കിട്ടാവുന്ന മഹാപരാതമാണു ഞങ്ങള്‍ ചെയിതത്‌...!!!

അതിനു ശേഷം മാമിനു എന്നോട്‌ ഒരു പ്രത്യേക വാത്സല്യമായിരുന്നു... എന്നെ കണ്ടാല്‍, കാള ചുവന്ന തുണി കണ്ടതു പോലേയാണു....ഓടി പാഞ്ഞു വന്നു ചങ്കില്‍ കൊള്ളുന്ന രണ്ടു ഡയലോഗ്‌ അടിച്ചില്ലങ്കില്‍ അവര്‍ക്ക്‌ ഉറക്കം വരില്ലായിരുന്നു...

ഞങ്ങളെ ക്ലാസ്സില്‍ ആണ്‍കുട്ടികളുടെ മുന്നില്‍ വല്ല കൊനഷ്‌ട്ട്‌ ചോദ്യവും ചോദിച്ച്‌ എഴുനേല്‍പ്പിച്ചു നിര്‍ത്തി,ഹോസ്റ്റലില്‍ നീയൊക്കെ അങ്ങനെ ചെയിതില്ലേ,ഇങ്ങനെ ചെയിതില്ലേന്നു പറഞ്ഞ്‌ നാണം കെടുത്തല്‍ അവര്‍ക്കു ഹോബിയായിരുന്നു... അതിന്റെ വാശിക്കു ഒരിക്കല്‍ അവരുടെ മുറിയില്‍ ഷോര്‍ട്ട്‌ സര്‍ക്യുട്ട്‌ കാരണം തീ പിടിച്ച്‌ എന്തൊക്കെയോ പുകഞ്ഞു പോയപ്പോള്‍ ഞങ്ങള്‍ ആ വഴിക്കു പോലും പോയില്ല...!!! അതെല്ലാം മാര്‍ക്കില്‍ കാണാനുണ്ടയിരുന്നു...33 നും ബൈനറി ഡിജിറ്റ്‌ മാര്‍ക്ക്‌!!!

കോഴ്സു കഴിഞ്ഞു, ജയില്‍ മോചിതരാകുന്നതിന്റെ സന്തോഷത്തില്‍ അവിടെ കിടന്നു അറുമാതിച്ചതിന്റെ ദേഷ്യത്തില്‍, യാത്ര പറയാന്‍ ചെന്നപ്പോള്‍..." നീ ഒന്നും ഒരു കാലത്തും ഗുണമ്പിടിക്കുലടീീീീ...." എന്ന് അനുഗ്രഹിച്ചു മാം........

ഒരു കാര്യം ഉറപ്പാണ്‌ മാം ജീവിതത്തില്‍, ഞങ്ങളെ മറക്കില്ല !!! ഹോസ്റ്റല്‍ മിസ്സ്‌ ചെയ്യുന്നു,അതിനെക്കാളുപരി മാമിനെ, മാമില്ലായിരുന്നെങ്കില്‍ ഞങ്ങളുടെ ഹോസ്റ്റല്‍ ലൈഫ്‌ സംഭവബഹുലം ആവില്ലായിരുന്നു....

അറുബോറന്‍ ഓണവും അപരിചിതരും

2008-10-05T23:17:00.000-07:00

ഈ കഴിഞ്ഞ ഗാന്ധി ജയന്തി ദിവസമായിരുന്നു, ഞങ്ങളുടെ റെസിഡന്‍സ്‌ അസ്സോസിയേഷന്‍ , ഓണം ആഘോഷിച്ചത്‌. നഗരത്തിലെ പതിവ്‌ ഓണഘോഷം....ഒരു പൂക്കളവും, സദ്യയും പിന്നെ ഒരു മീറ്റിങ്ങും.... എല്ലാം ഒരു ഹാളില്‍ വെച്ച്‌...

ഈ ഓണം എന്ന് പറയുന്ന സംഭവം ടി വി യില്‍ കണ്ട്‌ മാത്രമേ പരിചയം ഉള്ളു.പിന്നെ കോളേജില്‍ പോയത്തില്‍ പിന്നെയാണ്‌ പുക്കളം ഇടുന്നത്‌ കാണുന്നതും (പൂക്കളം ഇടാനുള്ള ഭാഗ്യം ഇത്‌ വരെ കിട്ടിയിട്ടില്ല),വടം വലിയും,പുലികളിയും ഒക്കെ കാണുന്നതും.

തിരുവോണത്തിനു വീട്ടില്‍ സദ്യ ഉണ്ടാവും,..പിന്നെ 2.5 മണിക്കൂറിന്റെ സിനിമ 5-6 മണിക്കൂര്‍ കൊണ്ട്‌ ഏഷ്യനെറ്റിലോ,സൂര്യ ടി വി യിലോ കാണും... അതാണ്‌ ഞങ്ങളുടെ ഓണം..പിന്നെ നമ്മുടെ സര്‍ക്കാര്‍ വക ഓണം വാരഘോഷം, അതും ജീവിതത്തില്‍ ആദ്യമായിട്ട്‌, ഇത്തവണ പോയി... ഡാഡിയും അമ്മയും തിരുവന്തപുരം സിറ്റിയുടെ രണ്ട്‌ ഭാഗത്ത്‌ ഉള്ളവരായിരുന്നത്‌ കാരണം 'നാട്ടില്‍ പോവുക' എന്നൊരു പ്രതിഭാസത്തിനെ കുറിച്ച്‌ കേട്ടുകേള്‍വി മാത്രമേ ഉള്ളു.... അതു കൊണ്ടായിരിക്കാം ഇവിടത്തെ ഡ്രൈനേജ്‌ ഓടകളിലെ കുഞ്ഞു മീനുകള്‍, എനിക്ക്‌ കുറച്ചൊന്നുമല്ല അടി വാങ്ങി തന്നിരിക്കുന്നത്‌...അതിനെ പിടിക്കാന്‍ ഇറങ്ങിയാല്‍..."കയറെടീീീീീീ ഇങ്ങോട്ട്‌... ചൊറി വരും !!!!!" എന്നു പറഞ്ഞു അമ്മയുടെ കൈയ്യില്‍ നിന്നു നല്ല ചുട്ട അടിയും വാങ്ങിച്ചു പിടിക്കും.... തമ്പാനൂര്‍ വെള്ളം പൊങ്ങുമ്പോള്‍ അല്ലതെ മുട്ടറ്റം വെള്ളത്തില്‍ ഇറങ്ങിയ ഒരു ചരിത്രം എനിക്കില്ല!!!

ആലപ്പുഴയില്‍ കൂടി ട്രയിന്‍ പോകുമ്പോള്‍, എടുത്തങ്ങ്‌ ചാടിയാലോന്ന് അലോചിച്ചിട്ടുണ്ട്‌... ഹോ.... വെള്ളവും, വള്ളവും, മരവും,കൃഷി സ്ഥലവും,കുളവും, ആമ്പല്‍ പൂക്കളും... എന്റെ ദൈവമേ.... അതൊക്കെ കാണുമ്പോള്‍ ഉണ്ടാവുന്ന, ഒരു ഫീലിങ്ങ്സ്‌ പറഞ്ഞറിയിക്കാന്‍ പറ്റില്ല.... ഹൃദയം, ശരീരത്തില്‍ നിന്ന് ചാടി പുറത്ത്‌ വരുമോന്ന് തോന്നിപോകും...

ഒരു തിരുവോണത്തിനു പാലക്കാട്‌ വഴി യാത്ര ചെയ്യനുള്ള മഹാഭാഗ്യം എനിക്കുണ്ടായി.... അന്നാണ്‌, ഇതൊന്നും ടി വി യില്‍ ചുമ്മാ കാണിക്കുന്നതല്ല , ശരിക്കും ഉള്ളതാന്ന് മനസ്സിലായത്‌...ഞാന്‍ പൊങ്ങച്ചം പറയുവാണെന്ന് കരുതരുത്‌... എന്നെ പോലെ കുറേ മനുഷ്യജീവികള്‍ കേരളത്തിലുണ്ട്‌!!! എങ്ങാനും കല്യാണം കഴിക്കുകയാണെങ്കില്‍,ഒരു"നാട്ടുമ്പുറത്തുകാരന്റെ" ജീവിതം തന്നെ കുളം തോണ്ടണം......ഓരോരോ അഗ്രഹങ്ങളേ.....

ആ... പറഞ്ഞ്‌ വന്നത്‌ റെസിഡന്‍സ്‌ അസ്സോസിയേഷന്റെ ഓണാഘോഷം അല്ലേ?

ഉച്ചക്ക്‌ 1 മണിക്കാണ്‌ സദ്യ!!!

"പത്തഞ്ഞൂറു രൂപ കൊടുത്തതാ,രണ്ടു പേരെങ്കിലും പോയില്ലങ്കില്‍ കൊടുത്ത കാശ്‌ മുതലാവില്ല!!!!" എന്നു പറഞ്ഞ്‌ അമ്മ ഒരു വശത്ത്‌....

" ഞാന്‍ വരുന്നില്ല്ല്ല്ല്ല്ല്ല്ലാാാാാ" എന്നു പറഞ്ഞ്‌ എന്റെ ചക്കര അനിയത്തി റ്റിറ്റു ഒരു വശത്ത്‌...

ഞാന്‍ ആണെങ്കില്‍ പഠിച്ചു മുടിച്ച്‌,നാട്ടില്‍ കാലുകുത്തിയതില്‍ പിന്നെ നാട്ടുകാരെ മുഖം കാണിച്ചിട്ടില്ല...പോരാഞ്ഞിട്ട്‌, എന്നെ കണ്ടാല്‍ ഉടനെ പുരനിറഞ്ഞ്‌,പുരയും ഇടിച്ച്‌ പൊളിച്ച്‌ നില്‍ക്കുവല്ലേന്ന് പറഞ്ഞ്‌ അമ്മയുടെ മനസമാധാനം കൂടി കളയും ഇവിടത്തെ ശുഷ്കാന്തികാര്‍...(കെട്ടി, കുട്ടികളും, കെട്ടിയോന്റെ ഇടിയും കൊണ്ട്‌ ജീവിക്കുമ്പോള്‍,പച്ച പനംതത്തയെ പോലെ പാറി പറന്നു നടക്കുന്ന എന്നെ കാണുമ്പോള്‍ സ്വാഭാവികമായും കണ്ണുകടി ഉണ്ടാവും....... എന്നെ എതെങ്കിലും അമ്മയും മോനും കൂടെ ഗ്യസ്‌ സിലിണ്ടര്‍ പൊട്ടിച്ച്‌ കൊന്ന്, വറുത്ത മത്തി പൊലെ മൂക്കില്‍ പഞ്ഞിയും വെച്ച്‌ പെട്ടിയില്‍ കിടക്കണത്‌ കാണാന്‍ എന്തൊരു ആഗ്രഹം!)

അവിടെ ചെന്നു വലിച്ച്‌ വാരി തിന്ന് ഇമേജിനു കോട്ടം തട്ടാന്‍ പാടില്ലല്ലോ... അതു കൊണ്ട്‌,രാവിലെ ഉണ്ടാക്കിയ ഇഡലിയും ചമ്മന്തിയും വെച്ചു വയറു ഫില്ല് ചെയിതു...ഒരു മലയാളി ലുക്ക്‌ വന്നോട്ടേന്ന് കരുതി, തലയില്‍ കാല്‍ കിലോ വെളിച്ചെണ്ണ തേച്ചു, ഒരു പള്ളിനീരാട്ടും നടത്തി.,സുന്ദരികുട്ടിയായി അമ്മയുടെ കൈയ്യും പിടിച്ച്‌ അവിടേക്കു കയറി ചെന്ന് ഞാന്‍ ഞെട്ടി...!!!

സംഭവം എന്താന്ന് നിങ്ങള്‍ക്ക്‌ മനസ്സിലായോ??? അവിടെ ഒറ്റ മനുഷ്യരെ എനിക്കറിയില്ല...
ഞങ്ങള്‍ അവിടെ 10-20 വര്‍ഷം മുമ്പ്‌ താമസിക്കാന്‍ വരുമ്പോള്‍ അക്കെ രണ്ട്‌ വീടാണ്‌ അവിടെ ഉണ്ടായിരുന്നത്‌... ഞങ്ങളുടെ വീടും പിന്നിലെ അങ്കമാലിക്കരുടെ വീടും,പിന്നെ കുറേ പഴയ താമസക്കരും...

അവിടെ രണ്ട്‌ കിലോമിറ്ററിനുള്ളില്‍, പല്ലിനു, കണ്ണിനു, അലര്‍ജിക്ക്‌, തൊലിക്ക്‌, ഹാര്‍ട്ടിന്‌, കാന്‍സറിനു മല്‍ട്ടി സ്പെഷ്യലിറ്റി,സൂപ്പര്‍ സ്പെഷ്യലിറ്റി... എന്നു വേണ്ട മോര്‍ച്ചറി വരെ ...അങ്ങനെ ഒരു പത്ത്‌ മുപ്പതു ആശുപത്രികള്‍, അവിടുത്തെ ഡോക്ടര്‍മാരൊക്കെ കൂട്ടതോടെ ഇവിടെ സ്ഥലം വാങ്ങി വീട്‌ വെച്ചു,അങ്ങനെ ഇതു ഒരു ഡോക്ടര്‍സ്‌ കോളനിയാക്കി... പിന്നെ...വാടകക്ക്‌ താമസിക്കുന്ന, ചികില്‍സക്ക്‌ വന്ന കുറേ മാലിദീവ്സ്‌ കാരും , കഴുത്തില്‍ മോഡേണ്‍ കോണകം കെട്ടിയ, ടെക്‌നോ പാര്‍ക്ക്‌ കുഞ്ഞുങ്ങളും... പഴയ താമസക്കരൊക്കെ സ്ഥലം ഒക്കെ വിറ്റിട്ട്‌ പോയി...ഈ മേല്‍പറഞ്ഞ ആര്‍ക്കും പരസ്പരം ഒരു പരിചയവുമില്ല.. എല്ലവര്‍ക്കും തിരക്കണ്‌... അപൂര്‍വം ചിലര്‍ക്ക്‌, ഒരോ വീട്ടിലും ആരൊക്കെ ഉണ്ടെന്ന് മാത്രം അറിയാം,അതും അസ്സോസ്സിയേഷന്‍ ഡയറക്ടറി നോക്കി കണ്ടുപിടിച്ചതാണ്‌...

അവിടെ നില്‍ക്കുന്നതില്‍ ഭൂരിപക്ഷവും ഞാന്‍ "ഉഫരി" പഠനത്തിന്‌ നാടുവിട്ടതില്‍ പിന്നെ താമസിക്കാന്‍ വന്നവരാണ്‌.... എല്ലാം നല്ല ചുള്ളന്മാരും ചുള്ളത്തികളും, പശു തലയില്‍ കൂടെ വാളു വെച്ചതു കണക്ക്‌ എണ്ണ തേച്ച്‌ 'കഞ്ഞി' മോഡല്‍ ഞാന്‍ മാത്രം!!!..പാവം ഞാന്‍... പറ്റിയ ഒരു പറ്റ്‌ നോക്കണേ... ആലിന്‍ പഴത്തിന്റെ സീസണ്‍ വന്നപ്പോള്‍ കാക്കക്ക്‌ വായില്‍ അള്‍സര്‍ എന്ന് കേട്ടിട്ടില്ലേ????? അതു തന്നെ..... എന്തോരം അടിപൊളി ചെക്കന്മാരാ.....നാടന്‍പട്ടിയുടെ വാല്‌ കുഴലില്‍ ഇട്ടല്‍ നിവര്‍ന്ന് വരൂമോ????ലാബ്രഡോറിന്റെ വാലു പിന്നെയും ശരിയാവും, ഞാന്‍ ഒന്നും ഇല്ലങ്കിലും 2500 പെണ്‍കുട്ടികള്‍ ഉള്ള ഹോസ്റ്റലില്‍ ജീവിച്ചതല്ലേ???? അണ്ണാനെ മരം കയറ്റം പഠിപ്പിക്കണോ??? അതു പോലെ പെണ്‍പിള്ളേരെ വായിനോട്ടവും!!!!

അമ്മക്ക്‌ എന്നെകാട്ടിലും 'ഹോള്‍ഡ്‌' ഉണ്ടായിരുന്നത്‌ കാരണം പരദൂഷണ കമ്മറ്റിയില്‍ ചേരുകയും ഞാന്‍ 'ആള്‍കൂട്ടത്തില്‍ തനിയെ' ആവുകയും ചെയിതു...

ഹോ..... എന്റെ ആത്മരോദനം ദൈവം കേട്ടിരിക്കുന്നു... ദേണ്ടേ..ഒടിവരണ്‌..എന്റെ 'ബായി'ഫ്രണ്ട്‌!!!!ഓടി വന്നു എന്നെ കേട്ടിപിടിച്ചു...അപ്പു...യൂ കേ ജി കാരന്‍, അവന്റെ പേരു പിന്നിലെ വിട്ടിലെ റേഷന്‍ കാര്‍ഡില്‍ ആണെങ്കിലും. ഫുള്ള്‌ ടൈം ഞങ്ങളുടെ അടുക്കളയില്‍ കാണും,ജെ സി ബി യും ടിപ്പര്‍ ലോറിയും കൊണ്ട്‌!!! ഇരുത്തിയാല്‍ മൂക്കും കുത്തി വീഴുന്ന പ്രായം മുതല്‍ ഞങ്ങളുടെ വീട്ടില്‍ ആണ്‌ തിറ്റയും കുടിയും ഉറക്കവും.... എന്റെ അമ്മയെ എന്നെക്കാള്‍ ആധികാരികമായി അവന്‍ 'അമ്മേ'ന്ന് വിളിക്കും....അവന്‍ അവന്റെ വീട്ടില്‍ ആയിരുന്നാലും, അമ്മ അടുക്കളയില്‍ ചപ്പത്തി ഉണ്ടാക്കുന്ന മണമടിച്ചല്‍ മതി..."അമ്മേ... മോനു പപ്പാത്തി വേനം" എന്ന് മതിലിനപ്പുറത്തു നിന്ന് ചോദിക്കുമായിരുന്നു......വയറു ഗ്ലോബ്‌ പോലെ ഇരുന്നലും അവനു ചപ്പാത്തി വേണം.

സദ്യക്ക്‌ നേരമാകുന്നത്‌ വരെ... ഞാനും അപ്പുവും കൂടി കൊച്ചുവര്‍ത്തനവും പറഞ്ഞങ്ങ്‌ നിന്നു!!!

സദ്യകഴിക്കന്‍ ഇരുന്നു, കേറ്ററിങ്ങുകര്‍ വിളമ്പി തന്നതില്‍ പരിപ്പ്‌ കറിയേയും മാങ്ങാ അച്ചാറിനെയും അല്ലതെ എനിക്ക്‌ വേറേ ആരെയും 'മുഖപരിചയം' തോന്നിയില്ല. അമ്മ അടുത്തിരുന്ന് "അഞ്ഞൂറു രൂപ കൊടുത്തതാ...അഞ്ഞൂറു രൂപ കൊടുത്തതാ.." ന്ന് ഒര്‍മിപ്പിച്ചുകൊണ്ടേയിരുന്നു.ഇഡലി തിന്നു നിറച്ച വയറ്റിലേക്ക്‌... ഇതു തന്നെ 'കയറ്റുമതി' ചെയിത പാട്‌ എനിക്കറിയാം.. അല്ലങ്കിലും സദ്യകഴിക്കുന്ന ഇലയെ കുരുതിക്കളം അക്കുന്നതിനോട്‌ എനിക്ക്‌ പണ്ടേ വിയോജിപ്പാണ്‌....

അങ്കിള്‍മാരും ആന്റിമാരുമൊക്കെ ആദിവാസി പിള്ളേരു ചക്കകൂട്ടാന്‍ തിന്നണകണക്ക്‌ ഫുള്‍ കോണ്‍സന്റ്രേഷന്‍ ഇലയില്‍ കൊടുത്ത്‌ തട്ടി വിടുവാണ്‌..

...സദ്യ കഴിഞ്ഞ്‌ ഒരു കുഞ്ഞ്‌ മീറ്റിങ്ങില്‍ പുതിയ താമസക്കരെ എല്ലവരെയും പരിചയപെടുത്തി...ഇന്ന് കണ്ടതു തന്നെ ഇനി അടുത്ത വര്‍ഷമേ കാണാന്‍ പറ്റു...കിട്ടിയ അവസരത്തില്‍ അടിപൊളി ചെക്കനാമാര്‍ ഉള്ള വീടിന്റെ മാത്രം ഹൗസ്‌ നമ്പര്‍ ഞാന്‍ നോട്ട്‌ ചെയിതു... ഹി ഹി ഹി.... ആര്‍ക്കെങ്കിലും പ്രയോജനപെടുമല്ലോ !!!

എല്ല്ലാം കഴിഞ്ഞു വീട്ടില്‍ വന്നപോഴാണ്‌ ആശ്വസമായത്‌... ഒരു പരിചയവും ഇല്ലാത്ത മനുഷ്യരുടെ മുന്നില്‍ ആകെ ഒരു വീര്‍പ്പുമുട്ടലായിരുന്നു... ആര്‍ക്കും ആരേയും അറിയില്ല... വര്‍ഷത്തില്‍ ഉള്ള ഈ ഓണഘോഷം കൂടി ഇല്ലാതായാല്‍...

എന്താവുമോ ആവോ?????